SAN LUCAS 24:19 - Lengua Sur (Enxet) Nuevo Testamento

¹⁹ Aptahak axta apchátegmowágko Jesús se'e: —¿Yaksak axta aksok elánéxko m'a? Aptahak axta apcháneya s'e: —Neykhe m'a kéltemésesakxa axta Jesús apkeñama nak Nazaret, aptaha axta Dios appeywa aplegaso, apxeyenma axta Dios apmopwána elának aksok, tén han ekha ekmowána appeywa, apyókxoho énxet'ák axta anhan apxeyenmak;

SAN LUCAS 24:19 ပူးပေါင်းရင်းမြစ်များ

SAN MATEO 21:11

Aptahak axta apkelátegmowágko énxet'ák se'e: —Cháxa Jesús, aptaha nak Dios appeywa aplegaso apkeñama nátegma Nazaret yókxexma Galilea xa.

SAN MARCOS 1:24

—¿Yaksak ektaha sempáxakwa'a nak negko'o Jesús apkeñama nak Nazaret? ¿Peya hẽlmasesók negko'o apwa'a nak xép? Ekyekpelchawók ko'o exchep, ekya'ásegkok ko'o aptaha exchep apcháphásamap, appagkanamap apkeñama Dios.

SAN LUCAS 24:18

Cleofas axta apwesey xama xa énxet'ák nak. Aptahak axta apchátegmowágko s'e: —¿Xépya aksa apxakko' mey'ásegkok ektahakxa axta Jerusalén, neyseksa apha m'a?

SAN LUCAS 7:16

Xama axta ekwetáxko xa, apyókxoho énxet axta nahan apchekak, yetlókók axta apkelpeykesamo Dios. Aptahak axta apkelpakmeta s'e: —Dios appeywa aplegaso meyke ekhémo aptépak negyeseksa negko'o. Aptahak axta anhan apkelpakmeta s'e: —Dios apwa'ak yakwayam epasmok énxet'ák apagkok.

SAN JUAN 3:2

Yáktések axta aptaha meyk'a Nicodemo Jesús. Aptahak axta apcháneya s'e: —Sẽlxekmóso, negya'ásegkok negko'o aptaha exchep Dios apcháphaso yakwayam hẽlxekmósak negko'o, hakte méko kawának kalának ma'a aksok sempelakkaso agweta' apkelana nak xép, cham'a metnaha enxoho apxegexma Dios.

SAN JUAN 4:19

Xama axta ekleg'a kelán'a xa, entahak axta eyáneya Jesús se'e: —Wese' ekya'ásegwokmek xép aptaha Dios appeywa aplegaso.

SAN JUAN 6:14

Xama axta apkelwet'a énxet'ák aksok sempelakkaso agweta' apkelané Jesús, aptahak axta apkelpakmeta s'e: —Neykexa nakso' Dios appeywa aplegaso apxénamakpo nak ewa' náxop xa.

SAN JUAN 7:52

Aptahak axta apkelátegmowágko énxet'ák se'e: —¿Xépya nahan apkeñama Galilea? Eltámesap ektémakxa nak eknaktáxésamaxche, ékpelchágwók sat xép metyapma Dios appeywa aplegaso apkeñama m'a Galilea.

LOS HECHOS 10:38

Kélya'ásegkok kéxegke apmésama axta ekyawe agko' apmopwána Dios ma'a Jesús apkeñama nak Nazaret, tén han apmésama m'a Espíritu Santo. Kélya'ásegkok nahan ma'a apkeláneya axta cha'a Jesús ektakmela aptamheykha, apkeltakmelcheseykmek axta m'a apyókxoho énxet eknaktawáseykegkoho axta kelyekhama'. Apwanchek axta apkelana Jesús xa, hakte apxegexma axta aptemék Dios.

LOS HECHOS 2:22

“Enxet'ák Israel, kóleyxho hana s'e sekmoko nak altennaksek kéxegke; kélya'ásegkok ektakmela kéxegke apxekmósa axta Dios aptaha ekleklamo apwáxok kélnepyeseksa kéxegke m'a Jesús apkeñama nak Nazaret, apkeláneyak cha'a Dios aksok magwetaya nak eñama m'a Jesús, tén han ma'a aksok sempelakkaso nak agweta', tén han ma'a magkenatcheso nak agweta'.

LOS HECHOS 7:22

Cháxa ektahakxa axta kélxekmósama Moisés ma'a negya'ásegwayam eñama nak énxet'ák apheykha Egipto, ekmowána axta nahan eghak appeywa Moisés, apwanchek axta anhan elának aksok.