SAN LUCAS 5:22 - Lengua Sur (Enxet) Nuevo Testamento

²² Apyekpelchawók axta eyke Jesús ektahakxa elchetamso apwáxók xa énxet'ák nak. Aptahak axta apkelmaxneyeyncha'a s'e: —¿Yaksak ektaha, ektaha nak elchetamso kélwáxok kéxegke xa?

SAN LUCAS 5:22 ပူးပေါင်းရင်းမြစ်များ

SAN MATEO 12:15

Xama axta apleg'a amya'a Jesús, keñe axta apxega. Apxámok axta énxet apyetlo, apkeltakmelcheseykmek axta Jesús apyókxoho apkelháxamap,

SAN MATEO 12:25

Apya'ásegkok axta Jesús ektahakxa elchetamso apwáxók xa énxet'ák nak. Aptahak axta apkeláneya s'e: “Apkexpancháseykpek agkok énxet'ák xama apkelókxa keñe etnehek apkelenmexamap, apnaktawásamap apancha'awók etnahagkok. Apkexpancháseykpek agkok nahan énxet'ák apheykha tegma apwányam, esenhan apheykha nak xama tegma, megkawegkók apheykha.

SAN MATEO 9:4

Apya'ásegkok axta eyke Jesús ektahakxa elchetamso apwáxók xa énxet'ák nak. Aptahak axta apkelmaxneyeyncha'a s'e: —¿Yaksak ektaha eyesagko nak kéxegke elchetamso kélwáxok?

SAN MARCOS 8:17

Apyekpelchek axta eyke Jesús ektahakxa apkelpeywa. Aptahak axta apkeláneya s'e: —¿Yaksak ektaha kélxéna nak méko pan? ¿Yagkólya'ásegwokmok makham, yagkólyekpelchágwokmok nahan? ¿Mékoya kélya'áseyak kéxegke?

SAN LUCAS 24:38

Wánxa agkok, aptahak axta apkeláneya Jesús se'e: ¿Yaksak ektaha kélyegwe nak? ¿Yaksak ektaha ekya'ásekmo nak kélwáxok?

SAN LUCAS 5:21

Entahak axta elchetamso apwáxók énxet'ák ektaha axta apkelxekmóso apnámokkok ektémakxa segánamakxa s'e, tén han ma'a fariseos: “¿Yaksak énxet xa aptéma nak, megyeye nak exének aksok elmexma Dios? Dios apwánxa apagko' apmopwána meyakmagkásekxék nentémakxa mólya'asáxma.”

SAN LUCAS 5:23

¿Yaksak enyahamo antehek agának énxet?: ‘Megkólyakmagkáseykxak ektémakxa mey'asáxma exchep’ enxeykel'a antehek agának se'e: ‘Exnekxa' néten, emekxa aptaháno, exeg.’

LOS HECHOS 5:3

Aptahak axta Pedro s'e: —Ananías, ¿yaksak ektaha ektaxna nak apwáxok xép Satanás temésesek apmopwána amya'a exchep, apkelyexancháseyha m'a Espíritu Santo, apmákxeyk xép nekha selyakye kélyanmagkaseso axta apyamasma xóp apagkok?

HEBREOS 4:12

Hakte yetneyk ekyennakte Dios appeywa, yetneyk nahan ekmowána, ahamteyk agko' nahan, yeykhágweykmók ektémakxa ekmahanta m'a sawo ekwenakte ánet nekha ekmahantal'a, ektaxnegweykmohol'a kaño' agko' egwáxok ekweykmoho m'a ekyetnamakxa nak eghagák, kawomhok nahan ma'a kaño' agko' nak apexchakkok énxet; awanchek nahan kay'asagkohok ektémakxa nak elchetamso egwáxok, yáxñakxoho nahan kapekkenekxak ma'a ekmáheyókxa nak kalának egwáxok.