SAN LUCAS 3:2 - Lengua Sur (Enxet) Nuevo Testamento

² Anás axta apkemha apmonye appasmo apkelmaxnéseso Dios énxet'ák apagkok tén han ma'a Caifas, cham'a appakhetchesama axta Dios yókxexma meykexa énxet Juan, aptaha axta Zacarías apketche.

SAN LUCAS 3:2 ပူးပေါင်းရင်းမြစ်များ

SAN MATEO 11:7

Xama axta apkeltakháwo énxet ektaha axta apkeláphaso Juan, apkeltennáseyha axta Jesús énxet'ák apxéna m'a Juan. Aptahak axta s'e: “¿Yaksak axta kélteyánegwokmoho kéxegke yókxexma meykexa énxet? ¿Pa'at elyawheyáseykha exchahayamya axta kélteyánegwokmoho'?

SAN MATEO 26:3

Apchaknákxeyk axta énxet'ák apkelámha apmonye'e nak appasmo apkelmaxnéseso Dios énxet'ák apagkok ma'a Caifás apxagkok, cham'a Caifás aptaha axta apkemha apmonye appasmo apkelmaxnéseso Dios énxet'ák apagkok. Axta anhan ma'a énxet'ák apkelámha apmonye'e nak apchakneykekxexa énxet'ák judíos.

SAN MARCOS 1:2

ekhawo ektémakxa axta aptáxéso Isaías, aptaha axta Dios appeywa aplegaso, aptéma axta s'e: “Eyáphásek ko'o seykha amya'a ahagkok apmonye exchep, yakwayam enxoho elanaksek ámay.

SAN LUCAS 1:80

Apwánenyek axta m'a sakcha'a nak, yennakweykmek axta apteme mey'áseyam Dios, apheykmek axta yókxexma meykexa énxet ekwokmoho ekhem yakwánxa exekmósakpohok énxet'ák Israel.

SAN JUAN 1:23

Aptahak axta apchátegmowágko Juan se'e: —Ko'o sekteme énxet apkelpáxameykha yókxexma meykexa énxet, sektéma cha'a sekpeywa s'e: ‘Kóllanés Wese' egegkok ámay ekpéwomo’, ekhawo m'a aptémakxa axta cha'a apkeltenneykha Isaías, aptaha axta Dios appeywa aplegaso.

SAN JUAN 18:24

Keñe axta Anás apcháphasa Jesús yetlo kélnakteté apmék ma'a aphakxa axta Caifás, aptaha axta apkemha apmonye appasmo apkelmaxnéseso Dios énxet'ák apagkok.

LOS HECHOS 4:6

Apheyk axta nahan énxet apkemha apmonye apkelmaxnéseso Dios énxet'ák apagkok ma'a apwesey axta Anás, Caifás axta anhan aphak ma'a, tén han ma'a Juan, Alejandro axta anhan, axta anhan apháha apyókxoho m'a ektaha axta apteme apnámokkok énxet apkelámha apmonye'e nak apkelmaxnéseso Dios énxet'ák apagkok.