SAN LUCAS 5:29 - Lengua Sur (Enxet) Nuevo Testamento

²⁹ Nano' axta entahak apkelana Leví ektámáxche ekwányam apxagkok yakwayam yesawáseshok Jesús. Apxámok axta anhan apkelwokmo m'a énxet'ák ektaha axta apkelma selyakye yakwayam kólmések wese' Roma, tén han ma'a pók énxet'ák nak. Apheyk axta xamo' Jesús nekha mésa xa énxet'ák nak.

SAN LUCAS 5:29 ပူးပေါင်းရင်းမြစ်များ

SAN MATEO 11:19

keñe nahan apwa'a m'a aptaha nak Apketche énxet aptómo nak apto, apyamo nak han vino, apxénákpek nahan aptaha megyéso etwok apto, tén han megyéso ének vino, tén han apxénákpo aptaha apkelásekhayókxa m'a énxet elmasagcha'a nak apkeltémakxa, tén han ma'a énxet'ák apkelma nak selyakye yakwayam egkések wese' Roma. Wánxa agkok, Dios apya'ásegwayam axta eyke keñamak ekwetamaxko ektéma ekyókxoho xa.”

SAN MATEO 5:46

Kélásekha'awók agkok aksa kéxegke m'a apkelásekhayókxa nak kéxegke, megkólxakyek sat aksok kélxawé naksa kéltaha enxoho xa. Hakte weykmók nahan aptamhéyak énxet'ák apchánchesáseykekxohol'a selyakye wese' Roma xa ektaha nak.

SAN MATEO 9:10

Aptáswokmek axta apto Jesús Mateo apxagkok, apkelwokmek axta anhan apxámokma énxet'ák apkelmomo axta selyakye yakwayam egkések wese' Roma, tén han ma'a énxet'ák elmasagcha'a nak apkeltémakxa. Aphakmek axta xamo' Jesús tén han ma'a apkeltámeséyak.

SAN MATEO 9:9

Apxegákxeyk axta makham Jesús apkeñama m'a, apwetágwokmek axta xama énxet apwesey axta Mateo, cham'a aphama axta elmomaxchexa selyakye yakwayam kólmések wese' Roma. Aptahak axta apcháneya Jesús s'e: —Hétlawha ko'o. Keñe axta apkempákxo néten Mateo, apyetlókek axta anhan Jesús.

SAN MARCOS 2:15

Aptáswokmek axta apto Jesús yetlo apkeltámeséyak ma'a Leví apxagkok, apxámok axta anhan énxet apheyncha'a nekha mésa, cham'a énxet'ák apkelmomo axta selyakye yakwayam kólmések wese' Roma, tén han ma'a énxet'ák elmasagcha'a apkeltémakxa nak, hakte apxámok axta énxet apyetlo Jesús ma'a.

SAN LUCAS 15:1

Apyókxoho énxet'ák apkelmomo selyakye yakwayam kólmések wese' Roma axta apkelmahágkok aphakxa Jesús, yakwayam yeyxwomhok apkeltenneykha, tén han ma'a énxet'ák elmasagcha'a axta apkeltémakxa.

SAN JUAN 12:2

Keláneyxchek axta ektámáxche m'a yakwayam etáswók Jesús; Marta axta ekmelásekté nento, Lázaro axta anhan aphak ma'a nekha mésa, aptókok axta xamo' apto Jesús.

1 CORINTIOS 10:27

Apkeláneyáha agkok kóltaswók kélto apxagkok ma'a énxet metné nak mey'áseyam cristo, kólmawhok nahan kólmahagkok kéxegke, kóltawák aksa m'a ekyókxoho aksok apmésakxa enxoho, meyke kélmaxneyeykha eñama ektamheykha kélwáxok xama enxoho.