SAN LUCAS 20:26 - Lengua Sur (Enxet) Nuevo Testamento

²⁶ Axta ét'ak yakwánxa etnehek esexnenak Jesús xa énxet'ák nak, cham'a ekyókxoho aptahakxa axta appeywa nápakta'awo' énxet'ák. Pelakkasek axta apkelleg'a xa ektahakxa axta apchátegmowéyak Jesús, apkelwanmeyágkek axta aksa anhan.

SAN LUCAS 20:26 ပူးပေါင်းရင်းမြစ်များ

SAN MATEO 22:12

Aptahak axta apcháneya s'e: ‘Emók, ¿háxko aptahakxa aptaxnegwa'a exchep se'e, yetlo meyke apkennáxamomap?’ Apwanmakkek axta aksa xa.

SAN MATEO 22:22

Xama axta apkelleg'a xa, apkelwanmeyágkek axta aksa apkelano, apyenyókek axta aksa apkeltakháwo.

SAN MATEO 22:34

Apchaknákxeyk axta énxet'ák fariseos apkelleg'a amya'a apkelwanmeyásekxo Jesús ma'a énxet'ák saduceos,

SAN MATEO 8:10

Pelakkasek axta apleg'a Jesús xa. Aptahak axta apkeláneya énxet'ák ektaha axta apkelyetleykha s'e: —Mateyk ko'o makham xama énxet Israel ekhawo mey'áseyam xa énxet nak. Nakso' xa sektahakxa nak seláneya.

SAN LUCAS 11:54

apmokók axta ékkónek, yakwayam enxoho etekkesesek appeywa ekmaso keñe esexnena'.

SAN LUCAS 13:17

Xama axta aptaha appeywa Jesús xa, apkelmegkágweykxók axta apkelleg'a ektaha axta apkenmexeykha; kelpayheykxeyk axta eyke apwáxók apyókxoho énxet apkelwet'a m'a aksok sempelakkaso nak agwetak apkelana axta Jesús.

SAN LUCAS 20:20

Kéláphásek axta énxet'ák apteyánegweykmoho ektahakxa, máxa meyke apkeltémakxa axta aptamhágkok, yakwayam etekkesesek aksa appeywa Jesús yakwayam esexnena', keñe egkések ma'a wese' apchásenneykha apkeláneykha yókxexma nak.

ROMANOS 3:19

Negya'ásegkok negko'o ekyókxoho ektémakxa nak ekxeyenma segánamakxa, xeyenmék cha'a m'a énxet'ák ektaha nak apcháyo ektémakxa segánamakxa, yakwayam enxoho elwanmeyagkok apyókxoho énxet, keñe sat Dios etnehek apkelyekpelchémo apyókxoho énxet.

TITO 1:10

Hakte apxámok énxet megkaleklo nak apwáxok nelxekmowásamáxche ektakmela nak, ekyagwánxa agko' nepyeseksa m'a énxet'ák apkelenxáneykmoho nak apkeláneyak ma'a sẽlkahaso kélyenyekhamol'a egyempehek, cham'a énxet'ák apxeyenmol'a aksok ektaha nak mékoho agko', cham'a apkelyexancháseykencha'awol'a énxet.