SAN LUCAS 24:51 - Lengua Sur (Enxet) Nuevo Testamento

⁵¹ Neyseksa apkelmaxnéseso aksok eltakmela eleñama néten axta apkexaya aksa Jesús xa énxet'ák nak, kélya'áseykxeyk axta néten.

SAN LUCAS 24:51 ပူးပေါင်းရင်းမြစ်များ

SAN MARCOS 16:19

Kélya'ásekxeyk axta néten Jesús natámen apkelpakhetcheso apkeltámeséyak, aphákxeyk axta m'a ekpayhókxa nak apkelya'asamakxa Dios.

SAN LUCAS 24:50

Apnaklókek axta Jesús nepyáwa tegma apwányam xa énxet'ák nak ekweykmoho m'a Betania. Apkelya'ásek axta néten apmék apkelmaxnésesa aksok eltakmela eleñama néten.

SAN LUCAS 24:52

Apkeltakháwok axta tegma apwányam Jerusalén yetlo elpayheykekxa apwáxók xa énxet'ák nak, cham'a natámen axta apkelpeykesamo Jesús.

SAN JUAN 20:17

Aptahak axta apcháneya Jesús se'e: —Náhepaknegwoho, hakte mamyákxak ko'o makham ma'a aphakxa nak Táta. Katakhoho, kaltennásekxa sat elyáxeg peya amyekxak ko'o kaxwo' ma'a aphakxa nak Táta, aptaha nak kélyap kéxegke, aptaha nak han Dios ahagkok tén han Dios kélagkok kéxegke.

LOS HECHOS 1:9

Kélya'ásekxeyk axta néten Jesús natámen apteme appeywa xa, cham'a neyseksa apkelanyo axta apkeltámeséyak, xama yaphopé axta chápak, massék axta anhan apwet'a xa apkeltámeséyak nak.

HEBREOS 1:3

Cristo keñamak ekwetamaxko m'a ektémakxa nak apcheymákpoho Dios, hakte aphawók apagko' Cristo m'a Dios, aptaha nak han appasmo ekyókxoho aksok yetlo m'a appeywa ekha nak ekmowána. Aphákxek axta néten ekpayhókxa nak nelya'asamakxa nekha Dios aptaháno, cham'a, natámen axta segmaséseso nentémakxa mólya'asáxma.

HEBREOS 4:14

Jesús, Dios Apketche, apteme apkemha apmonye apagko' sempasmo sẽlmaxnéseso negko'o, cham'a apmeyeykekxo axta néten. Ekeso eñamakxa eyéméxko nak anlenxanmohok nelwaskápeykekxoho eñama m'a magya'áseyam nenxeyenma nak ekyetna negko'o.