SAN LUCAS 6:26 - Lengua Sur (Enxet) Nuevo Testamento

²⁶ “¡Kéxegke sat laye ektaha nak kélxénamaxche ektakmela; hakte cháxa aptemésesamakxa axta énxet'ák apkeltemesásamakpo axta Dios appeywa apkellegaso apyepmeyk nano' xa énxet'ák nak!

SAN LUCAS 6:26 ပူးပေါင်းရင်းမြစ်များ

SAN MATEO 7:15

“Kólawho kéxegke énxet'ák apkelmopwána amya'a nak, apkelxeyenmol'a ektaha eñama Dios ma'a apkeltenneykha nak. Nekkések cha'a exnésakpohok ey'áwak kéxegke xa énxet'ák nak, aksok nawha'ák ello eyke.

SAN LUCAS 6:25

“¡Kéxegke sat laye kélyakkanakmoho nak keso kaxwo' nak, hakte meyk sat kalnápok! “¡Kéxegke sat laye kéllektegmeyncha'a nak keso kaxwo' nak, hakte kóllekxagwaha sat eñama ellapwámeyak!

SAN JUAN 15:19

Kéltemék axta agkok kélyetleykekxa kéxegke ektémakxa nak keso náxop, yásekhohok axta énxet apkelyetleykekxa nak ektémakxa keso náxop, ekhawo ektémakxa nak cha'a apkelásekhayo m'a ektaha nak apnámokkok. Wánxa agkok elyesáha axta eyke ko'o kéxegke nepyeseksa énxet'ák apkelyetleykekxa nak ektémakxa keso náxop. Ekeso eñamakxa aptaknawe nak kéxegke xa énxet'ák nak, hakte megkóltahak kaxwo' kélyetleykekxa kéxegke apkeltémakxa nak énxet keso náxop.

SAN JUAN 7:7

Mopwanchek etaknók kéxegke énxet'ák apkeleñamakxa apagko' nak keso náxop; hetaknawhok eyke ko'o, hakte tásek ko'o sekxekmóso eyesagko m'a aksok apkeláneyak nak.

ROMANOS 16:18

hakte meláneykegkok ma'a nentamheykha eñama nak Wese' egegkok Jesucristo, aptamhéyak apancha'awo' aksa aptamheykegkok, tásek nahan katnehek apkelpeywa, keylkaxkohok nahan cha'a apkelpeywa elyexanchesha énxet'ák ekmanyehe nak étlakxak kéltemésesakxa.

SANTIAGO 4:4

Kéxegke kéltaha nak kélyenseyam kélyetlo Dios, ¿yagkólya'ásegkok kéxegke ektaha enmexma Dios ma'a negásekhayo nak aksok keso náxop? Negko'o ektahakxa enxoho negmáheyo agásekhohok ektémakxa nak keso náxop, nenmexma antemekxak ma'a Dios.