SAN LUCAS 5:20 - Lengua Sur (Enxet) Nuevo Testamento

²⁰ Xama axta apwet'a Jesús ekyetna melya'áseyam xa, aptahak axta apcháneya énxet apháxamap se'e: —Emók, megkólyakmagkáseykxak xép aptémakxa mey'asáxma.

SAN LUCAS 5:20 ပူးပေါင်းရင်းမြစ်များ

SAN MATEO 9:2

Kélsókasek axta énxet megkamopwána eltakheykha m'a, taháno axta kélpekkenak kélsawa. Xama axta apwet'a Jesús ekyetna ekyawe melya'áseyam xa énxet'ák nak, aptahak axta apcháneya énxet megkamopwána eltakheykha s'e: —Hatte, ewaskápekxoho, megkólyakmagkáseykxak aptémakxa mey'asáxma exchep.

SAN MATEO 9:5

¿Yaksak enyahamo antehek agána'? ¿Keya antehek agának se'e: ‘Megkólyakmagkáseykxak aptémakxa mey'asáxma exchep’, esenhan antehek agának se'e: ‘Etnamha, exeg’?

SAN MARCOS 2:5

Xama axta apwet'a Jesús ekyetna melya'áseyam xa énxet'ák nak, aptahak axta apcháneya ektaha axta apháxamap se'e: —Hatte, megkólyakmagkásekxak xép aptémakxa mey'asáxma.

SAN LUCAS 7:48

Keñe axta aptaha apcháneya Jesús kelán'a s'e: —Megkólyakmagkáseykxak ektémakxa megkay'asáxma.

SAN JUAN 2:25

Axta keyméxchek kóltennaksek Jesús apkeltémakxa xa énxet'ák nak, hakte apya'áseykegkoho apagko' etnehek ma'a ektémakxa nak elchetamso apwáxók énxet.

SAN JUAN 5:14

Keñe axta apwetágwokmo Jesús apha kañe' tegma appagkanamap ma'a énxet ektaha exchek aptakmelcheseyam. Aptahak axta apcháneya s'e: —Cháxa aptakmelwokmo nak xép neylánekxa aksa kaxwo' mey'asáxma, yakwayam enxoho megkahapweyk xép aksok ekmaso agko'.

LOS HECHOS 11:23

Xama axta apwokmo Bernabé m'a, apwet'ak axta ektémakxa aksok eltakmela eleñama néten apméso Dios xa énxet'ák nak. Awanhok agko' axta anhan ekpayheykekxa apwáxok. Apkeltennásek axta énxet'ák apkeltamho elenxanmohok apteme melya'áseyam Wese' egegkok.

LOS HECHOS 14:9

Pablo apkeltenneykha axta aphaxnawo'. Apkelanawók axta Pablo xa énxet nak, apwet'ak axta ekyetna mey'áseyam yakwayam enxoho etakmelwók.

2 CORINTIOS 2:10

Enxet megkólyakmagkáseykxexa enxoho aptemésesakxa kéxegke, mayakmagkásekxék nahan ko'o xa aptahakxa. Mayakmagkásekxék nahan ko'o xa aptahakxa, cham'a ekyetna enxoho aksok yakwayam mayakmagkásekxék aptahakxa, eñama ekxeyenma ewáxok ko'o kéxegke nápakto' Cristo.

COLOSENSES 3:13

Kólteme cha'a kéllenmáxamáxkoho aptemésesakxa enxoho kélmók, nágkólyakmagkásekxa aksa ekyetna enxoho megkaleklo kélwáxok aptahakxa kélmók. Ekhawo aptahakxa axta Wese' egegkok meyakmagkáseykxo kéltémakxa kéxegke, nágkólyakmagkásekxa nahan kéxegkáxa aptemésesakxa enxoho kélmók.

SANTIAGO 2:18

Katnehek kexaha nahan amya'a agáneyxchek se'e: “Yetneyk xép mey'áseyam keñe ko'o ekwetáxko sektamheykha.” Hexekmós ko'o ektémakxa nak mey'áseyam xép meyke apkelané aptamheykha xama enxoho, keñe sat ko'o axekmósek xép ektémakxa nak may'áseyam yetlo selané sektamheykha.