SAN LUCAS 2:34 - Lengua Sur (Enxet) Nuevo Testamento

³⁴ Keñe axta apkelmaxnésásegko Simeón, aptahak axta anhan apcháneya María, Jesús egken se'e: —Kalano, appagkanákpek se'e sakcha'a nak, yakwayam enxoho exámak énxet'ák Israel apkelxegányam, exámak esenhan apteme apkelmeyámap. Etnehek sat nahan magkenatcheso apkeñama Dios, cham'a peya sat exámhok énxet megkaleklo apwáxok,

SAN LUCAS 2:34 ပူးပေါင်းရင်းမြစ်များ

SAN MATEO 11:19

keñe nahan apwa'a m'a aptaha nak Apketche énxet aptómo nak apto, apyamo nak han vino, apxénákpek nahan aptaha megyéso etwok apto, tén han megyéso ének vino, tén han apxénákpo aptaha apkelásekhayókxa m'a énxet elmasagcha'a nak apkeltémakxa, tén han ma'a énxet'ák apkelma nak selyakye yakwayam egkések wese' Roma. Wánxa agkok, Dios apya'ásegwayam axta eyke keñamak ekwetamaxko ektéma ekyókxoho xa.”

SAN MATEO 12:46

Apkeltennáha axta makham Jesús nepyeseksa énxet'ák, cham'a ekyo'ókmo axta egken, tén han ma'a apkelyáxeg, mokók axta kapakhetchesek. Yókxexma axta chaknáha,

SAN MATEO 21:44

Nápakha'a apketkók sat etnehek énxet aptegwa'a enxoho xa meteymog nak; keñe sat ektaha enxoho meteymog ektegweykta, kakpelkohok sat.

SAN MATEO 27:63

Entahak axta amya'a apcháneyákpo Pilato s'e: —Wese', xénwákxók negko'o egwáxok aptémakxa axta appeywa apyennaktamakxa m'a énxet aptaha axta apmopwána amya'a apagko', apxeyenma axta exátekhágwók ekwokmo enxoho antanxo ekhem.

SAN LUCAS 2:35

yakwayam enxoho keytnekxak yáxñakxoho m'a ektémakxa nak elchetamso apwáxók énxet. Máxa sat katnehek xeye' kélyetxakxo sókwenakte ekweykmoho kañók agko' awáxok eñama eklegeykegkoho xa ekyókxoho nak.

SAN JUAN 3:20

Apyókxoho énxet ektahakxa enxoho apkeláneyak aksok ekmaso etaknók ma'a elseyexma nak, mépetchegwomok nahan elseyexma, yakwayam enxoho megkapekkenchásekxék yáxñakxoho m'a aksok ekmaso apkelané nak.

SAN JUAN 5:18

Yágwokmók axta aksa apmáheyo yakhek énxet'ák judíos ma'a Jesús, háwe axta ekwánxa agkok ellókasa énxet'ák judíos metakmelchesa Jesús ma'a eltémókxa nak antehek ekhem nellókasamakxa nelyampé, axta eyke keñamak nahan ma'a apxéna axta Jesús aphawo Dios, cham'a apxéna axta Jesús aptaha Apyap ma'a Dios.

LOS HECHOS 13:45

Xama axta apwet'a énxet'ák judíos apxáma énxet apyetleykekxa Pablo tén han Bernabé, apnatha'ak axta, sagkek axta anhan cha'a apchátegmoweyak aptahakxa appeywa Pablo, apwanyeyha axta anhan.

LOS HECHOS 17:6

Xama axta melwetágwokmo m'a, keñe axta kélyegegkakxo aksa Jasón kélyentamákxo, axta anhan yetlo m'a énxet'ák apteme axta melya'áseyam, kélnaklákxeyk axta aphágkaxa kelwese'e xa tegma apwányam nak. Aptahak axta apkelyennaktésawo apkelpeywa s'e: —¡Keso énxet'ák aptekkesama nak ekyennamáxma ekyókxoho yókxexma s'e, apkelwa'ak nahan se'e.

LOS HECHOS 24:5

Negya'ásegwokmek negko'o aptaha ekmaso aptémakxa s'e énxet nak, ekyókxoho yókxexma nahan aptekkásak apkexpanchásamap énxet'ák judíos xa, cháxa aptaha nak apkemha apmonye nepyeseksa m'a énxet'ák apkeltamhomakpo nak Nazarenos.

LOS HECHOS 28:22

Egmenyék negko'o anlegak ektahakxa elchetamso apwáxok xép, hakte negya'ásegkok negko'o ekxénamaxko ekyókxoho yókxexma xa nelxekmowásamáxche axnagkok nak.

LOS HECHOS 4:26

Apyókxoho kelwese'e apkelwányam nak keso náxop aptamhákxak apkenmexeykha Wese' egegkok, tén han ma'a kelwese'e apkeláneykha nak apkelókxa. Apyókxoho nahan apkeláneykxak aptamhágkaxa yakwayam etaknók Dios Wese' egegkok, tén han yakwayam etaknók ma'a ektaha axta apkelyéseykha, cham'a aptaha nak Mesías.’

LOS HECHOS 6:7

Payhekxeyk axta kéllegaso Dios appeywa, apxámágkek axta anhan énxet'ák apteme melya'áseyam Jesús ma'a tegma apwányam Jerusalén. Wokmók axta anhan ma'a énxet'ák judíos ektaha axta appasmo apkelmaxnéseso apnámokkok, aptemék axta anhan melya'áseyam.

ROMANOS 9:32

¿Yaksak axta ektéma? Hakte axta yásenneykekxak ma'a melya'áseyam, wánxa axta aksa apchásenneykekxo m'a aptamhéyak apancha'awo' nak. Ekeso eñamakxa elpelápagkasa axta “meteymog sempelápagkasamol'a”

1 CORINTIOS 1:23

Wánxa agkok, nenlegásek eyke negko'o m'a Mesías kélyepetchesama axta aksok ektegyéso. Cháxa ellókasa nak cha'a énxet'ák judíos xa, keñe m'a énxet'ák metnaha nak Judíos apkenagkama cha'a ekyéháxma neltenneykha;

HEBREOS 7:1

Melquisedec axta wese' apwányam ma'a tegma apwányam Salem, appasmo apkelmaxnéseso Dios énxet'ák apagkok axta anhan ma'a, cham'a Dios meyke nak ekhémo. Xama axta apwakto Abraham apkenyekto m'a empakháxchexa axta, cham'a apmallanakxa axta nepyeseksa kelwese'e apkelwányam nak, apkelanyexágkek axta Melquisedec, apkelmaxnésesek axta yakwayam epasmok Dios.

HEBREOS 7:7

méko kawának kaxének metnaha néten ma'a ektaha nak apkelmaxnéseso pók yakwayam epasmok Dios.

1 SAN PEDRO 4:14

Kéleñémo agko' kéxegke apyamatchásencha'a enxoho énxet eñama kélyetlo Cristo, hakte megkamassegwomek cha'a apha kélwáxok kéxegke Espíritu, ekha nak apcheymákpoho apkeñama Dios.