SAN LUCAS 22:2 - Lengua Sur (Enxet) Nuevo Testamento

² Aptegyágkek axta yakwánxa etnehek yakhek Jesús ma'a énxet'ák apkelámha apmonye'e nak appasmo apkelmaxnéseso Dios énxet'ák apagkok, tén han ma'a énxet'ák apkelxekmóso nak apnámokkok ektémakxa segánamakxa, énxet'ák axta eyke apkelakak.

SAN LUCAS 22:2 ပူးပေါင်းရင်းမြစ်များ

SAN MATEO 12:14

Xama axta apkelántepa énxet'ák fariseos, apkeláneykxek axta apkelpakmeyesma yakwayam yakhek Jesús.

SAN MATEO 21:38

Xama axta apwet'a apwokmo wese' apketche xa énxet'ák ektaha axta apkeltamheykha, aptahak axta apkelpakhetchásekpoho s'e: ‘Cháxa peya nak exkekxak xóp xa; agakhek, keñe sat negko'o anxewekxak xóp apagkok.’

SAN MATEO 26:2

—Kélya'ásegkok kéxegke eyéméxko ánet ekhem yakwayam kalanaxchek ma'a ekhem melwagkayam nak énxet'ák judíos kéltéma nak Pascua, cham'a yakwánxa sat kólának emakpok aptaha nak Apketche énxet yakwayam kólyepetchesek aksok ektegyéso.

SAN MARCOS 14:1

Anet ekhem axta kéméxchek yakwayam kalanaxchek ekhem melwagkayam axta énxet'ák judíos kéltéma axta Pascua, aptámákpexa axta pan meyke kempáseyak. Aptegyágkek axta yakwánxa etnehek yának emakpok Jesús ma'a énxet'ák apkelámha apmonye'e nak appasmo apkelmaxnéseso Dios énxet'ák apagkok, tén han ma'a énxet'ák apkelxekmóso axta apnámokkok ektémakxa segánamakxa, eñama m'a aptamhéyak apancha'awo nak, yakwayam enxoho nahan yának emátog.

SAN LUCAS 20:19

Apmokók axta eykhe emok Jesús ma'a énxet'ák apkelámha apmonye'e nak appasmo apkelmaxnéseso Dios énxet'ák apagkok, tén han ma'a énxet'ák apkelxekmóso nak apnámokkok ektémakxa segánamakxa, hakte apkelya'ásegkok axta énxet'ák apkelxénákpo m'a aptahakxa axta apyetcháseykekxoho Jesús. Enxet'ák axta eyke apkelakak.

SAN JUAN 11:57

Apmések axta appeywa fariseos énxet'ák, tén han ma'a apkelámha apmonye'e nak appasmo apkelmaxnéseso Dios énxet'ák apagkok apkeltamho eltennásekxak énxet ektahakxa enxoho apya'áseykegkoho aphakxa Jesús, yakwayam enxoho emok.

LOS HECHOS 4:27

“Nakso', apchaknákxeyk axta Herodes tén han Poncio Pilato xamo' ma'a énxet'ák metnaha nak judíos, tén han ma'a énxet'ák Israel, amya'a axta apkelaneykxak yakwánxa kóltemésesek Jesús aptaha nak Xép apkelyéseykha yakwayam etnehek Mesías.