SAN LUCAS 22:20 - Lengua Sur (Enxet) Nuevo Testamento

²⁰ Hawók axta anhan aptemésesakxa egheykok natámen aptéyak. Aptahak axta s'e: —Keso egheykok ekteme ekhémo mók nelpakhetchásamáxkoho xamo' Dios, ektaha nak éma ahagkok ekteméseso ekmámnaksoho, cháxa ekyegkenáxko nak yakwayam kapasmok kéxegke.

SAN LUCAS 22:20 ပူးပေါင်းရင်းမြစ်များ

SAN MATEO 26:28

hakte cháxa éma ahagkok ko'o xa, ektaha nak ekteméseso ekmámnaksoho m'a ekhémo mók nelpakhetchásamáxkoho nak Dios, cháxa peya nak kayegkenaxchek yakwayam enxoho meyakmagkásekxék Dios ektémakxa melya'asáxma apyókxoho énxet.

SAN MARCOS 14:24

Aptahak axta apkeláneya s'e: —Keso éma ahagkok ko'o s'e ektaha nak ekteméseso ekmámnaksoho m'a ekhémo mók nelpakhetchásamáxkoho nak Dios, cháxa éma ekyegkenáxko nak yakwayam kapasmok apyókxoho énxet xa.

1 CORINTIOS 11:25

Hawók axta anhan aptahakxa natámen aptéyak, apmeyk axta egheykok, aptahak axta anhan se'e: “Keso egheykok ekteme axnagkok nelpakhetchásamáxkoho Dios kéltemésesama nak ekmámnaksoho yetlo m'a éma ahagkok nak ko'o, kélyenágkek sat agkok cha'a, kóllána' sat, yakwayam enxoho kaxénwakxoho kélwáxok ko'o.”

2 CORINTIOS 3:6

hakte Dios axta segkegwáneseso negko'o yakwayam hentehek apchásenneykha anlának ma'a axnagkok nelpakhetchásamáxkoho nak Dios, háwe eyke eñama m'a eknaktáxésamaxche nak segánamakxa, wánxa m'a ektaha nak aptekkeso Espíritu. Hegméshok cha'a nétsapma m'a ektémakxa nak eknaktáxésamaxche segánamakxa, keñe m'a Espíritu apkeñama Dios hegmések cha'a ekyennakte egnenyek.

HEBREOS 12:24

kélágketchesekmek nahan aphakxa m'a Jesús aptaha axta apkelané m'a axnagkok ekhémo mók nelpakhetchásamáxkoho Dios nak, kélágketchesekmek nahan ekyetnakxa m'a éma sentemésesama nak eyáxñeyo nentémakxa, cham'a éma sẽltennasama nak hegmések aksok eltakmela eleñama nak néten, megkaxnawok ma'a ektahakxa axta Abel éma apagkok.

HEBREOS 13:20

Dios segmésamol'a meyke ektahakxa egwáxok sat etnésesek kéxegke kélpéwomo, tén han etnésesek kéxegke eltakmela kéltémakxa neyseksa kéllané m'a ekyókxoho aksok nak, yakwayam enxoho kóllának kéxegke m'a ektémakxa nak apmopmenyého Dios, tén han hentemésesek negko'o xa m'a apmokókxa enxoho hentemésesek, eñama m'a Jesucristo, cham'a Dios apxátekhásekmo axta Wese' egegkok Jesús nepyeseksa énxet'ák apkeletsapma, cham'a Jesús aptaha nak apkeláneykha nekkések apagko', cham'a aptemésesa axta ekmámnaksoho m'a nelpakhetchásamáxkoho nak Dios megkatnegwayam enéxa eñama m'a ekyegkenamaxche axta éma apagkok. ¡Apcheymákpoho sat cha'a kóltemésesek Cristo! Katnahagkok sat.

HEBREOS 9:15

Ekeso eñamakxa apketsapa axta Cristo yakwayam etnehek apyepetcháseykekxa énxet'ák ma'a Dios, eñama m'a axnagkok ekhémo mók nelpakhetchásamáxkoho nak Dios, yakwayam enxoho nahan megkólyakmagkásekxék ektémakxa apkeláneyak melya'asáxma énxet'ák ma'a kélmeykegkaxa axta makham émha amonye ekhémo mók nelpakhetchásamáxkoho nak Dios, yakwayam enxoho nahan elxawagkok aksok kélpagkancheso megkatnegwayam enéxa m'a énxet'ák ektaha axta apkelwóneykha Dios, cham'a apxeyenma axta elmésagkok Dios.

HEBREOS 9:17

Hakte megkólmaha sekxo' makham weykcha'áhak ekxeyenma nak nenxaweykekxa aksok eltakmópeyak ma'a megyetsapa enxoho makham énxet ektaha nak apkelané, akke kólmaha m'a apketsapa enxoho.