SAN LUCAS 22:26 - Lengua Sur (Enxet) Nuevo Testamento

²⁶ Akke keyméxchek katnehek kélnepyeseksa kéxegke xa ektaha nak. Enxet ekyawe nak kéláyo, kéméxchek exnésakpohok wokma'ák, keñe m'a énxet ekha nak apkeláneykha, kéméxchek exnésakpohok ma'a kélásenneykhal'a.

SAN LUCAS 22:26 ပူးပေါင်းရင်းမြစ်များ

SAN MATEO 20:26

Akke kapayhawok katnehek kélnepyeseksa kéxegke xa ektaha nak. Kélmokók agkok kéxegke kóltehek kélámha kélmonye'e, kéméxchek kóltemeykha aksa nepyeseksa kélnámokkok;

SAN MARCOS 10:43

Akke kapayhawok katnehek kélnepyeseksa kéxegke xa ektaha nak. Kélmokók agkok kéxegke kóltehek kélámha kélmonye'e, kéméxchek kólpasmok kélnámokkok.

SAN MARCOS 9:35

Apheyk axta Jesús, keñe axta apkelwónencha'a m'a doce apkeltámeséyak nak. Aptahak axta apkeláneya s'e: —Kélmokók agkok kóltehek kélxama kéxegke kélámha kélmonye', kéméxchek kóltemésesaxchek meyke kéláyo nepyeseksa kélnámokkok, tén han kólpasmok ma'a kélnámokkok.

SAN LUCAS 9:48

Aptahak axta apkeláneya s'e: —Enxet ektahakxa enxoho apchápeykha s'e sakcha'a nak eñama apxeyenma ko'o sekwesey, heyahapmakha nahan ko'o xa; keñe énxet ektahakxa enxoho seyápeykha ko'o, yahapmakha nahan ma'a aptaha axta seyáphaso ko'o. Enxet meyke nak kéláyo kélnepyeseksa kéxegke, cháxa ektahakxa ekyawe kéláyo xa.

ROMANOS 12:2

Nágkólwéhenekxoho aksa aptamhágkaxa énxet keso negwánxa nak, wánxa agkok, kólyakmagkas ma'a ektémakxa nak elchetámeykha kélwáxok, yakwayam enxoho anhan kañék kélyakmagkaso kéltémakxa kéltaha enxoho xa, keñe anhan kólyekpelchágwomhok ma'a ektémakxa nak Dios apmopmenyého, cham'a aksok ektakmela nak, ekleklamókxa nak han apwáxok Dios, cham'a ektaha nak han ekpéwomo agko'.

1 SAN PEDRO 5:3

Nágkólteme aksa kélyennaktésamaxkoho kóllának ma'a énxet'ák ektaha nak kéltakmelcheso kéxegke, wánxa agkok, kólxemósho aksa kéltémakxa ektakmela, yakwayam enxoho elyetlakxak xa énxet'ák nak.

1 SAN PEDRO 5:5

Hawók nahan kéxegkáxa wokma'ák nak, kólteme cha'a kélyaheykekxoho m'a apkelwányam kélagkok nak. Negyókxoho cha'a kéméxchek antehek nelyaheykekxoho egmók, yetlo megkeymáxkoho egwáxok, hakte: “Apkelmexchek cha'a Dios ma'a énxet'ák apkeleymákpoho nak, wánxa agkok, appasmeyk eyke cha'a yetlo apchásekhayo m'a énxet'ák meleymákpoho nak.”