SAN LUCAS 22:38 - Lengua Sur (Enxet) Nuevo Testamento

³⁸ Aptahak axta apkelpakmeta énxet'ák se'e: —Wese', keso ánet sókwenakte s'e. Aptahak axta Jesús apchátegmowágko s'e: —Wánxa kólteme.

SAN LUCAS 22:38 ပူးပေါင်းရင်းမြစ်များ

SAN MATEO 26:51

Yetlókók axta anhan apleklo sókwenakte apagkok xama Jesús apkeltámeséyak, apyakténchesek axta apeykok apkemha apmonye appasmo apkelmaxnéseso Dios énxet'ák apagkok apkeláneykha.

SAN LUCAS 22:36

Aptahak axta apkeláneya Jesús se'e: —Kaxwo' eyke apwanchek eswok énxet nahápa apagkok ekyetnakxa enxoho, tén han ma'a selyakye axagkok nak; énxet meykexa enxoho sókwenakte apagkok, tásek ényekxak ma'a apchaklamap nak, keñe etegyek xama sókwenakte.

SAN LUCAS 22:49

Xama axta apkelwet'a ektahakxa m'a énxet'ák apkelxegexma'a axta Jesús, aptahak axta apkelpakmeta s'e: —Wese', ¿apkeltamhoya ólmaha sókwenakte ónnapaxchek negko'o xa énxet'ák nak?

SAN JUAN 18:36

Aptahak axta apchátegmowágko Jesús se'e: —Háwe ko'o wese' apwányam keso náxop. Ektemék axta agkok ko'o wese' apwányam keso náxop, yetneyk axta katnehek seláneykha yakwayam ennapakpok yakwayam enxoho ko'o mehelmések ma'a énxet'ák judíos. Háwe eyke ko'o wese' apwányam keso náxop.

1 TESALONICENSES 5:8

Keñe negko'o neleñama nak neyseksa ekteyapma ekhem, tásek cha'a antehek ekha negya'áseykegkoho. Kéméxchek negko'o agahakkasaxchek ma'a magya'áseyam nak tén han ma'a negásekhayo nak, keñe ótchesek empátek ma'a nelhaxanma nak yakwayam ólwagkasaxchek teyp ektémol'a sẽlpextétamo apketcheso apkátek.

1 SAN PEDRO 5:9

Nágkólhaxkoho aksa yakwánxa katnésesek kelyekhama', kólyennaktes kélteme megkólya'áseyam, hakte kélya'ásegkok kéxegke ekhawo kéllegeykegkoho m'a ektémakxa nak apkellegeykegkoho ẽlyáxeg nentémo xamo' magya'áseyam apheykha ekyókxoho yókxexma keso náxop.