SAN LUCAS 18:13 - Lengua Sur (Enxet) Nuevo Testamento

¹³ Wánxa agkok, teyépek axta eyke apkenmágkaxa énxet apkelmomo axta cha'a selyakye yakwayam kólmések wese' Roma, axta emokók yenmexhok néten, aptekpagáha axta aksa apnenyek. Aptahak axta appeywa se'e: ‘¡Oh Dios, yepyósho helanok ko'o sekteme nak may'asáxma!’

SAN LUCAS 18:13 ပူးပေါင်းရင်းမြစ်များ

SAN MATEO 10:3

Felipe axta anhan ma'a, Bartolomé axta anhan; Tomás axta anhan ma'a, Mateo axta anhan, cham'a apkelmomo axta cha'a selyakye yakwayam kólmések wese' Roma; Santiago axta anhan ma'a aptaha axta Alfeo apketche, Tadeo axta anhan;

SAN MATEO 6:5

“Kéltemék agkok kéxegke nempeywa nelmaxnagko, nágkólteme aksa m'a aptamheykegkaxa nak énxet'ák apkelmeyókásamákpoho nak apancha'awók apkeltémakxa, cham'a apmáheyol'a etnamha kañe' apchakneykekxexa judíos aptaha enxoho nempeywa nelmaxnagko, tén han etnegwók ma'a máseyak yókxexma apheykegkaxal'a énxet'ák, yakwayam enxoho kataxchek aptahakxa. Apkelxakék aksok apkelxawé naksa eñama aptamhéyak xa. Nakso' xa sektahakxa nak sekpeywa seláneya kéxegke.

SAN MATEO 9:13

Kólxeg, kóltámesaxche ektémakxa nak ekxeyenma eknaktáxésamaxche s'e: ‘Emenyék ko'o kóltehek kéxegke apmopyósa kóllanok kélmók, momenyek ko'o kólnápok aksok nawha'ák yakwayam helmések ko'o. Axta ko'o aweyk yakwayam alwónmakha m'a énxet'ák eltakmela nak apkeltémakxa, wánxa m'a énxet'ák melya'asáxma nak.’

SAN MARCOS 11:25

Kéltemek agkok nempeywa nelmaxnagko, nágkólyakmagkásekxa aksa aptemésesakxa ekmaso kélmók, yakwayam enxoho meyakmagkásekxék nahan kéltémakxa megkólya'asáxma m'a Kélyap apha nak néten.

SAN LUCAS 17:12

Apwokmek axta nátegma, axta apkeltahanyohok diez énxet negmasé ektepelchamáxche egyempehek ektamhéyak ma'a. Makhawók axta apchaknáha xa.

SAN LUCAS 22:41

Keñe axta apkexaya aksa Jesús apkeltámeséyak ma'a, yámmakhawók axta apmahágkok, ekweykenxal'a agyenyók meteymog, apkeltekxekwokmek axta aptapnák ma'a yakwayam etnehek nempeywa nelmaxnagko.

SAN LUCAS 23:48

Apkeltakhákxeyk axta yetlo apkeltekpageykha cha'a apnenya'ák apyókxoho énxet'ák ektaha axta apkelwayam ma'a, ektaha axta anhan apkelweteykegkoho m'a ektahakxa axta.

SAN LUCAS 5:8

Xama axta apwet'a Simón Pedro xa, apkeltekxekwokmek axta aptapnák apkenmágkaxa Jesús. Aptahak axta apcháneya s'e: —¡Wese', neyhepetchegwoho aksa, may'asáxma ko'o!

LOS HECHOS 2:37

Xama axta apkelleg'a ektaha axta apchakneykekxa m'a, kellapwámegkek axta apwáxók. Aptahak axta apkelmaxneyeyncha'a Pedro s'e, tén han ma'a pók seykha amya'a nak: —Egyáxeg, ¿yaksak eyéméxko antehek negko'o?

ROMANOS 5:8

Wánxa agkok, enxekmósek axta eyke negko'o Dios ektémakxa segásekhayo, cham'a nentémakxa axta makham negko'o mólya'asáxma, apketsekkek axta Cristo segyanmaga negko'o.

2 CORINTIOS 7:11

Kóllano hana ektemésesakxa kéxegke xa ellapwámeyak ektaha axta Dios apmopmenyého. Ekmámnaksoho axta kéltemesásak kéxegke eñama xa kéllegeykegkoho nak, elmeyókek axta anhan kéxegke, elnathésásók axta anhan kéxegke, tamháha axta anhan kélwáxok. Keñe axta kélmoko helwetekxak kéxegke natámen xa. Elnathésásók axta kéxegke, kéllegasásegkók axta m'a énxet ektaha axta apsexnánémap. Kéxekmósek axta kéxegke megkólláneya aksok ekmaso eñama kélteme xa ekyókxoho nak.

1 TIMOTEO 1:15

Nakso' agko' se'e, kéméxchek nahan magya'ásók negyókxoho: cham'a apwaya axta Cristo Jesús keso náxop yakwayam elwagkasek teyp énxet'ák melya'asáxma nak, ko'o eyke sekteme sémha emonye may'asáxma nepyeseksa apyókxoho énxet'ák.

HEBREOS 4:16

Agágketchesamhok hana aphamakxa m'a Dios segásekhayo nak yetlo megkatnaheykha egwáxok, yakwayam enxoho hegemlekxohok henlanok negko'o, tén han keytlawhok ektakmeleykha apwáxok hempasmok ma'a eyakhókxa enxoho neltamhókxa hempasmok.

HEBREOS 8:12

Mayakmagkásekxék sat ko'o apkeltémakxa ekmaso xa énxet'ák nak, megkaxénwakxok agko' sat nahan ewáxok apkeltémakxa nak melya'asáxma.”