SAN LUCAS 2:9 - Lengua Sur (Enxet) Nuevo Testamento

⁹ Apxekmowáseykpok axta xama Dios apchásenneykha apkeñama néten, kelsásekmók axtaxma apcheymákpoho Wese' egegkok nepyáwa xa énxet'ák nak; apkelyegwakkek axta.

SAN LUCAS 2:9 ပူးပေါင်းရင်းမြစ်များ

SAN MATEO 1:20

Xéneykha axta apwáxok etnehek xa, cham'a apxekmowásekpoho axta xama Wese' egegkok apchásenneykha apwanmagko. Aptahak axta apcháneya s'e: “José, David aptáwen neptámen, nágyé' aksa etnehek aptáwa María, Espíritu Santo keñamak apteméseso m'a peya nak kóta' étche.

SAN LUCAS 1:28

Aptaxnegwokmek axta Dios apchásenneykha m'a ekhakxa axta María. Aptahak axta appeykesa s'e: —Ekpeykesek xeye' ektaha nak ekleklamo apwáxok Dios, Dios Wese' egegkok aptahak apxegexma exche'.

SAN LUCAS 2:8

Keto' tegma apwányam Belén axta apheykha énxet apkeláneykha nekkések, apkelánteyapeykmók axta axta'a yókxexma apkeláneykencha'a m'a apnaktóso nekkések.

SAN LUCAS 24:4

Kelyegwakkek axta megkóteyágweykxo, axta kalya'ásegkok ektamhágkaxa, pelakkasek axta ekwet'a apchakneyncha'a apkánet énxet eyaknágkaxa xa kelán'ák nak, apkelyenma axta apkelnakta.

SAN JUAN 12:41

Apxeyenmék axta Isaías xa, hakte apwetayak axta ektémakxa Jesús apcheymákpoho, apxeyenmék axta anhan Jesús apwesey.

LOS HECHOS 12:7

Pelakkasek axta apwokmo xama Dios apchásenneykha m'a, apkelsásek axta exma kañe' negmomaxchexa. Appaknegwokmok axta Dios apchásenneykha nápakha Pedro aptenakxa, apxátekhásek axta nahan. Aptahak axta apcháneya s'e: “¡Yempekxa heykxa néten!” Yetlókók axta elhexyawásamáxche kélnaktetcheso apmék Pedro.

LOS HECHOS 27:23

Axta'a exchek ko'o sexekmowáseykpoho xama Dios apchásenneykha, Dios xeyk apcháphaso m'a, cham'a Dios Wese' ahagkok seláneya nak ko'o sektamheykha eñama nak ma'a.

LOS HECHOS 5:19

Wánxa agkok, xama Dios apchásenneykha apkeñama néten axta eyke apmeykesásak átog axta'a, apkelántekkesek axta anhan. Aptahak axta apkeláneya s'e:

2 CORINTIOS 3:18

Negko'o ektaha nak meyke apáwa apchapma negát, neghawók ma'a ektémakxal'a nelanyantáxama, negmoma m'a ektémakxa nak apcheymákpoho Wese' egegkok, peyk nahan hẽlhésekxohok ma'a aptémakxa nak Cristo, hakte yáwegkek cha'a negko'o ekyetno m'a ektémakxa nak apcheymákpoho Wese' egegkok, Wese' egegkok nahan apkelané xa, aptaha nak han Espíritu.

2 CORINTIOS 4:6

Dios apagko' axta apkeltémo katyapok aksa elseyexma neyseksa ekyaktesóxma, axta anhan apkeltémo katyapok elseyexma egwáxok negko'o m'a Dios, yakwayam enxoho agya'ásegwomhok ektémakxa nak Dios apcheymákpoho elyenmasama nak nápát ma'a Jesucristo.

1 TIMOTEO 3:16

Nakso' ektaha ektakmela agko' ma'a amya'a ekmámnaksoho senxekmósama axta eñama s'e ektémakxa nak nelpeykesamo Dios: Apheyásamákpók axta énxet Cristo, apmallanmeyk axta eñama apteme espíritu, apwetayak axta nahan Dios apkelásenneykha. kéllegasegkek axta apwesey ekyókxoho yókxexma, kéltemegkek axta megkólya'áseyam keso náxop, kélya'áseykekxeyk axta nahan ma'a néten aphamakxa nak Dios ekha apcheymákpoho.

HEBREOS 12:21

Kelyegwakkasek axta énxet'ák ma'a ektahakxa axta apweté, Moisés apagko' axta anhan aptahak appeywa s'e: “Elpexyenegkek ko'o xa seyeka.”

APOCALIPSIS 18:1

Ekwet'ak axta ko'o pók Dios apchásenneykha apweywento apkenyekto m'a néten natámen xa; kólyahakxohok agko' axta nahan ma'a, chápogwatchek axta nahan elseyexma apagkok keso náxop.

APOCALIPSIS 20:11

Ekwet'ak axta ko'o taháno ekmopé ekyawe, tén han ma'a ektaha axta apha néten. Massék axta aksa xóp tén han néten apwakto m'a ektaha axta apha néten xa taháno nak, massawók axta ekwetáxko cha'a.