SAN LUCAS 6:42 - Lengua Sur (Enxet) Nuevo Testamento

⁴² Agkok kólyekpelchak kéxegke ekyetna yámet nekha ekyawe ekyéxakxo kélaktek, ¿Yaksak ektaha megkólaka nak kéltaha kéláneya kélyáxeg se'e?: ‘Egyáxeg, hegho anlekkesek ekyéxakxo pa'at nekha ekyetna nak kélaktek’? ¡Kéxegke kélmeyókásamáxkoho nak kéltémakxa. Kóllek sekxo' yámet nekha ekyawe ekyéxakxo ekyetna nak kélaktek, keñe sat kólewának kóllekkesek pa'at nekha ekyéxakxo m'a kélyáxeg!

SAN LUCAS 6:42 ပူးပေါင်းရင်းမြစ်များ

SAN MATEO 26:75

keñe axta ekxénwákxoho apwáxok Pedro aptémakxa axta apkenagkama Jesús se'e: ‘Antanxo sat katnehek mexeyenma exchep sekwesey amonye ekpáwa tat'a.’ Keñe axta aptepa Pedro m'a, axta yeyságkohok apwana.

SAN MATEO 7:3

¿Yaksak ektaha kéllano nak kéxegke kélyáxeg ekyéxakxo pa'at nekha, megkaxénak kélwáxok ekyetna kéxegkáxa ekyéxakxo yámet nekha ekyawe?

SAN MATEO 7:4

Yetneyk agkok kéxegke ekyéxakxo yámet nekha ekyawe, ¿háxko katnehek kólewának kóltehek kólána kélyáxeg se'e: ‘Heyho hana alekkesek xép pa'at nekha ekyéxakxo nak.’?

SAN LUCAS 13:15

Aptahak axta apcháneya Wese' egegkok se'e: —Kéxegke kélmeyókásamáxkoho nak kéltémakxa, ¿Megkóllekkeseya kéxegke táma weyke kéltóso, yámelyeheykok esenhan, cham'a ekhem nellókasamakxa nak nelyampé, yakwayam enxoho kólágwakxak yegmen?

SAN LUCAS 22:32

wánxa agkok elmaxnésesek axta eyke ko'o exchep yakwayam enxoho meyensemek apteme mey'áseyam. Ey'áweyktek sat agkok makham xép, epásem sat apnámokkok yakwayam enxoho elenxanmohok apkelyennaktésamo apteme melya'áseyam.

SAN LUCAS 6:41

“¿Yaksak ektaha kéllano nak kéxegke kélyáxeg ekyéxakxo pa'at nekha, yagkaxénak kélwáxok ekyetna yámet nekha ekyawe ekyéxakxo kéxegke?

SAN LUCAS 6:43

“Yawanchek kasók ekyexna m'a yámet ektakmela nak, yawanchek nahan katakmelek ekyexna m'a yámet ekmaso nak.

LOS HECHOS 13:10

aptahak apcháneya s'e: —¡Apmopwána amya'a exchep, sagkek aptémakxa, kelyekhama' étche, apkenmexma m'a ekyókxoho nentémakxa ektakmela nak. ¿Yaksak ektaha melwátesakmo nak apmáheyo étnakhaksek Wese' egegkok ámay apagkok ektaha nak ekpéwomo?

LOS HECHOS 2:38

Aptahak axta Pedro apchátegmowágko s'e: —Kólyakmagkas kélwáxok, kóltegye yakpasama yegmen eñama nak Wese' egegkok Jesucristo apwesey, yakwayam enxoho meyakmagkásekxék Dios kéltémakxa nak megkólya'asáxma, keñe sat egkések kéxegke Dios Espíritu Santo.

LOS HECHOS 8:21

Megkapayhawok agko' exkak xép ektémakxa nak negko'o nenxawé nentamheykha eñama Dios, hakte sagkek xép elchetamso apwáxok nápakto' Dios.

ROMANOS 2:1

Ekeso eñamakxa megkeytna exchep yakwánxa etnehek appeywa yátegmowagkok amya'a apxénamap, megkeyxek ma'a aptémakxa enxoho exchep, aptaha nak cha'a apyekpelchémo aptémakxa pók. Aptemék agkok cha'a exchep apyekpelchémo pók, apsexnánémap apagko' etnehek xép xa, hakte kaxhok xép xa apkelané aksok ma'a ektémakxa nak apkeláneyak énxet'ák.

2 CORINTIOS 5:18

Dios akke aptaha apkelané ekyókxoho xa, sentemesáseykekxoho apagko' axta anhan nelásekhamaxchekxoho eñama m'a Cristo, egmések axta anhan negko'o nentamheykha yakwayam antemesásekxak apchásekhayo Dios apyókxoho énxet.

2 TIMOTEO 2:21

Kéméxchek negko'o antehek eyáxñeyo nentémakxa, manlanyek ma'a ekyókxoho nentémakxa ekmaso nak, yakwayam enxoho hegmések ektakmela nentamheykha Wese' egegkok, tén han hentemésesek nempagkanamaxche, tén han etnehek segásenneykekxa. Nentemék agkok xa, Dios sat hegasenneykxak yakwayam anlának ekyókxoho ektémakxa nentamheykha ektakmela nak.

2 SAN PEDRO 1:9

Agkok etnék xama énxet xa ektaha nak, máxa etnehek ma'a énxet meyke apakta'ák la'a esenhan ma'a megkawegkepma nak apkelyaheykha; kalwagkámak ma'a ektémakxa axta kélmaséseso mey'asáxma, apkeláneya axta cha'a nano'.