SAN LUCAS 7:25 - Lengua Sur (Enxet) Nuevo Testamento

²⁵ Háwe axta agkok xa ¿Yaksak axta kélteyánegwokmoho'? ¿Kélaneykeya axta kólwetagwók énxet apkeltakmalma apkelnakta m'a? Kélya'ásegkok kéxegke énxet apkeltakmela nak apkelnakta tásek katnehek apheykha, exmakha m'a kelwese'e apxanák nak.

SAN LUCAS 7:25 ပူးပေါင်းရင်းမြစ်များ

SAN MATEO 11:8

Háwe axta agkok xa ¿Yaksak axta kélteyánegwokmoho? ¿Enxet apkeltakmalma apkelnaktáya axta kélteyánegwokmoho? Kélya'ásegkok kéxegke énxet apkeltakmela nak apkelántaxno exmakha m'a kelwese'e apxanák nak.

SAN MATEO 3:4

Yágyatnáxeg apwa' axta kéllané aptaxno m'a Juan, aksok nawhak empehek axta apteté nepxet, sawa' axta aptók, tén han ma'a aksok senlálektamo nak égmenek eñama naxma.

SAN MATEO 6:29

Wánxa agkok, ektahak ko'o seláneya kéxegke s'e, axta exnágweykekxohok wese' Salomón ektémakxa nak eltakmela aksok apagkok xama enxoho xa pánakte exnók nak.

SAN LUCAS 16:19

“Aphegkek axta xama énxet ekxákma selyakye apagkok aptaxneykekxoho axta cha'a apáwa apmomnáwa nak, cham'a aptakmalma axta anhan cha'a kóllano', yókxoho ekhem axta anhan cha'a apkelané ektámáxche ektakmela.

SAN LUCAS 7:24

Xama axta apkeltakháwo m'a énxet'ák ektaha axta Juan apkeláphaso, keñe axta apkeltennáseyncha'a Jesús énxet'ák apxéna m'a Juan. Aptahak axta apkeláneya s'e: “¿Yaksak axta kélteyánegwokmoho' yókxexma meykexa énxet? ¿Pa'at elyawheyáseykha exchahayamya axta kélteyánegwokmoho'?

SAN LUCAS 7:26

¿Yaksak axta kélteyánegwokmoho'? ¿Xama Dios appeywa aplegasoya axta kélteyánegwokmoho'? Nakso', kélwetágwokmek axta kéxegke xama énxet apyeykhágweykmoho axta énxet'ák Dios appeywa apkellegaso nak.