SAN LUCAS 21:23 - Lengua Sur (Enxet) Nuevo Testamento

²³ ¡Ayósekak sat kelán'ák lós'awók ma'a ekhem sat, tén han ma'a kelán'ák keyetsék étchek nak! Hakte keytek sat apkellegeykegkoho ekmáske énxet ma'a yókxexma nak, sagkok agko' sat nahan katnehek kéllegasáseykegkoho xa énxet'ák nak.

SAN LUCAS 21:23 ပူးပေါင်းရင်းမြစ်များ

SAN MATEO 21:16

Aptahak axta apcháneya Jesús se'e: —¿Apleg'aya ektahakxa nak sakcha'a létkók? Aptahak axta Jesús apchátegmowágko s'e: —Ehay, ekleg'é'. ¿Yagkólyetseteyk kéxegke weykcha'áhak eknaktáxésamaxche ekxeyenma xa, ektéma nak ekxeyenma s'e: ‘Xép keñamak xa elmeneykmasa nak sakcha'a létkók, tén han ma'a sakcha'a létkók megkayamasma nak neme eltemésesa apcheymákpoho Exchep.’

SAN MATEO 21:41

Aptahak axta apkelátegmowágko énxet'ák se'e: —Elnápok sat wese' yetlo megkamopyósa elanok xa énxet'ák elmasagcha'a nak apkeltémakxa, keñe sat emásesha xóp kélcheneykekxexa anmen yámet ma'a pók énxet'ák apkeltamheykha nak. Egkések sat eyke wese' aksok ekyexna apnakxéyak ma'a ektahakxa enxoho apagkok ma'a wese', cham'a ekwokmo enxoho ekhem eknakxamáxchexa.

SAN MATEO 21:44

Nápakha'a apketkók sat etnehek énxet aptegwa'a enxoho xa meteymog nak; keñe sat ektaha enxoho meteymog ektegweykta, kakpelkohok sat.

SAN MATEO 24:19

¡Ayósekak sat kelán'ák lós'awók ma'a ekhem sat, tén han ma'a kelán'ák keyetsék étchek nak!

SAN MARCOS 13:17

¡Ayósekak sat kelán'ák lós'awók ma'a ekhem sat, tén han ma'a kelán'ák keyetsék étchek nak!

SAN LUCAS 19:27

Enxet'ák apteme nak senmexeykha memáheyo nak hetnehek wese' apwányam apagkok, kólnaklanta s'e, kólnahap nahan nahakto'.’ ”

SAN LUCAS 19:43

Kawók sat ekhem yakwánxa kóllegásesagkohok kéxegke, yahaxtamok sat neyáwa kélheykegkaxa m'a kélenmexma, ewakhak sat nahan, máxa sat nahan kañék kélyátamáxche kéxegke,

SAN LUCAS 23:29

Hakte kammok sat ekhem yakwánxa etnehek apkelpeywa énxet se'e: ‘Eleñémo agko' kelán'a megkamowána nak kótak étche, tén han kelán'ák megkatnama nak makham nakláwa xama enxoho, tén han ma'a megkéyegko nak makham nam'agkok sakcha'a.’

1 CORINTIOS 7:26

Xénchek ko'o ewáxok ektakmela katnehek apha énxet ma'a ektémakxal'a cha'a apha, eñama m'a ekyentaxnamo nak negheykha.

1 TESALONICENSES 2:16

Negmokók agkok cha'a negko'o óltennasha amya'a eñama Dios ma'a énxet'ák metnaha nak judíos yakwayam enxoho nahan elwagkasakpok teyp, wánxa agkok, meheghók eyke cha'a énxet'ák judíos. Cháxa ektahakxa nak ekyeykhágwokmoho apteme melya'asáxma xa. Kaxwo' eyke, wa'ak yakwayam ellegásesagkohok ekmaso agko' Dios xa énxet'ák nak.

HEBREOS 13:16

Nágkalwagkamák aksa kéxegke kéllané m'a kéltémakxa ektakmela nak, tén han ma'a ektémakxa nak cha'a kélpasmomáxkoho kéxegke m'a ekyetnakxa enxoho aksok kélagkok, hakte cháxa ekleklamo nak apwáxok Dios agmések xa ektéma nak.

SANTIAGO 5:1

¡Kóleyxho kéxegke s'e énxet ekxákma nak aksok apagkok, kóllekxagwaha, kallapwomák kaxének kélwáxok ma'a yakwánxa nak katnehek kéllegeykegkoho!

1 SAN PEDRO 4:17

Wokmek kaxwo' ekhem yakwánxa nak keynhok kélteme kélyekpelchémo apmonye'e m'a ektaha nak Dios énxet'ák apagkok. Chénawok agkok egmonye negko'o kélteme sẽlyekpelchémo, ¿háxko sat kóltemésesek ma'a énxet'ák melyaheykekxoho nak Dios appeywa?