SAN LUCAS 5:10 - Lengua Sur (Enxet) Nuevo Testamento

¹⁰ Hawók axta anhan ektahakxa m'a Santiago, tén han ma'a Juan, aptaha axta Zebedeo apketchek, cháxa aptaha axta apkelxegexma'a Simón xa. Aptahak axta Jesús apcháneya Simón se'e: —Nágyé' aksa; sakhem eyeynawo exchep yakwayam etnehek aptegye énxet.

SAN LUCAS 5:10 ပူးပေါင်းရင်းမြစ်များ

SAN MATEO 13:47

“Máxa nahan yám'én kélyamasma kañe' wátsam ekwányam ma'a aptémakxa nak Wese' apwányam Dios, keñe kalmok ekyókxoho ektémakxa kelasma.

SAN MATEO 14:27

Aptahak axta apkelpakhetchesa Jesús se'e: —¡Kólyennakteyásekxoho kélwáxok! ¡Náhelé', ko'o s'e!

SAN MATEO 20:20

Yo'ókmek axta Jesús Zebedeo aptáwa, yetlo étchek, keltekxekwokmek axta atapnák apkenmágkaxa yakwayam enxoho kalmaxnak xama aksok.

SAN MATEO 4:19

Aptahak axta apkeláneya Jesús se'e: —Helyetlogma ko'o, atnésesek sat kéxegke kéltegye énxet.

SAN MATEO 4:21

Apxegákxeyk axta makham Jesús, apwetágwokmek axta makham apkánet énxet apyáxeg apagko' axta apxegexma m'a, Zebedeo axta apketchek xa apkánet nak: Santiago axta apwesey xama, keñe axta pók apwesey Juan, yetlo Zebedeo axta anhan apkelánegkakxo yam'én apagkok kañe' yántakpayhe awáxok xa énxet'ák nak. Apkelwóneyha axta Jesús.

SAN MARCOS 1:17

Aptahak axta apkeláneya Jesús se'e: —Hélyetlogma ko'o, atnésesek sat kéxegke kéltegye énxet.

SAN LUCAS 5:7

Keñe axta aptemesásencha'a apkelxegexma'a apkelchánte axta mók yántakpayhe, yakwayam enxoho ewhánegwomho'. Apyo'ókmek axta anhan ma'a. Apkellánesagkók axta kelasma m'a ánet yántakpayhe nak, ketsék axta kéméxchek yakwayam kalweywagkok.

SAN LUCAS 5:9

Hakte pelakkásók agko' axta apwet'a Simón yetlo apkelxegexma'a xa apkelma axta kelasma ekxámokma.

SAN LUCAS 6:14

Keso énxet'ák ektaha axta apkelyéseykha s'e: Simón, cham'a aptemésesama axta anhan apwesey Pedro; Andrés, Simón apyáxeg axta anhan ma'a; Santiago axta anhan, tén han Juan, Felipe, Bartolomé axta anhan ma'a,

SAN JUAN 21:2

Apháha axta Jesús apkeltámeséyak ma'a: Simón Pedro, Tomás, apkeltamhomakpo axta Apkánet Appalleykmoho, Natanael axta anhan aphak ma'a, aptaha axta apkeñama Caná yókxexma Galilea, axta anhan ma'a ektaha axta Zebedeo apketchek, apháha axta anhan ma'a apkánet ektaha axta Jesús apkeltámeséyak.

LOS HECHOS 2:4

Kellánegkok axta apwáxók Espíritu Santo xa apyókxoho nak, mók ektémakxa apkelpeywa axta apkelpakmétak, ekhawo m'a ektahakxa axta apméso Espíritu Santo yakwánxa katnehek apyakmaga mók ektémakxa kélpeywa.

2 CORINTIOS 8:23

Ewanchek ko'o axének Tito aptaha sekxegexma, aptaha anhan sektamheykha xamo' yakwayam ampasmok kéxegke. Ewanchek nahan axének ko'o m'a apkánet ẽlyáxeg'a ektaha axta eláphaso kélakneykekxexa, cham'a, kélayókxa nak Cristo.

2 TIMOTEO 2:26

yakwayam enxoho elya'ásegwomhok tén han elántépok ma'a elmomakxa nak kelyekhama' elhanma, ekmáheyókxa nak cha'a katnésesek ekmokókxa enxoho katnésesek xa énxet'ák nak.