SAN LUCAS 6:35 - Lengua Sur (Enxet) Nuevo Testamento

³⁵ Kéméxchek kéxegke kólásekhohok ma'a énxet'ák apkenmexeykha nak, kólxekmósho nahan kélásekhayo, kólmásesha nahan aksok kélagkok yetlo megkólhaxanma eyakmagkásekxak mók. Awanhek sat katnehek ekyakmageykekxa kéltaha enxoho xa, kóltehek sat kéxegke Dios meyke ekhémo apketchek, aptaha nak han apkelásekhayo m'a énxet'ák megkéso nak ekxeyenma apwáxók Dios, tén han ma'a elmasagcha'a nak apkeltémakxa.

SAN LUCAS 6:35 ပူးပေါင်းရင်းမြစ်များ

SAN MATEO 5:9

“Kéleñémo agko' kéxegke kéltaha nak kéltakmelchesáseykekxa apwáxók kélmók hakte Dios sat eltehek apketchek apancha'awók kéxegke.

SAN MARCOS 5:7

Aptahak axta apyennaktésawo appeywa s'e: —¡Náhey'áwa ko'o Jesús, Dios meyke ekhémo Apketche! ¡Eltamhok ko'o meheñásesagkók xép yetlo sekxeyenma Dios apwesey!

SAN LUCAS 1:32

Etnehek sat énxet meyke ekhémo m'a, eltamhakpok sat Dios meyke ekhémo Apketche, Dios Wese' egegkok sat etnésesek Wese' apwányam ma'a, ekhawo m'a aptemésesamakxa axta David aptaha axta apyap nano',

SAN LUCAS 6:36

Kólteme kéxegke apmopyósa kóllanok kélmók, ekhawo aptémakxa nak Kélyap Dios apmopyósa elanok énxet.

SAN JUAN 13:35

Kéltemék agkok kélásekhamaxkoho kélyókxoho kéxegke, apyókxoho énxet sat elya'ásegwók kéltaha kéxegke seltámeséyak.

SAN JUAN 15:8

Kótaxchek cha'a ektémakxa apcheymákpoho Táta, cham'a ekwetáxko enxoho ekxáma aksok kéllané kéxegke, kéltemék agkok xa, kóltehek kéxegke ekmámnaksoho seltámeséyak.

LOS HECHOS 14:17

axta eyke elwáteseykmok apxekmóso aptémakxa aptaha Dios eñama m'a aksok eltakmela axta apkelané; cham'a Dios apcháphásesamol'a cha'a kéxegke mámeye, tén han ma'a ektakmela eknakxamáxche nak ekyexna, cham'a apmésamol'a anhan cha'a kéxegke kélto yakwayam kóltók, keñe kalpayhekxak cha'a kélwáxok.

2 CORINTIOS 8:9

Hakte kélya'ásegkok kéxegke Wese' egegkok Jesucristo, aptemesásamákpo axta meyke aksok apagkok kéxegke eñamakxa, xámok axta eykhe aksok apagkok ma'a néten, yakwayam enxoho kóltehek kéxegke ekxákma aksok kélagkok eleñama nak néten, eñama m'a aptemesásamap axta Cristo meyke aksok apagkok, eñama nahan ma'a ektémakxa nak segásekhayo.

2 TIMOTEO 3:2

Apkelmeyókasamákpoho apagko' apkeltémakxa sat etnahagkok énxet'ák, étsapma apnenyek selyakye, eleymáxkoho apwáxok, tén han etnahagkok megyéso eleykpohok. Kanmexmakha sat apkelpakmeyesma Dios, metnehek sat nahan apkelyaheykekxoho apyepmeyk, mexnésók sat mók ektakmela kéltemésesakxa, metnehek sat nahan apcháyo m'a ektémakxa nak apchayókxa énxet.