SAN LUCAS 4:18 - Lengua Sur (Enxet) Nuevo Testamento

¹⁸ “Wese' egegkok Espíritu apagkok ko'o sekxegexma, hakte epagkanchek axta ko'o yakwayam asókasek amya'a ektakmela m'a énxet'ák meyke nak aksok apagkok; Elaphásek nahan ko'o yakwayam altennaksek kélchexeykxo m'a énxet apkelmomap nak, tén han óteyásekxaxma m'a énxet'ák meyke apakta'ák nak; keñe anhan akxeykxak ma'a énxet'ák kélnaktawáseykegkoho nak;

SAN LUCAS 4:18 ပူးပေါင်းရင်းမြစ်များ

SAN MATEO 11:5

Kóltennasha sat Juan apkelwetákxoxma énxet'ák meyke nak apakta'ák, keñe apkelxegákxo m'a énxet meyke aptapnák nak, keñe anhan apkeltakmelwokmo m'a énxet ektamhéyak nak negmasé ektepelchamáxche egyempehek, keñe anhan apkellegákxoxma m'a énxet'ák meyke apeyk'ák nak, keñe anhan apnakxétekhágwokmo m'a énxet'ák apkeletsapma axta, keñe anhan kéllegasa amya'a segwagkasamo teyp ma'a énxet'ák meyke nak aksok apagkok.

SAN MATEO 12:18

“Keso seyásenneykha ko'o s'e, ko'o axta selyéseykha, aptaha nak han seyásekhayo, leklamok nahan ewáxok aptémakxa. Agkések sat nahan ko'o Espíritu ahagkok, eltennasha sat nahan apyókxoho énxet'ák ma'a ekxeyenma nak ko'o ewáxok ektaha ekpéwomo.

SAN MATEO 12:20

Megyentaksek sat ma'a yamámok ektakhé nak, mespanchesek sat nahan ma'a chálewaso yátépépe agkok ketse' ekpánma nak. Elenxanmohok sat ekwokmoho apkelyahákxoho énxet'ák ma'a apkeltémókxa nak antehek Dios.

SAN MATEO 4:16

Cháxa apkelteyáseykegkaxa axta énxet'ák neyseksa ekyaktésakxaxma xa, apwet'ak axta ekyawe agko' elseyexma; chápogwatchek axta xa elseyexma nak, nepyeseksa m'a énxet'ák apheykencha'a axta nétsapmakxa.”

SAN MATEO 5:3

“Kéleñémo agko' kéxegke kéltaha nak kélyekpelchémo kéltaha mékoho nápakto' Dios, hakte kéxegke kéltaha kélpáxakxo m'a aptémakxa nak Wese' apwányam Dios.

SAN LUCAS 4:17

Isaías Dios appeywa aplegaso weykcha'áhak apagkok axta kélmeyásak kéltamho elyetsetek; xama axta apmeykesa weykcha'áhak, apwet'ak axta ektéma axta eknaktáxésamaxche s'e:

SAN LUCAS 6:20

Apkelanawók axta Jesús apkeltámeséyak, keñe axta aptaha apkeláneya s'e: “Kéleñémo agko' kéxegke kéltaha nak meyke aksok kélagkok, hakte kélpáxakwokmek ma'a aptémakxa nak Wese' apwányam Dios.

SAN LUCAS 7:22

Aptahak axta apchátegmowágko Jesús se'e: —Kóltakhoho, kóltennásekxa Juan ektahakxa nak kélweté, tén han xa ektahakxa nak kéllegé. Kóltennasha nahan Juan apkelwetákxo exma m'a énxet'ák meyke apakta'ák nak, tén han apkelxegákxo m'a énxet'ák meyke aptapnák nak, tén han apkeltakmelwokmo m'a énxet'ák ektamhéyak axta negmasé ektepelchamáxche egyempehek, tén han apkellegákxo exma m'a énxet'ák ektamhéyak axta meyke apeyk'ák, tén han apnakxétekhágwokmo m'a énxet'ák apkeletsapma nak, keñe kéltennásencha'a amya'a segwagkasamo teyp ma'a énxet'ák meyke nak aksok apagkok.

SAN JUAN 1:41

Apxegkek axta Andrés apketama apepma' apwesey Simón, aptahak axta apcháneya s'e: —Negwetákxeyk negko'o Mesías (kéltéma nak: Cristo)

SAN JUAN 12:46

Ekwa'ak axta ko'o keso náxop, yakwayam enxoho mexmakha neyseksa ekyaktesóxma énxet'ák apteme nak mehey'áseyam, ko'o sektaha nak elseyexma.

SAN JUAN 3:34

énxet aptaha nak Dios apcháphaso, wánxa aksa exének ma'a amya'a eñama nak Dios, hakte memyágwakxék egkések Dios ma'a Espíritu apagkok.

LOS HECHOS 10:38

Kélya'ásegkok kéxegke apmésama axta ekyawe agko' apmopwána Dios ma'a Jesús apkeñama nak Nazaret, tén han apmésama m'a Espíritu Santo. Kélya'ásegkok nahan ma'a apkeláneya axta cha'a Jesús ektakmela aptamheykha, apkeltakmelcheseykmek axta m'a apyókxoho énxet eknaktawáseykegkoho axta kelyekhama'. Apwanchek axta apkelana Jesús xa, hakte apxegexma axta aptemék Dios.

LOS HECHOS 26:18

Eyáphásek xép nepyeseksa xa énxet'ák nak, yakwayam enxoho elyekpelchásesamhok, tén han kamaskok apkelteyáseyncha'a ekyaktesakxaxma, wánxa aksa elteyésha m'a neyseksa elseyexma nak, yakwayam enxoho anhan kamaskok ekyetna ekmowána Satanás nepyeseksa xa énxet'ák nak, wánxa aksa elyetlakxak ma'a Dios; yakwayam enxoho etnahagkok mehey'áseyam ko'o, keñe anhan elxawagkok ma'a meyakmagkáseykekxa nak Dios apkeltémakxa melya'asáxma, tén han exkak yakwayam epáxakwók ma'a Dios énxet'ák apagkok apkelpagkanamap nak.

LOS HECHOS 4:26

Apyókxoho kelwese'e apkelwányam nak keso náxop aptamhákxak apkenmexeykha Wese' egegkok, tén han ma'a kelwese'e apkeláneykha nak apkelókxa. Apyókxoho nahan apkeláneykxak aptamhágkaxa yakwayam etaknók Dios Wese' egegkok, tén han yakwayam etaknók ma'a ektaha axta apkelyéseykha, cham'a aptaha nak Mesías.’

LOS HECHOS 4:27

“Nakso', apchaknákxeyk axta Herodes tén han Poncio Pilato xamo' ma'a énxet'ák metnaha nak judíos, tén han ma'a énxet'ák Israel, amya'a axta apkelaneykxak yakwánxa kóltemésesek Jesús aptaha nak Xép apkelyéseykha yakwayam etnehek Mesías.

COLOSENSES 1:13

Ẽlhexyawasékxeyk axta negko'o Dios sẽlmoma axta m'a ektémakxa nak ekmowána ekyaktesóxma, ennaklakxeyk axta m'a aptémakxa nak Wese' apwányam Apketche apchásekhayókxa nak,

SANTIAGO 2:5

Elyáxeg selásekhayo, kóleyxho hana s'e: Apkelyésáha Dios ma'a ektaha nak meyke aksok apagkok keso náxop, yakwayam enxoho kayáwak melya'áseyam, yakwayam enxoho nahan exkekxak ma'a aptémakxa nak Wese' apwányam Dios, cham'a apxeyenma axta egkések Dios ma'a ektaha nak apkelásekhayo;

1 SAN PEDRO 2:9

Kéxegke eyke kélteme énxet'ák ektaha axta Dios apkelyéseykha, kélteme anhan kélmaxnéseso Dios énxet'ák apagkok eñama apkelásenneykha m'a Wese' apwányam Dios, kélteme nahan Dios énxet'ák apagkok apkelpagkanamap, kélteme nahan énxet'ák ektaha axta Dios apkelma yakwayam etnehek énxet'ák apagkok. Temegkek kéxegke xa ektaha nak yakwayam enxoho kóllegaksek ma'a Dios aptamheykha ektakmela nak, cham'a Dios aptaha axta apkelwóneykha kéxegke yakwayam kólantépok neyseksa ekyaktésakxa exma yakwayam enxoho kólántexek ma'a neyseksa elseyexma apagkok ektakmalma nak.