SAN LUCAS 20:38 - Lengua Sur (Enxet) Nuevo Testamento

³⁸ Háwe énxet'ák apkeletsapma Dios apagkok ma'a Dios, wánxa Dios apagkok ma'a énxet'ák meletsapma nak, hakte máxa entemék meletsapma enxoho énxet nápakto' Dios.

SAN LUCAS 20:38 ပူးပေါင်းရင်းမြစ်များ

SAN MATEO 22:32

‘Ko'o sekteme Abraham Dios apagkok, Isaac, tén han ma'a Jacob.’ ¡Háwe énxet apkeletsapma Dios apagkok ma'a Dios, wánxa Dios apagkok ma'a énxet'ák meletsapma nak!

SAN MARCOS 12:27

¡Háwe énxet apkeletsapma Dios apagkok ma'a Dios, wánxa Dios apagkok ma'a énxet'ák meletsapma nak! Awanhek megkólakhémo kéxegke.

SAN LUCAS 20:39

Nápakha apkelxekmóso apnámokkok ektémakxa segánamakxa axta aptahak apcháneya Jesús se'e: —Sẽlxekmóso, tásek apchátegmowéyak.

SAN JUAN 14:19

Kaxwo' sat kamaskok sét'a énxet'ák apkeleñamakxa apagko' nak keso náxop; kéxegke sat eyke hélwetak cha'a, kólwetak sat nahan ekyennakte kélnenya'ák, hakte kayhek ko'o egkenyek.

SAN JUAN 6:57

Yetneyk ekyennakte egnenyek ma'a Táta aptaha axta seyáphaso ko'o, Táta anhan keñamak ekyennaktama egkenyek ko'o; ekhawo nahan ektémakxa énxet ektahakxa enxoho apto ahápetek ko'o, étak sat ekyennakte apnenyek eñama ko'o.

2 CORINTIOS 13:4

Nakso' axta eykhe aptéma máxa apyelkamákpoho Cristo kélyepetchesama axta aksok ektegyeso, wánxa agkok apheyk eyke makham eñama Dios apmopwána. Hawók nahan ektémakxa nak negko'o xa, egwákxók negko'o m'a ektémakxa nak apyelkamákpoho Cristo, wánxa agkok, anxek sat eyke negko'o xamo' Cristo yetlo Dios apmopwána yakwayam ampasmok kéxegke.

2 CORINTIOS 6:16

Mopwanchek nahan Dios tegma appagkanamap apagkok etnehek apxegexma m'a aksok kéleykmáseso nak. Hakte negko'o nenteme Dios megyetsapma tegma appagkanamap apagkok, ekhawo aptémakxa axta appeywa s'e: “Axek sat ko'o nepyeseksa xa énxet'ák nak, aweynchamha sat nahan. Ko'o sat atnehek Dios apagkok xa énxet'ák nak, keñe sat ko'o atnehek énxet'ák ahagkok xa énxet'ák nak.”

HEBREOS 11:16

wánxa agkok apmenyék axta eyke étak apkelókxa ektakmela xa énxet'ák nak, cham'a negókxa ekyetna nak néten. Ekeso eñamakxa memegkaktama nak Dios apkeltéma énxet'ák apagkok xa énxet'ák nak, hakte yetneyk apkeláneso xama tegma apwányam.

APOCALIPSIS 22:1

Exekmósek axta ko'o xama Dios apchásenneykha wátsam eyáxñeyo yegmen, yegmen ekyennaktésamo egnenyek axta m'a. Yagkáxawók axta yegmen, máxa axta m'a sokpeysyamla'a elyenma. Axta keñamak ektepa m'a aphamakxa nak néten aptaháno Dios tén han ma'a Nekkések Apketkok,