SAN LUCAS 19:38 - Lengua Sur (Enxet) Nuevo Testamento

³⁸ Aptahak axta s'e: —¡Tásek sat katnehek apxénamap xa Wese' apwányam apwa'a nak yetlo apsáyam Wese' egegkok apwesey! ¡Meyke ektahakxa egwáxok sat keytek ma'a néten, kóltemésesek sat apcheymákpoho Dios apha nak néten!

SAN LUCAS 19:38 ပူးပေါင်းရင်းမြစ်များ

SAN MATEO 2:2

Aptahak axta apkelmaxneyeyncha'a s'e: —¿Háxko apyetnakxa judíos wese' apwányam apagkok apteyekmo exnexta? Hakte negwet'ak axta negko'o aptepa yaw'a apagkok ma'a ektaxnegwánxa ekhem, nelxegakmek axta negko'o yakwayam enxoho ólpeykesho'.

SAN MATEO 21:9

Apsawhekpók axta apkelyennaktésawo apkelpeywa apkelxega axta apmonye'e, tén han ma'a apkelxega axta neptámen. Aptahak axta s'e: —¡Kólpeykesho wese' apwányam David Apketche! ¡Tásek sat katnehek apxénamap xa apwa'a nak yetlo apsayam Dios apwesey! ¡Apcheymákpoho Dios apha nak néten!

SAN MATEO 25:34

Sat etnehek yának Wese' énxet'ák apheykha ekpayhókxa apkelya'asamakxa s'e: ‘Kólchexyem kéxegke kéltaha nak ektakmela apkelxeyenma Táta; Kólma m'a aptémakxa nak Wese' apwányam Dios, kéllánesamakxa axta kéxegke amonye apkelané Dios keso náxop.

SAN MATEO 25:40

Keñe sat etnehek yátegmowagkok Wese' apwányam se'e: ‘Eltennásek ko'o kéxegke elyáxeg ahancha'awók meleymákpoho kéltemésesama xa ektaha nak, ko'o nahan eltemesesók xa ektaha nak.’

SAN LUCAS 13:35

Kóllano hana tegma appagkanamap kélagkok, méko sat katnehek eyásekha'a; eltennásek ko'o kéxegke peya mehelwetekxók cha'a ekwokmoho ekhem kéltaha kélpeywa s'e: ‘¡Tásek sat katnehek apxénamap xa apwa'a nak yetlo apsáyam Wese' egegkok apwesey!’

ROMANOS 5:1

Ẽltemésesegkek negko'o nelpéwomo eñama magya'áseyam, nelásekháxchekxók nahan negko'o Dios, eñama m'a Wese' egegkok Jesucristo.

EFESIOS 1:12

Apkeláneyak axta Dios xa, yakwayam enxoho óltemésesek apcheymákpoho Dios eñama m'a ektémakxa nak ekyawe agko' apcheymákpoho, negko'o nenteme axta egmonye'e nelhaxneykha Cristo.

EFESIOS 1:6

Ekeso eñamakxa neltemésesa nak cha'a negko'o apcheymákpoho Dios, eñama m'a segméso naksa axta ektémakxa nak segemleykekxoho, cháxa keñamak nahan sempasmo nak negko'o Dios xa, eñama m'a Apketche aptaha nak apchásekhayo.

EFESIOS 3:10

Temegkek axta xa yakwayam enxoho elya'ásegwók ekyókxoho ektémakxa apya'áseykegkoho Dios ma'a, Dios apkelásenneykha ekha nak apkelmopwancha'a, tén han ma'a ekha nak kélyaheykekxoho m'a néten eñama apxekmóso m'a Dios énxet'ák apagkok nak.

EFESIOS 3:21

¡Apcheymákpoho sat kóltemésesek Dios nepyeseksa m'a ektaha nak Dios énxet'ák apagkok eñama m'a Cristo Jesús, megkatnegwayam enéxa! Katnahagkok sat.

COLOSENSES 1:20

Apmenyék axta Dios katnekxak eyásekheykekxoho ekyókxoho aksok ekhéyak nak keso náxop, tén han ekhéyak nak ma'a néten eñama m'a Cristo. Apkelanak axta Dios xa negásekheykekxoho nak, eñama m'a ekyegkenamaxche axta éma apagkok Cristo néten aksok ektegyéso.

1 TIMOTEO 1:17

¡Antehek hana negáyo Wese' apwányam memassegwayam nak, aptaha nak megyetsapma, aptaha nak han metémap, aptaha nak han wánxa xama Dios, óltemésesek nahan apcheymákpoho! Katnahagkok sat.

1 SAN PEDRO 1:12

Wánxa agkok, apkelya'asásegweykmek axta eyke Dios megkapheweykmo yakwayam kapasmok ektémakxa axta apkeltenneykha xa énxet'ák nak, kéxegke eyke yakwayam kapasmok xa ektémakxa axta apkeltenneykha, cháxa kéllegasama axta kéxegke xa eñama apkellegaso m'a énxet'ák apkeltennáseykencha'a axta tásek amya'a yetlo Espíritu Santo apmopwána, cham'a Espíritu kéláphaso axta apkeñama néten. Cháxa apkeltémo axta anhan étak Dios apkelásenneykha xa.