SAN LUCAS 4:36 - Lengua Sur (Enxet) Nuevo Testamento

³⁶ Apyókxoho énxet axta apkelyegweyk. Aptahak axta apkelpakhetcháseykpoho s'e: —¡Ekmowána eghak appeywa! Apwanchek nahan apkelántekkesa espíritu elmasagcha'a énxet apwáxók, kelyahákxók nahan appeywa, ¡Ñohok nahan elántepa!

SAN LUCAS 4:36 ပူးပေါင်းရင်းမြစ်များ

SAN MATEO 9:33

Xama axta aptekkesa Jesús kelyekhama' kañe' apwáxok xa énxet meyke appeywa nak, yetlókók axta ektepeykekxa appeywa. Pelakkásók agko' axta apkelwet'a énxet'ák. Aptahak axta apkelpakmeta s'e: —¡Megkótémaxchek makham nepyeseksa énxet'ák Israel ekhawo xa ektahakxa nak!

SAN MARCOS 1:27

Apyókxoho énxet axta apkelyegweyk, aptahak axta cha'a apkelmaxneyeyncha'a pók se'e: —¿Yaksak kex'a xa? ¡Kaxwé nelxekmowásamáxche xa ektémakxa nak apkelxekmóso, yetlo ekyawe apmopwána, wokmók nahan appakhetcheso espíritu ekmaso! ¡Kelyahákxok nahan appeywa!

SAN MARCOS 7:37

Aptahak axta apkelpakmeta énxet'ák ekpelakkasa apkelwet'a s'e: “Tásek cha'a katnehek aptamheykha. ¡Wokmók nahan apkellegáseykekxa exma énxet meyke apeyk'ák, tén han aptekkesáseykxo appeywa m'a énxet meyke appeywa nak!”

SAN LUCAS 2:18

Pelakkasek axta apkelleg'a apxámokxoho énxet'ák ektahakxa axta apkeltenneykha m'a keláneykha nekkések.

SAN LUCAS 4:32

Pelakkasek axta apkelwet'a énxet'ák ektahakxa axta apkelxekmóso Jesús, hakte apkeltennáha axta yetlo ekyawe agko' apmopwána.

1 SAN PEDRO 3:22

cham'a Jesucristo apmeyeykekxo axta néten, aphákxeyk nahan ma'a ekpayhókxa nak apkelya'asamakxa Dios. Temék kaxwo' elyaheykekxoho Dios apkelásenneykha m'a Cristo, tén han ma'a aksok magweté nak ekyókxa ekheykencha'a nak tekhenxet, cham'a ekha nak kélyaheykekxoho, cham'a ekha nak han elmowancha'a.