SAN LUCAS 22:22 - Lengua Sur (Enxet) Nuevo Testamento

²² Katnehek sat aptaha nak Apketche énxet ma'a apmáheyókxa axta etnésesek Dios, asagko' agko' sat eyke katnehek kéllegasáseykegkoho m'a énxet ektaha nak appelakkaseso apkeltémo emakpok.

SAN LUCAS 22:22 ပူးပေါင်းရင်းမြစ်များ

SAN MATEO 26:24

Katnehek sat aptaha nak Apketche énxet ma'a ektémakxa nak ekxeyenma eknaktáxésamaxche weykcha'áhak; wánxa agkok, sagkók agko' sat eyke katnehek kéllegasáseykegkoho m'a ektaha nak apkeltémo emakpok aptaha nak Apketche énxet. Tásek axta eykhe metyemek xa énxet nak.

SAN MATEO 27:5

Keñe axta apkexaya Judas sawo selyakye kañe' tegma appagkanamap, apxegkek axta aptetwokmo apyespok táma apchakhákpekxo.

SAN MARCOS 14:21

Katnehek sat aptaha nak Apketche énxet ma'a ektémakxa nak ekxeyenma eknaktáxésamaxche weykcha'áhak yakweykenxa katnehek; wánxa agkok, sagko' agko' sat eyke katnehek kéllegasáseykegkoho m'a énxet appelakkaseso nak apkeltémo emakpok aptaha nak Apketche énxet. Tásek axta eykhe metyemek xa énxet nak.

SAN LUCAS 22:23

Keñe axta aptaha apkelpakhetcháseykpoho apkeltámeséyak se'e: ‘¿Yaksak sat kexaha kaphemmok yakwayam katlakkasesek aksa kának emakpok?’

SAN LUCAS 24:46

Aptahak axta apkeláneya s'e: —Xeyenmék eknaktáxésamaxche ekmáheyo yetsapok Mesías, tén han ekxeyenma ekmáheyo exátekhágwók antanxo ekhem;

SAN JUAN 17:12

Eltakmelchesegkek axta cha'a ko'o xa énxet'ák nak, neyseksók sekha xamo' keso náxop, ekmasmeyk axta anhan cha'a yetlo m'a xép apwesey ekha nak ekmowána, cham'a apwesey segkésama axta exchep. Axta anhan exyánegweykmok xama enxoho xa énxet'ák nak, wánxa axta apxegánegweykmo m'a aptaha axta apxegányam, yakwayam enxoho katnehek ma'a ektémakxa nak eknaktáxésamaxche weykcha'áhak.

LOS HECHOS 10:42

Ẽláphásek axta negko'o Jesús yakwayam óltennasha énxet'ák apcháphásama Dios yakwayam etnehek apkelyekpelchémo m'a énxet'ák meletsapma nak, tén han ma'a apkeletsapma nak.

LOS HECHOS 17:31

Hakte appagkanchek axta Dios xama ekhem yakwánxa etnehek apyekpelchémo ekpéwomo agko' keso náxop eñama m'a énxet ektaha nak apkelyeseykha; apxekmósek axta Dios peya elának xa cham'a apxátekhásekmo axta.”

LOS HECHOS 2:23

Kélakhak axta kéxegke xa énxet nak, kélyepetchesek axta aksok ektegyéso eñama apyepetcheso m'a énxet'ák elmasagcha'a nak apkeltémakxa, ekhawo m'a ektémakxa axta apkeláneykekxa Dios yakwayam elána', cham'a apmákpo axta.

1 SAN PEDRO 1:11

Nano' axta apkelya'asáseyak Cristo Espíritu apagkok énxet'ák ektaha axta apkellegaso Dios appeywa m'a yakweykenxa axta katnehek aplegeykegkoho Cristo, tén han apkelya'asásegweykmo ekmáheyo exkak Cristo apcheymákpoho natámen aplegeykegkoho, apkeltémók axta eykhe elya'ásegwomhok énxet'ák ektaha axta Dios appeywa apkellegaso xa, tén han apkeltémo elya'ásegwomhok ekwánxa ekhem katnehek xa, tén han apkeltémo elya'ásegwomhok ektémakxa m'a aptahakxa axta apxeyenma Espíritu apha axta apwáxók xa énxet'ák nak.

2 SAN PEDRO 2:3

Apmopmenyého selyakye sat nahan kañék apteme apkelásenneykekxa kéxegke yetlo m'a ektémakxa nak apkelxekmóso megkamámnaksoho; nano' axta eyke kélleyxcheso yakwayam kóllegásesagkohok xa énxet'ák nak, hakte nano' kélyetsáteyak apkeltémakxa.