SAN LUCAS 3:1 - Lengua Sur (Enxet) Nuevo Testamento

¹ Quince apyeyam axta weykmok apteme wese' apwányam Roma m'a Tiberio, keñe axta Poncio Pilato aptaha wese' apchásenneykha apkeláneykha yókxexma m'a Judea, keñe axta Herodes aptaha wese' m'a Galilea, keñe axta apyáxeg Felipe aptaha wese' m'a Iturea tén han ma'a Traconite, keñe axta Lisaneas aptaha wese' m'a Abilinia.

SAN LUCAS 3:1 ပူးပေါင်းရင်းမြစ်များ

SAN MATEO 14:1

Apleg'ak axta Herodes ekxénáxko aksok apkelané Jesús. Herodes axta wese' m'a yókxexma Galilea.

SAN MATEO 14:3

Herodes axta apkeltémo emakpok Juan tén han apkeltémo kólyentemekxa yetlo kélpextete cadenas ma'a sẽlpextétamakxa. Kelán'a ekwesey Herodías axta keñamak aptaha Herodes xa, ektaha axta aptáwa m'a apyáxeg apwesey axta Felipe.

SAN MATEO 14:6

Wokmek axta ekhem apteyekemxa wese' Herodes, néweyha axta Herodías étche nápakta'awo' énxet'ák ektaha axta apkeláneyeykha Herodes, leyawók agko' axta apwáxok Herodes,

SAN MATEO 22:17

¿Háxko katnehek xép elchetamso apwáxok?: ¿Táseya agmések selyakye wese' Roma, sagkek enxeykel'a?

SAN MATEO 27:2

Kélnaktetchesek axta apmék Jesús kélyentama aphakxa Pilato, aptaha axta wese' Roma apchásenneykha apkeláneykha yókxexma.

SAN MARCOS 6:17

Herodías axta keñamak apkeltamho Herodes emakpok Juan, apkeltamhok axta kóltétek cadenas kañe' sẽlpextétamakxa. Felipe axta aptáwa Herodías, aptaha axta Herodes apyáxeg, keñe axta Herodes aptamheykekxo aptáwa xa kelán'a nak.

SAN MARCOS 6:21

Wokmek axta ekhem yakwánxa kalyentamaxkohok Herodías, cham'a apkelánesa axta ektámáxche ekwányam apkelámha apmonye'e apagkok Herodes, tén han ma'a sẽlpextétamo kelwese'e nak, tén han ma'a kelwese'e apkeleñama nak Galilea, cham'a ekwokmo axta ekhem apteyékemxa Herodes.

SAN LUCAS 13:31

Apkelwokmek axta anhan nápakha énxet'ák fariseos. Aptahak axta apcháneya Jesús se'e: —Emhok sat mók nekha, Herodes apmokók yakhek xép.

SAN LUCAS 2:1

Apkeltamhok axta kanaktáxesaxchek apkelwesey weykcha'áhak apkelánamákpoho énxet apheykha axta ekyókxoho yókxexma apmomakxa axta romano m'a wese' apwányam apwesey axta Augusto.

SAN LUCAS 23:24

Apmokók axta elának Pilato m'a apcháneyákpexa axta etnehek;

SAN LUCAS 3:19

Apyennaktések axta nahan appeywa Juan appakhetchesa m'a Herodes, aptaha axta wese' yókxexma, hakte aptáwa axta aptamheykekxak ma'a kelán'a ekwesey axta Herodías, ektaha axta apyáxeg aptáwa, apwesey axta Felipe, tén han eñama m'a ekxámokxoho aksok ekmaso apkelané axta Herodes.

SAN LUCAS 9:7

Apleg'ak axta amya'a Herodes apxénákpo Jesús tén han ma'a ekyókxoho aksok apkelané axta Jesús; axta ey'ásegkok ektahakxa elchetamso apwáxok, hakte nápakha énxet axta apxénak apxátekhágwokmo Juan,

LOS HECHOS 23:26

“Ko'o Claudio Lisias, eyáphásesek ekxeyenma ewáxok xép Felix aptaha nak wese' apchásenneykha apkeláneykha apchókxa.

LOS HECHOS 24:27

Apkánet apyeyam axta weykmók ekteme xa; keñe axta apkelwátésa apteme wese' Felix xa yókxexma nak, Porcio Festo axta apyakmagkaso. Apmenyék axta Felix yásekhohok énxet'ák judíos, keñe axta apcha'awo aksa kélhésama Pablo sẽlpextétamakxa.

LOS HECHOS 26:30

Keñe axta apkempákxo néten wese', tén han ma'a wese' apkeláneykha nak apchókxa, Berenice axta anhan ma'a, tén han ma'a apyókxoho énxet'ák apheyncha'a axta m'a,

LOS HECHOS 4:27

“Nakso', apchaknákxeyk axta Herodes tén han Poncio Pilato xamo' ma'a énxet'ák metnaha nak judíos, tén han ma'a énxet'ák Israel, amya'a axta apkelaneykxak yakwánxa kóltemésesek Jesús aptaha nak Xép apkelyéseykha yakwayam etnehek Mesías.