SAN LUCAS 20:35 - Lengua Sur (Enxet) Nuevo Testamento

³⁵ énxet'ák ekpayhawo nak elántexek ma'a axnagkok negókxa nak, cham'a ekpayhawo nak han enakxétekhágwók, kamaskok sat elyamhápegko énxet tén han kelán'ák,

SAN LUCAS 20:35 ပူးပေါင်းရင်းမြစ်များ

SAN MATEO 12:32

Kawomhok sat nahan meyakmagkáseykekxa Dios aptémakxa m'a énxet apxeyenma ekmaso nak ma'a aptaha nak Apketche énxet; wánxa agkok eyakmagkásekxak sat eyke Dios aptémakxa m'a énxet apxeyenma nak ekmaso Espíritu Santo neyseksók apha keso náxop, tén han ma'a egmonye sat.

SAN MATEO 22:29

Aptahak axta apchátegmowágko Jesús se'e: —Megkólakhawok kéxegke hakte megkólya'ásegkok ektémakxa nak eknaktáxésamaxche weykcha'áhak, megkólya'ásegkok nahan ma'a ektémakxa nak Dios apmopwána.

SAN MARCOS 10:42

Wánxa agkok apkelwóneyha axta eyke Jesús. Aptahak axta apkeláneya s'e: —Kélya'ásegkok kéxegke apyetna nepyeseksa énxet'ák melya'áseyak Dios ma'a kelwese'e apkenagkamo nak kapayhawok ennaktésakpohok neyseksa apkelmeykha apnámokkok, yának nahan cha'a kóltehek kéláyo kélagko' nepyeseksa apnámokkok.

SAN MARCOS 12:24

Aptahak axta apchátegmowágko Jesús se'e: —Megkólakhawok kéxegke hakte megkólya'ásegkok ektémakxa nak eknaktáxésamaxche weykcha'áhak, megkólya'ásegkok nahan ma'a ektémakxa nak Dios apmopwána.

SAN LUCAS 16:8

Apyekpelchágwokmek axta wese' apkepwagko elának aksok ma'a apkemha apmonye apkeláneykha ekmaso axta aptémakxa. Hakte apkelya'ásegkok ektémakxa apkelyanmagkásamap ma'a énxet'ák apheykha nak keso náxop, kaxnók ma'a énxet'ák apkeleñama nak neyseksa elseyexma.

SAN LUCAS 21:36

Kóllánekxa kéltahakxa kéxegke, nágkólyensem kélteme nempeywa nelmaxnagko, yakwayam enxoho kólegketaxchek kéxegke neyseksa ekyókxoho xa aksok peya nak katnehek, yakwayam enxoho anhan kólchánwók nápakto' ma'a aptaha nak Apketche énxet.”

SAN JUAN 5:29

elántépok sat takhaxpop. Enakxétekhágwók sat yakwayam elxawagkok ekyennakte apnenya'ák ma'a ektaha axta apkeláneyak aksok ektakmela; keñe m'a ektaha axta apkeláneyak aksok ekmaso enakxátekhágwók sat yakwayam etnehek apkelsexnánémap.

LOS HECHOS 24:15

Yetneyk ko'o elhaxneykha ewáxok Dios ekhawo nak han xa énxet'ák nak, cham'a peya sat enakxétekhágwók énxet'ák apkeletsapma axta, cham'a énxet'ák meyke apkeltémakxa axta, tén han ma'a elmasagcha'a axta apkeltémakxa.

LOS HECHOS 5:41

Apkelántekkek axta énxet'ák seykha amya'a apkelenyekto nápakta'awo' ma'a énxet'ák kelwese'e nak, hakte apcha'awók axta Dios ellegagkohok ekmaso agko' eñama apkellegaso Jesús apwesey.

2 TESALONICENSES 1:5

Cháxa senxekmóso ektaha ekpéwomo agko' ma'a ektémakxa nak segyekpelchémo Dios, cham'a ekxeyenma nak apwáxok ekpayhawo kólántexek kéxegke m'a aptémakxa nak Wese' apwányam Dios. Cháxa keñamak kéllegágkoho nak kéxegke xa.

HEBREOS 11:35

Yetneyk axta anhan kelán'ák elxawákxo axta étchek kélnakxátekháseyam, cham'a apkeletsapma axta. Apkeletsepmeyk axta anhan nápakha énxet eñama kélnaktawáseykegkoho, mopmenyék axta kólchexeykxak, yakwayam enxoho étak ektakmela ekyennakte apnenyek natámen apnakxátekhágwayam.

APOCALIPSIS 3:4

Yetneyk eyke nápakha énxet melpeysegkeso apkelnakta xa Sardis; selxegexma'a sat ko'o atnehek yetlo nelántaxneykekxa apáwa apkelmopé, hakte payhawók elántaxnekxak xa énxet'ák nak.