SAN LUCAS 20:16 - Lengua Sur (Enxet) Nuevo Testamento

¹⁶ Ey'ótak sat ennahapwatak xa énxet'ák apkeltamheykha. Pók énxet'ák sat nahan egkeyásekxak xa kélcheneykekxexa nak anmen yámet.” Xama axta apkelleg'a énxet'ák xa, aptahak axta apkelpakmeta s'e: —¡Megkatnehek xa!

SAN LUCAS 20:16 ပူးပေါင်းရင်းမြစ်များ

SAN MATEO 21:34

Xama axta ekwokmo ekhem eknakxamáxchexa ekyexna, apkeláphásek axta apkelásenneykha wese', yakwayam enxoho elmaxnak ektaha apkeltamheykha namyep ma'a ekyexna ektahakxa enxoho apagkok.

SAN MATEO 21:41

Aptahak axta apkelátegmowágko énxet'ák se'e: —Elnápok sat wese' yetlo megkamopyósa elanok xa énxet'ák elmasagcha'a nak apkeltémakxa, keñe sat emásesha xóp kélcheneykekxexa anmen yámet ma'a pók énxet'ák apkeltamheykha nak. Egkések sat eyke wese' aksok ekyexna apnakxéyak ma'a ektahakxa enxoho apagkok ma'a wese', cham'a ekwokmo enxoho ekhem eknakxamáxchexa.

SAN MATEO 22:7

Aplókok apagko' axta xa wese' nak, apkeltamhok axta ennáhapwók sẽlpextétamo apagkok xa énxet'ák apkennapa axta apkelásenneykha, apkeltamhok axta anhan ewatneyásekxak apheykegkaxa.

SAN MARCOS 12:9

“¿Háxko ektahakxa ekxeyenma kélwáxok kéxegke yakwánxa etnésesek ektaha nak apagkok anmen yámet kélcheneykekxa xa énxet'ák nak? Ey'ótak sat, ennahapwatak sat xa énxet'ák apkeltamheykha nak, keñe sat egkeyásekxak pók énxet'ák apkeltamheykha m'a anmen yámet kélcheneykekxa nak.

SAN LUCAS 19:27

Enxet'ák apteme nak senmexeykha memáheyo nak hetnehek wese' apwányam apagkok, kólnaklanta s'e, kólnahap nahan nahakto'.’ ”

SAN LUCAS 20:15

Kéltekkesek axta neyseksa kélcheneykekxexa anmen yámet xa, teyp namyep axta anhan apmátegwokmok. “¿Háxko ektahakxa ekxeyenma kélwáxok kéxegke yakwánxa etnésesek ektaha apagkok kélcheneykekxexa anmen yámet xa énxet'ák nak?

LOS HECHOS 13:46

Apkeltennáha axta Pablo yetlo megyeye, tén han ma'a Bernabé. Aptahak axta apchátegmowágko s'e: —Neganeyaxcheyk axta negko'o anlegaksek kéxegke amya'a eñama nak Dios, kéxegke kéltaha nak énxet'ák judíos, wánxa agkok sat eyke kaxwo' ampehewakxak negko'o m'a énxet'ák metnaha nak judíos, hakte megkólmenyék kéxegke amya'a eñama nak Dios, megkaxénak nahan kélwáxok ekpayhawo yakwayam kólxawak kéxegke m'a ekyennakte egnenyek megkatnegwayam enéxa nak.

ROMANOS 11:1

Ektahak ko'o selmaxneyeykha s'e: ¿Apkeltaknawágwokmek enxeykel'a Dios ma'a ektaha nak énxet'ák apagkok? ¡Ma', meltaknawágweykmok! Ko'o nahan sekteme énxet Israel, Abraham aptáwen neptámen, eñamak ko'o m'a nepyeseksa Benjamín énxet'ák apagkok.

ROMANOS 11:11

Ektahak kaxwo' selmaxneyeykha s'e: ¿Megyaknekxéya sat néten énxet'ák judíos apkelpelapokmo axta? ¡Yaknekxak sat néten! Wánxa agkok, apkelwet'ak axta eyke apkelwagkásamap teyp pók énxet'ák, cham'a melyaheykekxo axta Dios énxet'ák judíos, temék axta xa yakwayam enxoho eyásekkesek ma'a énxet'ák Israel.

ROMANOS 3:31

¿Magya'áseyamya keñamak nenxéna negko'o ektaha mékoho m'a segánamakxa nak? Ma', nenxénchek negko'o ektaha ektakmela m'a eltémókxa nak antehek segánamakxa.

ROMANOS 3:4

Ma', metnehek Dios xa. Melwatésemek eyke Dios apkelané cha'a m'a ektaha nak ekmámnaksoho agko', neyseksók eykhe aptamhéyak apkelmopwancha'a amya'a énxet'ák; hakte temék eknaktáxésamaxche weykcha'áhak se'e: “Exénakpok sat xép ekpéwomo aptémakxa eñama m'a ektémakxa nak appeywa. Emallánek sat nahan xép aptaha sat apyekpelchémo énxet'ák.”

ROMANOS 3:6

Magwanchek antehek nempeywa xa. Kaxtemek axta megkapéwomo aptémakxa Dios, ¿háxko axta katnehek yepwának elyekpelkohok énxet'ák apheykha nak keso náxop?

ROMANOS 6:15

¿Háxko sat antehek kaxwo'? ¿Anlánaya sat kaxwo' mólya'asáxma hakte megkañamak kaxwo' nelwagkásamáxche teyp eñama nentakmelcheso m'a eltémókxa nak antehek segánamakxa, wánxa eñama m'a Dios segásekhayo nak? ¡Magwanchek anlának cha'a mólya'asáxma!

ROMANOS 6:2

¡Magwanchek antehek xa! Nelwateságkek axta negko'o nenlané mólya'asáxma; ¿háxko katnehek anlenxanmohok nenlané mólya'asáxma?

ROMANOS 7:13

¿Enxoho axta eykel'a sey'asó ko'o nétsapmakxa xa segánamakxa ektakmela nak? ¡Axta hey'asók ko'o nétsapmakxa xa! Mólya'asáxma eyke eltémo amátog ko'o eyásenneykekxo m'a aksok ektakmela nak, yakwayam enxoho kataxchek ektaha nakso' mólya'asáxma m'a ektémakxa nak mólya'asáxma. Cháxa ektahakxa axta ekwetáxko ektaha ekmaso agko' ma'a ektémakxa nak mólya'asáxma, eñama eyásenneykekxa mólya'asáxma m'a eltémókxa nak antehek segánamakxa.

ROMANOS 7:7

¿Anxéneya sat segánamakxa ekteme mólya'asáxma eñama xa? ¡Magwanchek anxének segánamakxa ekteme mólya'asáxma! Kaxtemek axta meyke segánamakxa, may'asagkek axta ko'o ektémakxa mólya'asáxma. May'asagkek axta ko'o ektémakxa étsapma egnenyek aksok, megkatnama enxoho ekpeywa segánamakxa s'e: “Nágkatsep apnenyek aksok.”

ROMANOS 9:14

¿Anxéneya sat ektaha mekapéwomo aptémakxa Dios eñama apteme xa? Magwanchek antehek xa.

1 CORINTIOS 6:15

¿Enxeykel'a kólya'ásegkok kéxegke kélyókxa ekteme eñama Cristo apyókxa? ¿Amoya sat ko'o xama nekha xa kélyókxa eñama nak Cristo, keñe eypetchesók ma'a kelán'a ekyakmagkáseyak nak pók énxet ekpathetéyak ektegye selyakye? Matnehek ko'o xa.

GÁLATAS 2:17

Nentegyáha agkok negko'o yakwayam henxének Dios nentaha nelpéwomo eñama Cristo, nentaha enxoho anhan negko'o ekha mólya'asáxma, ¿Cristo enxeykel'a senteméseso ekha mólya'asáxma? Ma', ¡mehentemésesók cha'a xa!

GÁLATAS 3:21

¿Kenmexmeya eltémókxa antehek segánamakxa m'a appekkeneykekxa axta appeywa Dios? ¡Ma', megkanmexmak! Awanchek axta agkok segánamakxa hegmések negyennakte, apwanchek axta anhan exének Dios aptaha appéwomo enxama eñama apkelané m'a eltémókxa nak antehek segánamakxa.

GÁLATAS 6:14

Ko'o nak se'e, momenyék keyxkohok sekpeywa axének xama aksok enxoho, wánxa keyxkohok sekpeywa axének ma'a apketsapma axta Cristo néten aksok ektegyéso; máxa ektemésesók ko'o ekmassegweykmo enxoho ektémakxa nak aksok keso náxop, máxa nahan ektemék ko'o xa sekmassegweykmo enxoho magwanmexmo m'a ektémakxa nak keso náxop, eñama m'a apketsapma axta Cristo néten aksok ektegyéso.