SAN LUCAS 23:54 - Lengua Sur (Enxet) Nuevo Testamento

⁵⁴ Wokmek axta ekhem apkeláneykekxexa aptamhágkaxa énxet'ák yakwayam eleyxek kammok ekhem apkellókasamakxa apkelyampé, chágketwokmek axta yakwánxa kammok.

SAN LUCAS 23:54 ပူးပေါင်းရင်းမြစ်များ

SAN MATEO 27:62

Mók ekhem axta entahak, cham'a ekhem sábado, apkellókasamakxal'a apkelyampé énxet'ák judíos, apkelmeyákxeyk axta aphakxa Pilato énxet'ák apkelámha apmonye'e nak appasmo apkelmaxnéseso Dios énxet'ák apagkok, tén han ma'a fariseos.

SAN MARCOS 15:42

Xama axta ekyaktesa, ekhem apkeláneykekxexa axta aptahakxa énxet'ák, amonye ekwayam ma'a ekhem sábado, apkellókasamakxa axta apkelyampé énxet'ák judíos,

SAN LUCAS 23:53

Apáwa apcháxñeyo apagko' axta appextétak natámen apleklo néten aksok ektegyéso, keñe axta appekkenwokmo kañe' takhaxpop meteymog kaxwé ekmetmomáxche, axta kólpekkenweykmok makham xama énxet ma'a takhaxpop nak.

SAN JUAN 19:14

Amonye ekhem melwagkayam judíos axta m'a, kéltéma axta Pascua, yetseksókhem axta entahak. Aptahak axta Pilato apkeláneya judíos se'e: —¡Keso wese' kélagkok se'e!

SAN JUAN 19:31

Keto' axta ekhem melwagkayam axta judíos ma'a, kéltéma axta Pascua, mopmenyék axta judíos kalyetlósamha aksa kélhapák néten aksok ektegyéso ekhem nellókasamakxa nelyampé, hakte awanhók agko' axta kéláyo m'a ekhem nak. Ekeso eñamakxa kéltamho axta Pilato yának kólekkexchesek apyay'ák ma'a ektaha axta kélyepetcheso aksok ektegyéso tén han yának kólhexyawasagkok ma'a kélhapák.

SAN JUAN 19:42

Axta appekkenwokmok Jesús aphápak ma'a, hakte keto' axta m'a takhaxpop nak, peyk axta anhan kammok ekhem apkellókasamakxa apkelyampé énxet'ák judíos.