SAN LUCAS 2:2 - Lengua Sur (Enxet) Nuevo Testamento

² Cháxa eyeynókxa axta eknaktáxésamaxche weykcha'áhak apkelwesey apyókxoho énxet, cham'a aptémakxa axta Cirenio apkeláneykha yókxexma m'a Siria.

SAN LUCAS 2:2 ပူးပေါင်းရင်းမြစ်များ

SAN MATEO 4:24

Ekyókxoho yókxexma Siria axta apxénamakpok Jesús, kélnaklókasegkek axta ekyókxoho ektémakxa nak elmasagcha'a apkelháxamap, tén han ma'a ekyókxoho ektémakxa nak apkellegeykegkoho ekmáske, tén han ma'a kelyekhama' eknaktawáseykha nak, tén han ma'a énxet'ák apkeletsapeykekxoho axta cha'a, tén han ma'a énxet'ák megkamopwána axta cha'a eltakheykha. Apkeltakmelcheseykmek axta cha'a Jesús xa.

SAN LUCAS 2:1

Apkeltamhok axta kanaktáxesaxchek apkelwesey weykcha'áhak apkelánamákpoho énxet apheykha axta ekyókxoho yókxexma apmomakxa axta romano m'a wese' apwányam apwesey axta Augusto.

SAN LUCAS 2:3

Apyókxoho énxet axta apkeláneyákpok elmeyekxak ma'a apkelókxa, yakwayam enxoho kanaktáxesaxchek apkelwesey weykcha'áhak.

SAN LUCAS 3:1

Quince apyeyam axta weykmok apteme wese' apwányam Roma m'a Tiberio, keñe axta Poncio Pilato aptaha wese' apchásenneykha apkeláneykha yókxexma m'a Judea, keñe axta Herodes aptaha wese' m'a Galilea, keñe axta apyáxeg Felipe aptaha wese' m'a Iturea tén han ma'a Traconite, keñe axta Lisaneas aptaha wese' m'a Abilinia.

LOS HECHOS 13:7

Apxegexma axta aptemék wese' apkeláneykha apchókxa xa yohóxma nak, cham'a wese' apwesey axta Sergio Paulo. Enxet ekha apya'áseyak axta m'a wese' nak. Apkeltamhok axta kóltennásekxak Bernabé tén han Saulo xa wese' nak, hakte apmenyék axta yeyxhok ma'a amya'a eñama nak Dios.

LOS HECHOS 18:12

Wánxa agkok, apchaknákxeyk axta eyke énxet'ák judíos apkenmexa Pablo, kélyentamákxeyk axta anhan sẽlyekpelchémókxa, cham'a aptémakxa axta Galión wese' apwányam apchásenneykha m'a yókxexma Acaya.

LOS HECHOS 23:26

“Ko'o Claudio Lisias, eyáphásesek ekxeyenma ewáxok xép Felix aptaha nak wese' apchásenneykha apkeláneykha apchókxa.

LOS HECHOS 26:30

Keñe axta apkempákxo néten wese', tén han ma'a wese' apkeláneykha nak apchókxa, Berenice axta anhan ma'a, tén han ma'a apyókxoho énxet'ák apheyncha'a axta m'a,

LOS HECHOS 5:37

Néwomók axta natámen xa, aptekkek axta anhan Judas apkeñama Galilea, cham'a elánamáxko axta kélnaktáxeseyak apkelwesey énxet'ák, apwet'ak axta nahan énxet yakwayam étlakxak ma'a, wánxa agkok apmatñeyk axta eyke nahan ma'a, keñe m'a ektaha axta apkelyetleykekxa apkexpakna anhan.