SAN LUCAS 4:22 - Lengua Sur (Enxet) Nuevo Testamento

²² Apyókxoho énxet axta takmelak cha'a apxeyenma Jesús. Leyawók axta apwáxók énxet'ák apkelleg'a m'a ektahakxa axta aksok ektakmela apxeyenma Jesús. Aptahak axta cha'a apkelmaxneyeyncha'a pók se'e —¿Háweya José apketchel'a xa?

SAN LUCAS 4:22 ပူးပေါင်းရင်းမြစ်များ

SAN LUCAS 2:47

Pelakkasek axta eklegáxko ektémakxa aksok apya'áseykegkoho tén han ma'a ektahakxa axta cha'a apchátegmowéyak Jesús kélmaxneyeykha.

SAN LUCAS 2:48

Pelakkasek axta ekwet'a m'a enchána; entahak axta eyáneya egken se'e: —Hatte, ¿yaksak ektaha sentemésesama nak negko'o xa? Awanhek negko'o ekyetnakhayo egwáxok negketama exchep, apyap tén han ko'o.

SAN LUCAS 21:15

hakte ko'o sat agkések kéxegke kélpeywa yetlo kélya'áseykegkoho, mopwanchek sat yátegmowagkok kéltahakxa kélpeywa m'a kélenmexma, mopwanchek sat exének ektaha megkamámnaksoho kélpeywa.

SAN LUCAS 4:21

Aptahak axta appakmeta Jesús se'e: —Sakhem ektaha kélnepyeseksa kéxegke xa ektémakxa nak eknaktáxésamaxche weykcha'áhak kélleg'a exchek.

SAN JUAN 1:45

Apxegkek axta Felipe apketama Natanael. Aptahak axta apcháneya s'e: —Negwet'ak negko'o m'a énxet aptáxesama nak apwesey Moisés weykcha'áhak eknaktáxésamaxchexa nak segánamakxa, cham'a aptáxesama nak han énxet'ák Dios appeywa apkellegaso apxeyenma m'a. Jesús apkeñama tegma apwányam Nazaret ma'a, José apketche.

SAN JUAN 6:42

Aptahak axta anhan apkelpakmeta s'e: —¿Háweya Jesús José apketchel'a xa? Negya'ásegkok negko'o m'a apyap, negya'ásegkok nahan ma'a egken. ¿Yaksak ektaha apxéna nak apwéweykento apkeñama néten?

SAN JUAN 7:46

Aptahak axta apkelátegmowágko sẽlpextétamo s'e: —Méko xama énxet ekhawo apkeltenneykha ektahakxa nak apkeltenneykha m'a énxet nak.

LOS HECHOS 6:10

Wánxa agkok, mopwancha'ak axta eyke apkelátegmowágko, hakte apkeltennáha axta Esteban yetlo apya'áseykegkoho eñama apméso m'a Espíritu Santo.

TITO 2:8

etakmelchesho nahan apkeltenneykha, yakwayam enxoho méko kawának kaxének eyesagko aptahakxa appeywa. Keñe sat elmegkágwakxak ma'a énxet'ák ektahakxa enxoho apkenmexeykha exchep. Mopwanchek sat nahan henxének ekmaso negko'o.