SAN LUCAS 22:37 - Lengua Sur (Enxet) Nuevo Testamento

³⁷ Eltennásek kéxegke peya hetnehek ko'o ektémakxa nak eknaktáxésamaxche s'e: ‘Máxa énxet ekmaso aptémakxa axta kéltemésesók nepyeseksa m'a énxet'ák elmasagcha'a nak apkeltémakxa.’ Hetnehek sat ko'o m'a ekyókxoho ektémakxa nak eknaktáxésamaxche sexeyenma ko'o.

SAN LUCAS 22:37 ပူးပေါင်းရင်းမြစ်များ

SAN MARCOS 15:27

Kélyepetchásók axta xamo' Jesús apkánet énxet elmasagcha'a apkeltémakxa, xama axta kélchexnak ekpayhókxa nak apkelya'asamakxa, keñe axta pók kélchexna ekpayhókxa axta nepsagkalwa Jesús.

SAN MARCOS 15:28

Cháxa ektahakxa axta ektaha m'a ektémakxa axta eknaktáxésamaxche s'e: máxa énxet ekmaso aptémakxa axta kéltemésesók.

SAN LUCAS 18:31

Mók nekha axta apkelya'ásak Jesús doce apkeltámeséyak. Aptahak axta apkeláneya s'e: “Jerusalén kaxwo' nelmeyákxak, cham'a yakwánxa sat kasawhaxkohok katnehek ma'a ektémakxa axta apnaktáxeséyak énxet'ák ektaha axta apkellegaso Dios appeywa apxeyenma m'a aptaha nak Apketche énxet.

SAN LUCAS 22:22

Katnehek sat aptaha nak Apketche énxet ma'a apmáheyókxa axta etnésesek Dios, asagko' agko' sat eyke katnehek kéllegasáseykegkoho m'a énxet ektaha nak appelakkaseso apkeltémo emakpok.

SAN LUCAS 22:36

Aptahak axta apkeláneya Jesús se'e: —Kaxwo' eyke apwanchek eswok énxet nahápa apagkok ekyetnakxa enxoho, tén han ma'a selyakye axagkok nak; énxet meykexa enxoho sókwenakte apagkok, tásek ényekxak ma'a apchaklamap nak, keñe etegyek xama sókwenakte.

SAN LUCAS 22:52

Keñe axta aptaha apkeláneya Jesús ma'a énxet'ák apkelámha apmonye'e nak appasmo apkelmaxnéseso Dios énxet'ák apagkok, tén han ma'a énxet'ák aptakmelcheso nak tegma appagkanamap, tén han ma'a apkelámha apmonye'e nak kélakneykekxexa, cham'a apkelwokmo axta yakwayam éntemekxak Jesús ma'a: —¿Yaksak ektaha kélsokmoho nak sókwenakte selya'awa tén han kélsokmoho yámet, máxa eltemesásak énxet ekmaso aptémakxal'a?

SAN LUCAS 23:32

Kélnaklókek axta anhan apkánet énxet elmasagcha'a apkeltémakxa, yakwayam kólyepetcheshok aksok ektegyéso xamo' Jesús.

SAN LUCAS 24:27

Keñe axta apkeltennáseyncha'a Jesús énxet'ák ekyókxoho m'a ektémakxa axta weykcha'áhak eknaktáxésamaxche ekxeyenma Jesús, axta apchénawók ma'a weykcha'áhak Moisés axta apnaktáxeséyak, ekweykmoho m'a ekyókxoho apnaktáxeséyak axta énxet'ák ektaha axta Dios appeywa apkellegaso.

SAN JUAN 10:35

Negya'ásegkok negko'o ektémakxa nak ekpeywa eknaktáxésamaxche, yawanchek katnehek ekmowána amya'a; apxénchek nahan Dios aptaha nahan dios ma'a énxet'ák ektaha axta apkelpakhetcheso.

SAN JUAN 17:4

“Ekxekmósek axta ko'o ektémakxa aptakmalma exchep keso náxop, hakte eksawhawók axta ko'o selana sektamheykha apkeltamho axta alána' xép.

2 CORINTIOS 5:21

Axta elaneyk Cristo mey'asáxma xama enxoho. Negko'o axta eyke keñamak aptemésesa Dios máxa ekha mey'asáxma Cristo, yakwayam enxoho hentemésesek negko'o nelpéwomo Dios, eñama senteméseso m'a Cristo.

GÁLATAS 3:13

Ẽlhaxyawasekxeyk axta negko'o Cristo eyesagkexa yakweykenxa hentemésesek segánamakxa, cham'a apxaka axta Cristo Dios aplo, negko'o eñamakxa, hakte temegkek eknaktáxésamaxche s'e: “Dios aplo apxawé énxet ektahakxa enxoho apketsapma kélmakheyáseykha néten yámet.”