SAN LUCAS 19:26 - Lengua Sur (Enxet) Nuevo Testamento

²⁶ Aptahak axta apchátegmowágko wese' s'e: ‘Kéxegke ekyetnakxa enxoho aksok, kólmeyásekxohok sat makham mók; keñe kéxegke meyke nak aksok, kóltápexcháseshok sat kólyementemekxak ma'a ekyetnakxa enxoho, antawók eykhe katnehek.

SAN LUCAS 19:26 ပူးပေါင်းရင်းမြစ်များ

SAN MATEO 13:12

Kéxegke ekyetnakxa enxoho aksok, kólmeyásekxohok sat makham mók, kayeykhágwomok sat nahan; keñe kéxegke meyke nak aksok, kóltápexcháseshok sat kólyementemekxak ma'a ekyetnakxa enxoho, antawók eykhe katnehek.

SAN MATEO 21:43

Ekeso eñamakxa seltennasa nak kéxegke peya kólwatésesek kélteme kélpáxakxo m'a aptémakxa nak Wese' apwányam Dios, keñe sat exkekxak ma'a énxet'ák aptekkesamo nak ekyexna apkelhaxanma nak Dios.

SAN MARCOS 4:25

Kéxegke ekyetnakxa enxoho aksok, kólmeyásekxohok sat makham mók; keñe kéxegke meyke nak aksok, kóltápexcháseshok sat kólyementemekxak ekyetnakxa enxoho, antawók eykhe katnehek.”

SAN LUCAS 16:3

Entahak axta elchetamso apwáxok apkemha apmonye wese' apkeláneykha s'e: ‘¿Háxko sat atnehek kaxwo' setekkesa nak wese' ahagkok? Momóhagkók nahan atneykha sektamheykha ekyentaxno nak, amegkeyk nahan aleyxek axkak aksa aksok.

SAN LUCAS 19:25

Aptahak axta apkelpakmeta apkeláneykha s'e: ‘Wese', ¡yetneyk eyke diez sawo selyakye m'a!’

SAN LUCAS 8:18

“Kóltakmelchesho nahan kélháxenmo s'e, hakte kéxegke ekyetnakxa enxoho aksok, kólmeyásekxohok sat makham mók, keñe kéxegke meyke nak aksok, kóltápexcháseshok sat kólyementemekxak ma'a aksok kélanagkama nak keytnak kéxegke.”

LOS HECHOS 1:20

Xeyenmék eyke eknaktáxésamaxche Salmo s'e: ‘Meykexa énxet sat katnekxak yókxexma apagkok, méko sat nahan kaxek ma'a.’ Xeyenmék nahan eknaktáxésamaxche: ‘Pók énxet sat nahan eyakmagkasek ma'a ektémakxa nak aptamheykha.’

2 SAN JUAN 1:8

Kólleyxmakha cha'a kéxegke yakwayam enxoho megkamassegwomek ma'a kélweté axta ekyakmageykekxa eñama kéltamheykha, yakwayam enxoho kasawhaxkohok kélxawé m'a aksok kélxawé naksa nak.

APOCALIPSIS 2:3

Apkelenxáneykmok axta exchep, awanhek axta nahan aplegeykegkoho meyke ekleklágwayam ko'o eñamakxa.

APOCALIPSIS 3:11

Kaxwo' sat awata'. Etakmelches xa aptémakxa nak cha'a, yakwayam enxoho méko keymentók ma'a aksok apxawé naksa nak xép.