SAN LUCAS 23:13 - Lengua Sur (Enxet) Nuevo Testamento

¹³ Apchánchesákxeyk axta Pilato apkelámha apmonye'e nak appasmo apkelmaxnéseso Dios énxet'ák apagkok, tén han ma'a énxet'ák apkelmeykha nak apnámokkok, tén han ma'a apyókxoho énxet'ák.

SAN LUCAS 23:13 ပူးပေါင်းရင်းမြစ်များ

SAN MARCOS 15:14

Aptahak axta apkeláneya Pilato s'e: —¿Yaksak aksok ekmaso apkeláneya s'e énxet nak? Wánxa agkok, apyánchesakmók axta apteme apkelyennaktésamo apkelpeywa s'e: —¡Epetches aksok ektegyéso!

SAN LUCAS 23:35

Apháha axta énxet apkeláneyncha'a m'a, wokmók axta apkesméso Jesús ma'a énxet'ák apkelámha apmonye'e axta nepyeseksa judíos. Aptahak axta apcháneya s'e: —Apkelwagkasegkek axta teyp énxet, ewagkasakpoho apagko' teyp kaxwo' nak, eyámnaksoho enxoho aptaha Mesías apkeñama Dios, tén han ektaha enxoho Dios apkelyéseykha.

SAN LUCAS 24:20

keñe m'a apkelámha apmonye'e nak appasmo apkelmaxnéseso Dios énxet'ák apagkok, tén han ma'a énxet'ák apkelmeykha nak apnámokkok, apmések axta pók énxet'ák apkeltamho emakpok yakwayam enxoho exénakpok ekpayhawo emátog, tén han kólyepetchesek aksok ektegyéso.

SAN JUAN 12:42

Wánxa agkok, apxámok axta énxet'ák judíos apteme melya'áseyam Jesús; weykmók axta anhan ma'a énxet'ák ekha nak kéláyo. Axta eyke exeyenmak nápakta'awo' énxet'ák, hakte énxet'ák fariseos axta apkelayék, yakwayam enxoho megkólántekkesek ma'a kañe' apchakneykekxexa nak énxet'ák judíos.

SAN JUAN 18:38

—¿Yaksa m'a amya'a ekmámnaksoho nak? —axta aptahak apchátegmowágko Pilato. Aptekkek axta makham Pilato apkelpakhetchesákxo judíos natámen axta apteme apkelmaxneyeykha xa. Aptahak axta apkeláneya s'e: —Mót'ak ko'o aksok ekmaso apkelané s'e énxet nak.

SAN JUAN 19:4

Aptekkek axta makham yókxexma Pilato, aptahak axta apkeláneya énxet'ák se'e: —Kóllano, ekyentamanteyk ko'o s'e yakwayam enxoho kólya'asagkohok mót'a ko'o ekmaso aptémakxa s'e énxet nak.

SAN JUAN 3:1

Apheyk axta xama fariseo apwesey axta Nicodemo, énxet ekha kéláyo nepyeseksa judíos axta m'a.

SAN JUAN 7:26

Cháxa, méxakpoho apkeltennasa énxet'ák. Méko nahan eyátegmowágko. ¿Enxeykel'a ey'ásekmok kelwese'e egagkok aptaha nakso' Mesías xa énxet nak?

SAN JUAN 7:48

¿Enxeykel'a anhan elya'ásekmok Jesús ma'a apkelámha apmonye'e egagkok nak, tén han ma'a fariseos?

LOS HECHOS 13:27

Hakte axta elya'áseykegkok aptémakxa Jesús ma'a énxet'ák apkelámha apmonye'e apheykencha'a axta tegma apwányam Jerusalén, axta anhan elyekpelchék ektémakxa m'a kélyetsetchesama axta weykcha'áhak kañe' apchakneykekxexa énxet'ák judíos yókxoho ekhem negheykekxexa nak, cham'a apnaktáxeseyak axta énxet'ák Dios appeywa apkellegaso; apkeláneyák apancha'awók axta anhan aptamheykegkok yakweykenxa katnehek xa énxet'ák nak, cham'a apchakha axta Jesús.

LOS HECHOS 3:17

“Elyáxeg, ekya'ásegkok ko'o m'a ektémakxa axta kélakhama Jesús neyseksa megkólya'áseyak ektémakxa aksok apkelané, kéxegke, tén han ma'a apkelámha apmonye'e kélagkok nak.

LOS HECHOS 4:5

Mók ekhem axta entahak apchaknákxo apkelámha apmonye'e énxet'ák judíos tegma apwányam Jerusalén, axta anhan ma'a apkelámha apmonye'e nak kélakneykekxexa, tén han ma'a énxet'ák ektaha axta apkelxekmóso ektémakxa segánamakxa.

LOS HECHOS 4:8

Aptahak axta Pedro apchátegmowágko yetlo apláneyo apwáxok Espíritu Santo s'e: —Enxet'ák apkelámha apmonye'e nak nepyeseksa apnámokkok, tén han ma'a apkelámha apmonye'e nak kélakneykekxexa: