SAN LUCAS 23:27 - Lengua Sur (Enxet) Nuevo Testamento

²⁷ Apxámok axta énxet apyetlo Jesús, tén han kelán'ák. Kellekxagweyha axta elano Jesús, kelpayheyha axta anhan atña'ák eñama ellapwámeyak.

SAN LUCAS 23:27 ပူးပေါင်းရင်းမြစ်များ

SAN MATEO 11:17

‘Nelpáwásek negko'o yámámok nempáwasól'a, keñe kéxegke megkólnéweyncha'a, nelmeneykmásek negko'o negmeneykmaso senlapwagkasamol'a, keñe kéxegke megkóllekxagweyncha'a.’

SAN MATEO 27:55

Xámok axta kelán'ák eyaknencha'a elenmexo makhawo', cham'a elyetlawa axta Jesús eleñama Galilea, pasmomchek axta anhan cha'a Jesús.

SAN MARCOS 15:40

Makhawók axta anhan chaknáha kelán'ák elenmexawo; María Magdalena axta anhan elxegexma'a xa kelán'ák nak, María, Santiago egken axta anhan ma'a aptaha axta apsexyo, José axta anhan egken ma'a, tén han ma'a Salomé.

SAN LUCAS 23:28

Apkelanawók axta Jesús. Aptahak axta apkeláneya s'e: —Kelán'ák kéleñama nak Jerusalén, nágkóllekxagwaha hellanok ko'o, kóllekxagwaha kaxének kélwáxok kéxegke kélagko', tén han ma'a kélketchek.

SAN LUCAS 23:55

Teyánegwákxók axta takhaxpop kelán'ák ekyetlama axta Jesús eleñama m'a Galilea, kelanawók axta takhaxpop, kelanawók axta anhan ma'a ektahakxa axta kélpekkenma Jesús aphápak.

SAN LUCAS 8:2

nekha kelán'ák axta anhan apkelxegexma'a, cham'a apkelántekkesesama axta awáxók espíritu elmasagcha'a, tén han ma'a apkeltakmelcheseykmo axta ektémakxa elháxamáxche. María axta elxegexma'a m'a kelán'ák nak, cham'a eltamhomaxko axta Magdalena, kélántekkesesama axta awáxok siete kelyekhama'.

SAN LUCAS 8:52

Apyókxoho énxet axta apkellekxagweyha, chakhak axta apwáxók. Wánxa agkok, aptahak axta apkeláneya Jesús se'e: —Nágkóllekxagwaha, megkatsapak se'e kelán'a étkok nak, tenche'.

SAN JUAN 16:20

Kóllekxagwaha sat kéxegke, kallapwomagkok sat nahan, keñe sat kalpayhekxak apwáxók ma'a énxet'ák apheykha nak keso náxop. Kallapwomagkok sat eykhe kéxegke, ekpayheykekxa kélwáxok sat eyke kayakmagkasek xa ellapwámeyak nak. Nakso' xa sektahakxa nak seláneya kéxegke.