SAN LUCAS 21:27 - Lengua Sur (Enxet) Nuevo Testamento

²⁷ Keñe sat kólwetak ektaha nak Apketche énxet éxyok neyseksa yaphopé, yetlo ekyawe apmopwána, tén han apcheymákpoho.

SAN LUCAS 21:27 ပူးပေါင်းရင်းမြစ်များ

SAN MATEO 24:30

Keñe sat kataxchek néten aksok magkenatcheso apkexyeyam ma'a aptaha nak Apketche énxet, elyegweyk sat apyókxoho énxet apheykha nak keso náxop, ellekxagwaha sat nahan, étak sat nahan exyók néten neyseksa yaphopé m'a aptaha nak Apketche énxet, yetlo ekyawe apmopwána tén han apcheymákpoho.

SAN MATEO 25:31

“Apkexyekmek sat agkok aptaha nak Apketche énxet yetlo apcheymákpoho, ewakhak sat apkelásenneykha étlantámhok, keñe sat exek néten aptaháno eyeymáxkoho.

SAN MATEO 26:64

Aptahak axta apchátegmowágko Jesús se'e: —Cháxa aptahakxa nak appeywa exchep. Eltennásek nahan ko'o xa kéxegke peya kólwetak exek ekpayhókxa apkelya'asamakxa Dios ekha apyennakte m'a aptaha nak Apketche énxet, tén han kólwetak exyók neyseksa yaphopé m'a néten.

SAN MARCOS 13:26

Keñe sat kólwetak ektaha nak Apketche énxet éxyok neyseksa yaphopé yetlo ekyawe apmopwána tén han apcheymákpoho.

SAN LUCAS 21:26

Apkelyennákxoho sat eletsapok énxet'ák eñama apkelaye apagko' yakwánxa katnehek keso náxop; kawomhok sat nahan élektamáxche m'a aksok ekhéyak nak néten.

APOCALIPSIS 1:7

Apkexyekmek sat agkok Cristo neyseksa yaphopé, apyókxoho énxet sat éta', kammohok sat apweté m'a ektaha axta apkelyetxakxo; apxámokxoho énxet'ák sat kallapwomagkok apheykha nak keso náxop, ellekxagwaha sat nahan, Cristo eñamakxa. Nakso', katnehek sat.

APOCALIPSIS 14:14

Enmexawok axta ko'o néten, ekwet'ak axta yaphopé ekmopé, yetlo apha apyetchesamakpoho énxet ma'a néten. Sawo ekyátekto elyenma axta nahan apketcheso apkátek, keñe axta xama ekhó yánsawo ekhaxé ekmahanta m'a apmeykha.