SAN LUCAS 24:47 - Lengua Sur (Enxet) Nuevo Testamento

⁴⁷ kóltennaha sat ekyókxoho yókxexma amya'a eñama nak Mesías, Jerusalén sat kólénhok sekxo', yakwayam enxoho elyakmagkasek apwáxók énxet'ák, yakwayam enxoho megkólyakmagkásekxék ma'a apkeltémakxa nak melya'asáxma.

SAN LUCAS 24:47 ပူးပေါင်းရင်းမြစ်များ

SAN MATEO 28:19

Kólmohok sat apheykegkaxa nak énxet ekyókxoho yókxexma keso náxop, kólteméses nahan seltameséyak ko'o m'a, kólyakpásesák nahan yegmen yetlo kélxeyenma apwesey m'a Táta, Apketche, tén han ma'a Espíritu Santo.

SAN MATEO 3:2

Axta etnohok cha'a apkeltenneykha s'e: “¡Kólyakmagkas kélwáxok, chágketwa'ak ma'a aptémakxa nak Wese' apwányam Dios!”

SAN MATEO 9:13

Kólxeg, kóltámesaxche ektémakxa nak ekxeyenma eknaktáxésamaxche s'e: ‘Emenyék ko'o kóltehek kéxegke apmopyósa kóllanok kélmók, momenyek ko'o kólnápok aksok nawha'ák yakwayam helmések ko'o. Axta ko'o aweyk yakwayam alwónmakha m'a énxet'ák eltakmela nak apkeltémakxa, wánxa m'a énxet'ák melya'asáxma nak.’

SAN LUCAS 13:34

“¡Jerusalén, Jerusalén! Kélnapmakxa nak cha'a Dios appeywa apkellegaso nak, kélyetneykxa nak han cha'a meteymog ma'a seykha amya'a Dios apkeláphaso nak! ¡Hágkaxwe amawhok wánchásekxak énxet'ák apheykha xa Jerusalén, ektémol'a kánchásekxak étkók tat'a kóneg axampagkok, axta eyke kólmáheyók kéxegke!

LOS HECHOS 10:43

Apyókxoho Dios appeywa apkellegaso axta apxeyenmak Jesús. Apkelxeyenmék axta peya megkólyakmagkásekxék nentémakxa mólya'asáxma nenteme nak magya'áseyam eñama m'a Jesús.

LOS HECHOS 11:18

Xama axta apkelleg'a énxet'ák ekha melya'áseyam apheykha Jerusalén xa, apkelwanmeyágkek axta, aptahak axta anhan apkeltemésesa apcheymákpoho Dios se'e: —¡Apmések neyke nahan Dios yakwayam elyakmagkasek apwáxók ma'a énxet'ák metnaha nak judíos, tén han peya elmésagkok ma'a ekyennakte apnenya'ák megkatnegwayam enéxa nak!

LOS HECHOS 13:46

Apkeltennáha axta Pablo yetlo megyeye, tén han ma'a Bernabé. Aptahak axta apchátegmowágko s'e: —Neganeyaxcheyk axta negko'o anlegaksek kéxegke amya'a eñama nak Dios, kéxegke kéltaha nak énxet'ák judíos, wánxa agkok sat eyke kaxwo' ampehewakxak negko'o m'a énxet'ák metnaha nak judíos, hakte megkólmenyék kéxegke amya'a eñama nak Dios, megkaxénak nahan kélwáxok ekpayhawo yakwayam kólxawak kéxegke m'a ekyennakte egnenyek megkatnegwayam enéxa nak.

LOS HECHOS 2:38

Aptahak axta Pedro apchátegmowágko s'e: —Kólyakmagkas kélwáxok, kóltegye yakpasama yegmen eñama nak Wese' egegkok Jesucristo apwesey, yakwayam enxoho meyakmagkásekxék Dios kéltémakxa nak megkólya'asáxma, keñe sat egkések kéxegke Dios Espíritu Santo.

LOS HECHOS 20:21

Eltennasegkek axta ko'o énxet'ák judíos seltémo elyakmagkasek apwáxók, tén han ma'a énxet'ák metnaha nak judíos, tén han seltémo etnehek melya'áseyam ma'a Wese' egegkok Jesús.

LOS HECHOS 26:18

Eyáphásek xép nepyeseksa xa énxet'ák nak, yakwayam enxoho elyekpelchásesamhok, tén han kamaskok apkelteyáseyncha'a ekyaktesakxaxma, wánxa aksa elteyésha m'a neyseksa elseyexma nak, yakwayam enxoho anhan kamaskok ekyetna ekmowána Satanás nepyeseksa xa énxet'ák nak, wánxa aksa elyetlakxak ma'a Dios; yakwayam enxoho etnahagkok mehey'áseyam ko'o, keñe anhan elxawagkok ma'a meyakmagkáseykekxa nak Dios apkeltémakxa melya'asáxma, tén han exkak yakwayam epáxakwók ma'a Dios énxet'ák apagkok apkelpagkanamap nak.

LOS HECHOS 26:20

Eklegásek axta ko'o sekxo' apmonye'e amya'a eñama Dios ma'a énxet'ák apheykha nak tegma apwányam Damasco, keñe axta seklegasa nahan ma'a apyókxoho énxet'ák apheykha nak tegma apwányam Jerusalén, keñe axta anhan seklegasa m'a ekyókxoho yókxexma Judea, axta anhan eklegásak ma'a énxet'ák metnaha nak judíos, wának axta cha'a elyakmagkasek apwáxók, tén han etnekxak melya'áseyam ma'a Dios, eltémók axta anhan cha'a elanagkok ma'a nentamheykha eñama nak Dios, yakwayam enxoho kataxchek ektémakxa apkelyakmagkaso apwáxók.

LOS HECHOS 28:28

Kólya'ásegwakxoho kéxegke, énxet'ák metnaha judíos kaxwo' peyk kólmések se'e nelwagkásamáxche teyp eñama nak Dios, sat eyke yeyxhok ma'a énxet'ák nak.

LOS HECHOS 3:19

Ekeso eñamakxa seltamho nak ko'o kólyakmagkasek kélwáxok, kólyo'ókxes kélwáxok ma'a Dios, yakwayam enxoho emasésesek xa kéltémakxa nak megkólya'asáxma. Lapmaxchek sat egkések kéxegke Wese' egegkok ektakmeleykekxa makham kélha,

LOS HECHOS 4:12

Méko pók énxet ekyetna m'a nelwagkásamáxche teyp nak, hakte axta hegmeyásak negko'o Dios pók énxet yakwayam hẽlwagkasek teyp keso náxop.

LOS HECHOS 5:31

Dios axta apya'áseykekxa néten, aphésakxeyk axta m'a ekpayhókxa nak apkelya'asamakxa, aptemésesek axta Wese' tén han segwagkasamo teyp, yakwayam enxoho etnekxak melya'áseyam Dios ma'a énxet'ák Israel, tén han meyakmagkásekxék Dios ma'a apkeltémakxa nak melya'asáxma.

ROMANOS 5:20

Wa'ak axta segánamakxa yakwayam enxoho kayánchesagkohok mólya'asáxma; xama axta ekyawa mólya'asáxma, yáwegkek axta anhan ma'a Dios segásekhayo nak.

EFESIOS 1:6

Ekeso eñamakxa neltemésesa nak cha'a negko'o apcheymákpoho Dios, eñama m'a segméso naksa axta ektémakxa nak segemleykekxoho, cháxa keñamak nahan sempasmo nak negko'o Dios xa, eñama m'a Apketche aptaha nak apchásekhayo.

EFESIOS 3:8

Ko'o eyke sekteme kónegók ahagko' nepyeseksa m'a elyáxeg'a ektaha nak Dios énxet'ák apagkok, cham'a apteme nak kóneg; Egkések axta eyke aksa ko'o Dios ektakmela sektamheykha yakwayam atnehek seltennáseykha amya'a ektakmela m'a énxet'ák metnaha nak judíos cham'a amya'a ekxeyenma nak ekxámokma agko' aksok eltakmela eleñama nak Cristo.

COLOSENSES 1:27

Apmenyék axta Dios elyekpelchásesók ma'a ektaha nak énxet'ák apagkok, cham'a ekwánxa nak ekxámokma aksok eltakmela apagkok, cham'a ektemésesama axta cha'a ekpowásamáxkoho énxet'ák metnaha nak judíos. Apheyk kélwáxok kéxegke Cristo, cháxa megkólya'áseykegko axta kéxegke xa, aptaha nak han eñamakxa nelhaxneykha m'a negeymáxkoho peya nak anxawak.

1 SAN JUAN 2:12

Kélketchek, kéxegke ektáxesásak se'e weykcha'áhak nak, hakte axta eyakmagkásekxak Dios ektémakxa megkólya'asáxma eñama m'a ektahakxa axta aksok apkelané Jesucristo.