SAN LUCAS 23:50 - Lengua Sur (Enxet) Nuevo Testamento

^50-51 Apheyk axta xama énxet ektakmela aptémakxa, aptaha axta anhan appéwomo, apwesey axta José, Arimatea axta apchókxa xa, xama tegma apwányam apyetnama nak ma'a Judea. Nepyeseksa énxet'ák judíos ekyawe kéláyo axta apkeñamak xa. Apkelháxanmeyk axta kawak aptémakxa Wese' apwányam Dios xa José, axta kaleklók apwáxok aptamheykegkaxa axta énxet'ák judíos ekyawe kéláyo nak.

SAN LUCAS 23:50 ပူးပေါင်းရင်းမြစ်များ

SAN LUCAS 2:25

Aphegkek axta xama énxet apwesey axta Simeón ma'a tegma apwányam Jerusalén. Enxet appéwomo axta m'a, elpeykeshok axta cha'a Dios, apkelhaxanmeyk axta anhan etnésásekxak Dios énxet'ák Israel ma'a ektémakxa axta apheykha nano'. Espíritu Santo axta aphak xamo' ma'a Simeón,

LOS HECHOS 10:2

Appéwomo axta nápakto' Dios xa énxet nak, elpeykeshok axta cha'a Dios yetlo m'a ekyókxoho ekheykha nak apxagkok. Awanhek axta anhan cha'a katnehek apméso selyakye yakwayam epasmok ma'a énxet'ák judíos, etnohok axta nahan cha'a nempeywa nelmaxnagko.

LOS HECHOS 10:22

Aptahak axta apkelátegmowágko s'e: —Nelxegakmek negko'o eñama sẽláphaso m'a Cornelio aptaha nak sẽlpextétamo apwese', aptaha nak énxet appéwomo. Elpeykeshok nahan Dios, cham'a ekleklamo nak apwáxok apyókxoho énxet'ák judíos ma'a, apmenyék apagko' nahan. Xama Dios apchásenneykha axta appakhetchásak, apkeltamho yáneyha exchep, yakwayam enxoho emhagkok xép apxagkok ma'a sẽlpextétamo apwese' nak, yakwayam enxoho eñak yakwánxa etnehek yának xép ma'a.

LOS HECHOS 11:24

Enxet meyke aptémakxa axta Bernabé, apláneyok axta apwáxok Espíritu Santo, awanhek axta anhan mey'áseyam. Cháxa ektahakxa axta apxáma énxet apyepetcheykekxoho Wese' egegkok xa.

LOS HECHOS 13:29

Xama axta apsawhawo énxet'ák aptemésesa Jesús ma'a ektémakxa nak ekxeyenma eknaktáxésamaxche yakweykenxa katnehek ma'a Jesús, kéllekkek axta aphápak néten aksok ektegyéso, kélatawanyek axta anhan.