SAN LUCAS 5:32 - Lengua Sur (Enxet) Nuevo Testamento

³² Axta ko'o aweyk yakwayam alwónmakha énxet apkelpéwomo nak, wánxa m'a énxet'ák melya'asáxma nak, yakwayam enxoho etnekxak melya'áseyam Dios.

SAN LUCAS 5:32 ပူးပေါင်းရင်းမြစ်များ

SAN MATEO 18:10

“Nágkólwanyoho aksa xama s'e sakcha'a létkók nak, eltennásek ko'o kéxegke apheyncha'a néten nápakto' Táta m'a ektaha nak apkelásenneykha apkeltakmelchesamol'a xa sakcha'a létkók nak.

SAN MATEO 9:13

Kólxeg, kóltámesaxche ektémakxa nak ekxeyenma eknaktáxésamaxche s'e: ‘Emenyék ko'o kóltehek kéxegke apmopyósa kóllanok kélmók, momenyek ko'o kólnápok aksok nawha'ák yakwayam helmések ko'o. Axta ko'o aweyk yakwayam alwónmakha m'a énxet'ák eltakmela nak apkeltémakxa, wánxa m'a énxet'ák melya'asáxma nak.’

SAN MARCOS 15:10

Hakte apyekpelchágwokmek axta Pilato apmésa Jesús ma'a énxet'ák apkelámha apmonye'e nak appasmo apkelmaxnéseso Dios énxet'ák apagkok eñama apnathé.

SAN MARCOS 15:7

Apheyk axta xama énxet apmomap apwesey axta Barrabás yetlo apkelxegexma'a énxet'ák ektaha axta apchakhé pók neyseksa ellámáxche.

SAN MARCOS 2:17

Apleg'awók axta Jesús xa. Aptahak axta apkeláneya s'e: —Mopmenyék pánakte egyap ma'a énxet'ák apkelyennakte nak, wánxa m'a énxet'ák apkelháxamap nak. Axta ko'o aweyk yakwayam alwónmakha énxet apkelpéwomo nak, wánxa m'a énxet melya'asáxma nak.

SAN LUCAS 15:10

Eltennásek ko'o kéxegke m'a apyakmagkasa enxoho apwáxok xama énxet ekmaso nak aptémakxa, kalpayhekxak apwáxók Dios apkelásenneykha m'a néten.”

SAN LUCAS 15:7

Eltennásek ko'o kéxegke m'a apyakmagkasa enxoho apwáxok xama énxet ekmaso nak aptémakxa, awanhek katnehek elpayheykekxa apwáxók énxet'ák apheykha nak néten, megkaxók ma'a ekweykenxal'a apkelpeykesáseykekxa apwáxók noventa y nueve énxet'ák eltakmela nak apkeltémakxa, cham'a megkeyméxko nak elyakmagkasek apwáxók.

SAN LUCAS 19:10

Hakte apwa'ak axta aptaha nak Apketche énxet yakwayam elchetmok ma'a énxet'ák ektaha axta apkelxegányam, tén han elwagkasek teyp.

SAN LUCAS 24:47

kóltennaha sat ekyókxoho yókxexma amya'a eñama nak Mesías, Jerusalén sat kólénhok sekxo', yakwayam enxoho elyakmagkasek apwáxók énxet'ák, yakwayam enxoho megkólyakmagkásekxék ma'a apkeltémakxa nak melya'asáxma.

SAN LUCAS 5:31

Aptahak axta apchátegmowágko Jesús se'e: —Mopmenyék pánakte egyap ma'a énxet apkelyennakte nak, wánxa m'a énxet'ák apkelháxamap nak.

SAN LUCAS 5:33

Entahak axta amya'a apcháneyákpo Jesús se'e: —Hágkaxwe etnahagkok Juan apkeltámeséyak ma'a manto nak nento ólpeykeshok Dios, tén han ma'a apyetleykekxa nak apkeltémakxa fariseos, meyétekkesemek nahan aptamhéyak nempeywa nelmaxnagko, keñe apkeltámeséyak nak xép etawagkok cha'a aptéyak, énagkok nahan cha'a m'a apyenéyak nak.

LOS HECHOS 17:30

Axta yenmexmók Dios ektémakxa axta melya'áseyak aksok énxet'ák nano' axta, kaxwo' eyke apkeltamhok negko'o agyakmagkasek egwáxok Dios negyókxoho nak, tén han ma'a ekyókxoho yókxexma nak.

LOS HECHOS 2:38

Aptahak axta Pedro apchátegmowágko s'e: —Kólyakmagkas kélwáxok, kóltegye yakpasama yegmen eñama nak Wese' egegkok Jesucristo apwesey, yakwayam enxoho meyakmagkásekxék Dios kéltémakxa nak megkólya'asáxma, keñe sat egkések kéxegke Dios Espíritu Santo.

LOS HECHOS 20:21

Eltennasegkek axta ko'o énxet'ák judíos seltémo elyakmagkasek apwáxók, tén han ma'a énxet'ák metnaha nak judíos, tén han seltémo etnehek melya'áseyam ma'a Wese' egegkok Jesús.

LOS HECHOS 3:19

Ekeso eñamakxa seltamho nak ko'o kólyakmagkasek kélwáxok, kólyo'ókxes kélwáxok ma'a Dios, yakwayam enxoho emasésesek xa kéltémakxa nak megkólya'asáxma. Lapmaxchek sat egkések kéxegke Wese' egegkok ektakmeleykekxa makham kélha,

LOS HECHOS 3:26

Xama axta apxátekhásekmo Apketche Dios, kéxegke axta kélmonye'e apweykekxa kélhágkaxa yakwayam enxoho etnésesek kéleñémo, yakwayam enxoho nahan kólyenyók ma'a kéltémakxa nak kélyetlo aksok ekmaso.”

LOS HECHOS 5:31

Dios axta apya'áseykekxa néten, aphésakxeyk axta m'a ekpayhókxa nak apkelya'asamakxa, aptemésesek axta Wese' tén han segwagkasamo teyp, yakwayam enxoho etnekxak melya'áseyam Dios ma'a énxet'ák Israel, tén han meyakmagkásekxék Dios ma'a apkeltémakxa nak melya'asáxma.

2 SAN PEDRO 3:9

Apkeneykek cha'a nápakha énxet mepekhaksek elának Wese' egegkok ma'a ektémakxa axta appekkeneykekxa appeywa, wánxa agkok, apkeláneykha akke aksa kéxegke Wese' egegkok, hakte mopmenyék kóletsapok kélxama enxoho, wánxa aksa apkepmenyého Wese' egegkok kólsawhaxkohok kéxegke kólyakmagkasek kélwáxok.