SAN LUCAS 7:16 - Lengua Sur (Enxet) Nuevo Testamento

¹⁶ Xama axta ekwetáxko xa, apyókxoho énxet axta nahan apchekak, yetlókók axta apkelpeykesamo Dios. Aptahak axta apkelpakmeta s'e: —Dios appeywa aplegaso meyke ekhémo aptépak negyeseksa negko'o. Aptahak axta anhan apkelpakmeta s'e: —Dios apwa'ak yakwayam epasmok énxet'ák apagkok.

SAN LUCAS 7:16 ပူးပေါင်းရင်းမြစ်များ

SAN MATEO 15:31

Pelakkásók agko' axta apkelwet'a énxet'ák ektepékxo apkelpeywa m'a énxet meyke apkelpeywa nak, tén han apkeltakmelákxo m'a énxet'ák elyakseykekxa axta apmék, tén han apkelxegákxo m'a énxet'ák meyke aptapnák axta, tén han apkepwagko elyaheykha m'a énxet'ák meyke apakta'ák axta. Apkeltemésesek axta apcheymákpoho Israel Dios apagkok xa énxet'ák nak.

SAN MATEO 21:11

Aptahak axta apkelátegmowágko énxet'ák se'e: —Cháxa Jesús, aptaha nak Dios appeywa aplegaso apkeñama nátegma Nazaret yókxexma Galilea xa.

SAN MATEO 28:8

Kelpekheyásók axta eltakhémo kelán'ák elenyekto m'a takhaxpop, yetlo elmeneykha axta, tén han yetlo elpayheykekxa awáxók, naktémagkakxók axta anhan eltennáseykxo apkeltámeséyak.

SAN MATEO 9:8

Xama axta apwet'a énxet'ák xa, apkelakak axta, apkeltemésesek axta anhan apcheymákpoho Dios eñama apméso apmopwána énxet'ák.

SAN LUCAS 1:65

Apkelyegwakkek axta apyókxoho aphóxo, ekyókxoho yókxexma Judea ekxámakxa xóp elekháhéyak axta kéltennáha m'a ektahakxa axta.

SAN LUCAS 1:68

“¡kóltemésesek sat apcheymákpoho Wese' egegkok, Israel Dios apagkok! Hakte apwayak axta yakwayam elwagkasek teyp énxet'ák apagkok!

SAN LUCAS 19:44

esawhohok sat epalchesegmak tegma. Esawhohok sat nahan ennápok énxet'ák apheykha nak xa, megyohok sat kathánekxak mók meteymog, hakte megkólyekpelchak kéxegke apwa'a Dios yakwayam elwagkasek teyp kéxegke.”

SAN LUCAS 2:20

Apkeltakháwok axta m'a keláneykha nekkések nak, apkeltemésesek axta apcheymákpoho Dios, apkelpeykásók axta nahan eñama m'a ektahakxa axta apweté tén han ma'a ektahakxa axta apkellegé, hakte temék axta m'a ekyókxoho ektahakxa axta amya'a apkeláneyákpo.

SAN LUCAS 24:19

Aptahak axta apchátegmowágko Jesús se'e: —¿Yaksak axta aksok elánéxko m'a? Aptahak axta apcháneya s'e: —Neykhe m'a kéltemésesakxa axta Jesús apkeñama nak Nazaret, aptaha axta Dios appeywa aplegaso, apxeyenma axta Dios apmopwána elának aksok, tén han ekha ekmowána appeywa, apyókxoho énxet'ák axta anhan apxeyenmak;

SAN LUCAS 5:26

Apyókxoho énxet'ák axta pelakkásak apkelwet'a xa, apkelpeykásók axta anhan Dios, apchekakxoho axta anhan aptahak apkelpeywa s'e: —Sakhem negwet'a negko'o aksok eltakmela agko' magwetaya nak katnehek.

SAN LUCAS 5:8

Xama axta apwet'a Simón Pedro xa, apkeltekxekwokmek axta aptapnák apkenmágkaxa Jesús. Aptahak axta apcháneya s'e: —¡Wese', neyhepetchegwoho aksa, may'asáxma ko'o!

SAN LUCAS 7:15

Keñe axta aphákxo néten ma'a ektaha axta apketsapma, appakmétékxeyk axta nahan, apmeyásekxeyk axta nahan Jesús ma'a egken.

SAN LUCAS 7:39

Xama axta apwet'a fariseo ektaha axta apcháneyeykha Jesús xa, entahak axta elchetamso apwáxok se'e: “Nakso' agkok aptaha Dios appeywa aplegaso xa, ékpelkohok ektémakxa xa kelán'a ekpaknegwa'awo nak: kelán'a ekmaso ektémakxa xa.”

SAN LUCAS 8:37

Apyókxoho énxet'ák apheykha yókxexma Gerasa axta apkeltamhok emhagkok mók nekha Jesús, hakte apkelakak axta. Apchántakxeyk axta makham Jesús yántakpayhe, apxegkek axta.

SAN LUCAS 9:19

Aptahak axta apkelátegmowágko apkeltámeséyak se'e: —Nápakha énxet'ák cha'a aptahak apxéna exchep Juan el Bautista, keñe nápakha énxet apxéna exchep aptaha Elías, keñe nahan nápakha énxet apxéna apxátekhágwokmo xama m'a énxet'ák apkellegaso axta Dios appeywa nano' axta.

SAN JUAN 1:21

Apkelmaxneyakxók axta makham xa énxet'ák nak: —¿Yaksak eyke énxet xép? —¿Háweya exchep Elías aptaha axta Dios appeywa aplegaso? —Háwe ko'o, —axta aptahak apchátegmowágko Juan. Apkelenxanakmók axta eyke apkelmaxneyeykha xa énxet'ák nak: —¿Xeyepya Dios appeywa aplegaso apxénamakpo nak ewa'? —Háwe ko'o, axta aptahak makham apchátegmowágko Juan:

SAN JUAN 4:19

Xama axta ekleg'a kelán'a xa, entahak axta eyáneya Jesús se'e: —Wese' ekya'ásegwokmek xép aptaha Dios appeywa aplegaso.

SAN JUAN 6:14

Xama axta apkelwet'a énxet'ák aksok sempelakkaso agweta' apkelané Jesús, aptahak axta apkelpakmeta s'e: —Neykexa nakso' Dios appeywa aplegaso apxénamakpo nak ewa' náxop xa.

SAN JUAN 9:17

Apkelmaxneyakxók axta makham énxet'ák ma'a énxet apteme axta meyke apakta'ák. Aptahak axta apcháneya s'e: —¿Háxko etnehek exének xép ma'a, hakte apwetáseykxek kaxwoxma? Aptahak axta apchátegmowágko énxet kaxwé apweteykekxaxma s'e: —Ekxénchek ko'o aptaha Dios appeywa aplegaso m'a.

LOS HECHOS 5:5

Xama axta apleg'a Ananías xa, apkelpalenteyk axta náxop apketsapa, apkelakak axta apyókxoho énxet'ák ektaha axta apkellege amya'a.

LOS HECHOS 7:37

Cháxa Moisés aptéma axta anhan apkenagkama énxet'ák Israel se'e: ‘Dios sat etekkesek xama énxet Dios appeywa aplegaso kélnepyeseksa kéxegke sekhawo nak ko'o.’

GÁLATAS 1:24

Apkeltemésesek axta apcheymákpoho Dios xa énxet'ák nak, ko'o eñamakxa.