SAN LUCAS 19:35 - Lengua Sur (Enxet) Nuevo Testamento

³⁵ Apkeltahanchesek axta apkelaklamap yámelyeheykok, kélyentegkásekxeyk axta Jesús, keñe axta kéltamho yántek.

SAN LUCAS 19:35 ပူးပေါင်းရင်းမြစ်များ

SAN MATEO 21:4

Cháxa ektahakxa axta ektaha m'a aptémakxa axta apkeltenneykha Dios appeywa aplegaso, cham'a aptéma axta aptáxéso s'e:

SAN MATEO 21:7

Apyentamákxeyk axta yámelyeheykok kelwána yetlo étkok, apkelaklamap axta apkeltahanchásak, keñe axta apchánta Jesús.

SAN LUCAS 19:34

Aptahak axta apkelátegmowágko s'e: —Wese' egegkok apmokók emha.

SAN LUCAS 19:36

Xama axta cha'a apwokmo Jesús apchaknágkaxa énxet'ák, apkelpeykásegkek axta apkelaklamap ámay awáxok.

SAN JUAN 12:12

Apxámok axta énxet apkelmahágko tegma apwányam Jerusalén yakwayam epasmok ma'a ekhem melwagkayam axta judíos kéltéma axta Pascua. Mók ekhem axta entahak apkelleg'a amya'a énxet'ák peya nahan ewók Jesús ma'a tegma apwányam nak.

SAN JUAN 12:14

Apwetágwokmek axta Jesús xama yamelyeheykok étkok, apchánteyk axta anhan, ekhawo ektémakxa nak eknaktáxésamaxche s'e: