SAN LUCAS 22:8 - Lengua Sur (Enxet) Nuevo Testamento

⁸ Apcháphásek axta Jesús Pedro tén han Juan. Aptahak axta apkeláneya s'e: —Kólxeg, kóllánegwakxa sat nento yakwayam antók nento taxnam ekhem Pascua m'a.

SAN LUCAS 22:8 ပူးပေါင်းရင်းမြစ်များ

SAN MATEO 3:15

Aptahak axta apchátegmowágko Jesús se'e: —Etne xa seltamhókxa nak etnehek, hakte payhawók anlának ekyókxoho m'a ekpéwo nak anlának nápakto' Dios. Keñe axta apkelyahákxoho Juan.

SAN LUCAS 1:6

Elpéwomo axta nápakto' Dios xa ánet nak, kelyaheykekxók axta ekyókxoho m'a apkeltémókxa nak antehek Dios, tén han ma'a Wese' egegkok segánamakxa apagkok nak, méko axta kawának kasexnenak xama enxoho.

SAN LUCAS 22:9

Aptahak axta apkelmaxneyeyncha'a s'e: —¿Háxko apkeltamhókxa anlánegwók nento?

LOS HECHOS 3:1

Apkelmeyákxeyk axta tegma appagkanamap Pedro tén han Juan, las tres taxnam axta m'a, ektamhomaxchexa axta cha'a nempeywa nelmaxnagko. Apheyk axta xama énxet apkelyelkamap eyeynamókxa sekxo' apteyékmo m'a tegma appagkanamap nak. Kólsakxohok axta cha'a yókxoho ekhem ma'a, axta cha'a kólpekkenwakxohok ma'a átog ekwesey axta ektakmalma, yakwayam enxoho eleyxek aksok apméso m'a énxet'ák ektaha axta apkelántaxnegweykekxa m'a.

LOS HECHOS 3:11

Axta ekxayha Pedro tén han Juan ma'a énxet ektaha axta kaxwé kéltakmelcheseyam. Pelakkasek axta apkelwet'a apyókxoho énxet'ák, apnaktémágkek axta apkelmahágko m'a kóneg tegma appagkanamap ekwesey axta Salomón tegma apagkok, cham'a aphágkaxa axta Pedro tén han Juan.

LOS HECHOS 3:3

Xama axta apwet'a énxet apkelyelkamap apkelxegakmo Pedro, tén han Juan, keto' axta apkelántaxnamakxa kañe' tegma appagkanamap, apkelmaxnakkek axta aksok.

LOS HECHOS 4:13

Xama axta apkelwet'a ektahakxa axta megyeseykekxa apkeltenneykha Pedro, tén han Juan, apkelya'ásegwokmek axta aptaha énxet meyke apkelmopwancha'a tén han meyke kélxekmóso, pelakkasek axta nahan apkelwet'a xa énxet'ák nak, xénwokmek axta nahan apwáxók aptaha Jesús apkeltámeséyak.

LOS HECHOS 4:19

Wánxa agkok, aptahak axta apkelátegmowágko Pedro tén han Juan se'e: —Kólyekpelkoho kélagko' kéxegke: ¿Payhawoya antehek nelyaheykekxoho kéxegke yakwayam eykhe antehek nelyaheykekxoho m'a Dios?

LOS HECHOS 8:14

Xama axta anhan apkelleg'a amya'a énxet'ák seykha amya'a apheykha axta tegma apwányam Jerusalén aptaha melya'áseyam énxet'ák apheykha Samaria m'a amya'a eñama nak Dios, kéláphásek axta Pedro tén han Juan.

GÁLATAS 2:9

Apkelya'ásegkok axta aptaha Dios segkéso ko'o sektamheykha ektakmela Santiago, Pedro tén han Juan, cham'a apkelxénamakpo axta aptaha apkelámha apmonye'e kélakneykekxexa. Ẽlpeykásegkek axta negko'o xa énxet'ák nak, ko'o tén han Bernabé, yakwayam enxoho etnésesek ekmámnaksoho nentamheykha xamo'. Hawók axta anhan mók apkelpakmeyesma apkeltamho ólmahagkok óltemeykha negko'o m'a nepyeseksa énxet'ák metnaha nak judíos, keñe peya eltemeykha nepyeseksa énxet'ák judíos xa énxet'ák nak.