SAN LUCAS 18:30 - Lengua Sur (Enxet) Nuevo Testamento

³⁰ kayeykhágwomhok sat kélxaweykekxa aksok kélagkok keso náxop, keñe sat kólxawak ekyennakte kélnenya'ák megkatnegwayam enéxa m'a ektaha sat axnagkok kélheykha. Nakso' xa sektahakxa nak sekpeywa seláneya kéxegke.

SAN LUCAS 18:30 ပူးပေါင်းရင်းမြစ်များ

SAN MATEO 12:32

Kawomhok sat nahan meyakmagkáseykekxa Dios aptémakxa m'a énxet apxeyenma ekmaso nak ma'a aptaha nak Apketche énxet; wánxa agkok eyakmagkásekxak sat eyke Dios aptémakxa m'a énxet apxeyenma nak ekmaso Espíritu Santo neyseksók apha keso náxop, tén han ma'a egmonye sat.

SAN MATEO 4:24

Ekyókxoho yókxexma Siria axta apxénamakpok Jesús, kélnaklókasegkek axta ekyókxoho ektémakxa nak elmasagcha'a apkelháxamap, tén han ma'a ekyókxoho ektémakxa nak apkellegeykegkoho ekmáske, tén han ma'a kelyekhama' eknaktawáseykha nak, tén han ma'a énxet'ák apkeletsapeykekxoho axta cha'a, tén han ma'a énxet'ák megkamopwána axta cha'a eltakheykha. Apkeltakmelcheseykmek axta cha'a Jesús xa.

1 TIMOTEO 4:8

Awanchek eykhe hempasmok xa nelyelaktésamaxche nak, akke ekyagwánxa agko' ekmowána hempasmok ma'a nempagkanchásamáxche nak Dios, cham'a ekyókxoho aksok nenlanakxa enxoho, hakte cháxa sempasma nak yakwayam katakmelek negha keso negwánxa nak, tén han peya hempasmok ma'a egmonye sat.

1 TIMOTEO 6:6

Nakso' ekteme senxámásesamo aksok egagkok eleñama néten xa ektémakxa nak nelpeykesamo Dios, akke wánxa exkak ma'a énxet ekpeykáseykekxa nak apwáxok aksok apagkok ekyetnakxa enxoho.

APOCALIPSIS 2:10

Nágyé' aksa m'a yakwánxa nak katnehek aplegeykegkoho exchep, hakte kañe' sẽlpextétamakxa sat kaxatmok kéxegke kélnápakha kelyekhama', yakwayam enxoho keykkónaxchek kéxegke m'a ektémakxa nak megkólya'áseyam; kóllegagkohok sat kéxegke ekweykmoho diez ekhem. Elenxanmoho exchep apyennaktésamo apteme mey'áseyam, nágyeyx ma'a peya enxoho emátog, agkések sat xép sekméso naksa ekyennakte apnenyek.

APOCALIPSIS 2:17

¡Kéxegke ekha nak kélheyk'ák, kóleyxho aptahakxa appeywa Espíritu kélakneykekxexa! Enxet'ák ektaha nak apkelmalanma agkések sat yakwayam etawagkok maná, cham'a kélpósamo nak; agkések sat nahan meteymog ekmopé, cham'a ektáxésamaxko nak kaxwé kélwesey meyke ekya'áseyak, wánxa aksa ey'asagkohok ma'a ektahakxa enxoho apxawé.’

APOCALIPSIS 3:21

Enxet'ák ektahakxa enxoho apkelmalanma, agkések sat ko'o yakwayam exek nekha sektáhano sekhamakxa nak, ekhawo ektémakxa axta ko'o xa sekmalanmá, ekhákxek axta m'a nekha aphamakxa nak Táta.