SAN LUCAS 19:37 - Lengua Sur (Enxet) Nuevo Testamento

³⁷ Xama axta apchágketchesekmo ekweywekentamxa axta ámay ekmaheyak axta egkexe Olivos, apyókxoho énxet apkelyetleykha axta apkelyennaktésawók apkelpeywa elpayhekxo apwáxók, tén han apkeltemésesa apcheymákpoho Dios eñama apkelweté ekyókxoho m'a aksok sempelakkaso nak agweta'.

SAN LUCAS 19:37 ပူးပေါင်းရင်းမြစ်များ

SAN MATEO 21:1

Xama axta apkelágketchesekmo tegma apwányam Jerusalén, apkelwokmek axta nátegma ekwesey axta Betfagé, keto' axta egkexe Olivos ma'a, apkeláphásek axta Jesús apkánet apkeltámeséyak.

SAN MARCOS 13:3

Apkelmeyákxeyk axta egkexe Olivos natámen xa, payhawók axta apyetnamakxa tegma appagkanamap ma'a. Aphakmek axta Jesús ma'a néten egkexe nak. Keñe axta apkelmaxneyeyncha'a Pedro, Santiago, Juan, tén Andrés aptahakxa axta apxakko' Jesús,

SAN MARCOS 14:26

Apkelmeyákxeyk axta egkexe Olivos natámen apkelmeneykmaso negmeneykmaso eñama nak Salmos.

SAN LUCAS 18:43

Yetlókók axta anhan apweteykekxaxma m'a énxet meyke apakta'ák axta, apyetlókek axta anhan Jesús apkeltemésesa apcheymákpoho Dios. Apkeltemésesek axta anhan apcheymákpoho Dios apyókxoho énxet ektaha axta apweteykegkoho xa.

SAN LUCAS 19:20

“Keñe axta anhan apwákxo pók, aptahak axta s'e: ‘Wese', keso selyakye apagkok se'e. Apáwa axta ekpextetchásak sektakmelchesesa;

SAN LUCAS 19:29

Xama axta apwákxo keto' nátegma Betfagé, tén han nátegma Betania, keto' axta m'a egkexe ekwesey nak Olivos, apkeláphásek axta apkánet apkeltámeséyak.

SAN LUCAS 19:36

Xama axta cha'a apwokmo Jesús apchaknágkaxa énxet'ák, apkelpeykásegkek axta apkelaklamap ámay awáxok.

SAN LUCAS 7:16

Xama axta ekwetáxko xa, apyókxoho énxet axta nahan apchekak, yetlókók axta apkelpeykesamo Dios. Aptahak axta apkelpakmeta s'e: —Dios appeywa aplegaso meyke ekhémo aptépak negyeseksa negko'o. Aptahak axta anhan apkelpakmeta s'e: —Dios apwa'ak yakwayam epasmok énxet'ák apagkok.

SAN JUAN 12:18

Ekeso eñamakxa apkelanyexágko axta Jesús xa énxet'ák nak, hakte apkelleg'ak axta amya'a ektahakxa apkelané Jesús aksok sempelakkasamo nak agweta'.