SAN LUCAS 6:17 - Lengua Sur (Enxet) Nuevo Testamento

¹⁷ Aptekkek axta Jesús néten egkexe yetlo xa énxet'ák nak. Apkenegwakteyk axta ekpayhakxa axta xóp. Axta nahan apchaknákxak apxámokma ektaha apyetleykha m'a, apxámok axta anhan énxet'ák apkeleñama m'a ekyókxoho yókxexma Judea, tén han apkeleñama m'a tegma apwányam Jerusalén, tén han apkeleñama m'a nepyáwa tegma apwányam Tiro tén han ma'a tegma apwányam Sidón, apheykegko axta neyáwa wátsam ekwányam. Apkelwokmek axta yakwayam enxoho yeyxwomhok Jesús apkeltenneykha, tén han yának kóltakmelchesesók ma'a ektémakxa axta apkelháxamap.

SAN LUCAS 6:17 ပူးပေါင်းရင်းမြစ်များ

SAN MATEO 11:21

“Sagkek sat katnehek kéltemésesakxa kéxegke kélheykha nak tegma apwányam Corazín, sagkek sat nahan katnehek kéltemésesakxa kéxegkáxa kélheykha nak tegma apwányam Betsaida, hakte kaxtemek axta elánamáxche aksok sempelakkaso agweta' ma'a tegma apwányam Tiro tén han ma'a Sidón, cham'a elánamáxko axta kélnepyeseksa kéxegke, nano' axta elyakmagkasek apwáxók, exekmóshok axta anhan aptamhágkaxa apkelyakmagkasa apwáxók, elántaxnekxak axta m'a apáwa sẽlwaxkamo nak, énegkenagkok axta anhan apyetseksa'ák táhap.

SAN MATEO 12:15

Xama axta apleg'a amya'a Jesús, keñe axta apxega. Apxámok axta énxet apyetlo, apkeltakmelcheseykmek axta Jesús apyókxoho apkelháxamap,

SAN MATEO 14:14

Xama axta apteyapwokmo Jesús kañe' yántakpayhe, apwet'ak axta énxet apxámokma, apyósekak axta apkelano, apkeltakmelchesekmek axta apkelháxamap apnaklo axta xa énxet'ák nak.

SAN MATEO 15:21

Apxegkek axta Jesús apkeñama m'a, axta apmahágkok ma'a yókxexma Tiro tén han ma'a Sidón.

SAN MATEO 5:1

Xama axta apwet'a apxáma énxet Jesús, apchánteyk axta néten egkexe, aphakmek axta m'a. Apya'aweykxeyk axta apkeltámeséyak aphakxa Jesús,

SAN LUCAS 5:15

Wánxa agkok, yágwokmók axta eyke ekpayheykekxa apxénamap Jesús. Apxámagwokmek axta anhan énxet yakwayam yeyxhok apkeltenneykha, yakwayam enxoho eltakmelchesók ma'a ektémakxa axta apkelháxamap.

SAN LUCAS 6:12

Apmeyákxeyk axta Jesús néten egkexe yakwayam etnehek nempeywa nelmaxnagko natámen xa. Yókxoho axta'a axta aptahak nempeywa nelmaxnagko appakhetchesa Dios ma'a.

SAN LUCAS 6:16

Judas Santiago apketche axta anhan ma'a, tén han ma'a Judas Iscariote, cham'a appelakkasesama axta apkeltémo emakpok Jesús.

SAN LUCAS 6:18

Kéltakmelchesakmek axta nahan ma'a énxet'ák apkellegeykegkoho axta eñama elántaxno apwáxok espíritu elmasagcha'a.