SAN LUCAS 6:23 - Lengua Sur (Enxet) Nuevo Testamento

²³ Kalpayhekxoho agko' sat kélwáxok ektaha sat kéxegke xa, hakte kólxawak sat kéxegke aksok kélxawé naksa ektakmela agko' ma'a néten; hakte axta aptamheykegkok nahan apnaktawáseykegkoho énxet'ák Dios appeywa apkellegaso apyepmeyk nano' xa énxet'ák nak.

SAN LUCAS 6:23 ပူးပေါင်းရင်းမြစ်များ

SAN MATEO 5:12

Kalpayhekxa agko' kélwáxok, hakte kólxawak sat aksok kélxawé naksa m'a néten ektaha nak ekyawe agko'. Axta temék nahan kélmenxeneykencha'a Dios appeywa apkellegaso apheykencha'a axta nano', meykexa axta kéxegke.

SAN LUCAS 1:41

Xama axta ekleg'a Isabel ektahakxa ekpeykeso María, keñe axta apkeltakhaheyncha'a sakcha'a m'a awáxok, aplanawók axta nahan awáxok Espíritu Santo.

SAN LUCAS 1:44

Xama exchek sekleg'a sepeykesa, keñe apkeltakhaheyncha'a ewáxok sakcha'a, payhekxeyk xeyk apwáxok.

SAN LUCAS 6:35

Kéméxchek kéxegke kólásekhohok ma'a énxet'ák apkenmexeykha nak, kólxekmósho nahan kélásekhayo, kólmásesha nahan aksok kélagkok yetlo megkólhaxanma eyakmagkásekxak mók. Awanhek sat katnehek ekyakmageykekxa kéltaha enxoho xa, kóltehek sat kéxegke Dios meyke ekhémo apketchek, aptaha nak han apkelásekhayo m'a énxet'ák megkéso nak ekxeyenma apwáxók Dios, tén han ma'a elmasagcha'a nak apkeltémakxa.

LOS HECHOS 14:10

Keñe axta aptaha apyennaktésawo appeywa Pablo appakhetchesa s'e: —¡Exnekxa néten, epewho etnamha! Apnextegawók axta néten apkenmeyncha'a xa énxet nak. Apxegákxeyk axta anhan.

LOS HECHOS 3:8

Apnextegawók axta apkempákxo néten xa énxet apkelyelkamap axta, apxegkek axta anhan; apkelxegexma'a axta nahan aptahak apkelántaxna kañe' tegma appagkanamap, apnextegágkek axta néten apxega yetlo apkelteméseso apcheymákpoho Dios.

LOS HECHOS 5:41

Apkelántekkek axta énxet'ák seykha amya'a apkelenyekto nápakta'awo' ma'a énxet'ák kelwese'e nak, hakte apcha'awók axta Dios ellegagkohok ekmaso agko' eñama apkellegaso Jesús apwesey.

ROMANOS 5:3

Háwe ekwánxa agkok sempeykesásekxo egwáxok xa, akke nahan empeykesáseykxak negko'o egwáxok ma'a nenlegeykegkoho nak; hakte negya'ásegkok negko'o xa nenlegeykegkoho nak segmésama yakwayam ólenmaxaxkohok yetlo nelwaskápeykekxoho,

2 CORINTIOS 12:10

Payhekxeyk nahan ko'o xa ewáxok eñama m'a megkeynneykha nak empehek, selwanyeykha, meyke aksok ahagkok, selyakmáseykha, seklegeykegkoho ekyentaxnamo sekha eñama m'a Cristo, hakte ekyelkáxchek agkok cha'a ko'o, cháxa sektaha ko'o sekyennakte xa.

COLOSENSES 1:24

Payhekxeyk kaxwo' ko'o ewáxok seklegágkoho kéxegke eñamakxa, cháxa seksawhegwokmo ko'o eklegeykegkoho sekyókxa xa, cham'a eyéméxko nak eñegkohok Cristo, énxet'ák apagkok eñamakxa, ektaha nak han apyókxa.

2 TIMOTEO 2:12

nenlegágkok agkok negko'o, hegwakxohok sat negko'o xa m'a aptémakxa nak Wese' apwányam Dios; agkok anxénak apwesey Cristo, mexének sat nahan negko'o xa negwesey;

HEBREOS 11:26

Xeyenmék axta apwáxok Moisés ektakmela kawakxohok nahan ma'a ektémakxa nak kélwanyémo Mesías aptaha nak Dios apkelyéseykha, mopmenyék axta kapeykesásekxak apwáxok ma'a aksok eltakmela ekhéyak axta Egipto; hakte xéneykha axta cha'a apwáxok ma'a aksok apxeyenma axta egkések Dios.

HEBREOS 11:6

Magwanchek negko'o ampeykesásekxak apwáxok Dios méko enxoho magya'áseyam, hakte negmokók agkok agyo'ókxak Dios kéméxchek magya'asók sekxo' apha m'a Dios, tén han magya'asók apkelánésa aksok eltakmela m'a énxet'ák ektaha nak apketamso Dios.

SANTIAGO 1:2

Elyáxeg kéméxchek kéxegke kalpayhekxak agko' kélwáxok kélwet'a enxoho ekyekkóna m'a ekyókxoho ektémakxa nak segyekkónma.

1 SAN PEDRO 4:13

Wánxa agkok, kalpayhekxa aksa kélwáxok ekwákxoho enxoho kéxegke m'a ektémakxa axta aplegeykegkoho Cristo, yakwayam enxoho kayáwhok agko' ekpayheykekxa kélwáxok, cham'a ekxekmowásexkoho sat kéxegke m'a ektémakxa nak Cristo apcheymákpoho.

APOCALIPSIS 2:17

¡Kéxegke ekha nak kélheyk'ák, kóleyxho aptahakxa appeywa Espíritu kélakneykekxexa! Enxet'ák ektaha nak apkelmalanma agkések sat yakwayam etawagkok maná, cham'a kélpósamo nak; agkések sat nahan meteymog ekmopé, cham'a ektáxésamaxko nak kaxwé kélwesey meyke ekya'áseyak, wánxa aksa ey'asagkohok ma'a ektahakxa enxoho apxawé.’

APOCALIPSIS 2:26

Enxet'ák ektahakxa enxoho apkelmalanma, cham'a apkelwagkasamo nak néxa apkeláneyak ma'a ektémakxa nak sekmámenyého, atnésesek sat ko'o ekha kélyaheykekxoho nepyeseksa apyókxoho pók aptémakxa énxet'ák nak,

APOCALIPSIS 2:7

¡Kéxegke ekha nak kélheyk'ák, kóleyxho ektahakxa apxeyenma Espíritu kélakneykekxexa! Enxet'ák ektahakxa enxoho apkelmalanma, agkések sat ko'o yámet ekyexna yakwayam etawagkok, cham'a ekyennaktésamo nak egnenyek énma nak ma'a néten Dios yókxexma apagkok ektakmela.’

APOCALIPSIS 21:7

Enxet ektahakxa enxoho apmalanma, exkekxak sat ekyókxoho xa aksok kélpagkancheso nak, Dios apagkok sat ko'o hetnehek xa énxet nak, keñe sat ko'o atnehek hatte xa énxet nak.

APOCALIPSIS 3:12

Enxet'ák ektahakxa enxoho apkelmalanma, atnésesek sat ko'o elámha Dios tegma appagkanamap apagkok, melantépekxók sat cha'a m'a; ataxaksek sat ko'o Dios ahagkok apwesey xa énxet'ák nak, tén han ataxaksek ma'a Dios tegma apwányam apagkok nak apwesey, cham'a kaxwé Jerusalén apkeñama nak néten, apkeñama nak ma'a Dios ahagkok; ataxaksek sat nahan ko'o kaxwé sekwesey xa énxet'ák nak.

APOCALIPSIS 3:5

Enxet'ák ektahakxa enxoho apkelmalanma, apkelmopé sat etnahagkok apkelnakta, mamasésesek sat nahan apkelwesey m'a weykcha'áhak eknaktáxésamaxko nak apkelwesey m'a peya nak elxawagkok elyennakte apnenya'ák, axének sat nahan ko'o selyekpelchawo nápakto' ma'a Táta, tén han nápakto' ma'a apkelásenneykha apkeleñama nak néten.