SAN LUCAS 17:25 - Lengua Sur (Enxet) Nuevo Testamento

²⁵ Awanhek sat eyke sekxo' katnehek aplegeykegkoho, etaknawékpok sat nahan nepyeseksa énxet'ák keso negwánxa nak.

SAN LUCAS 17:25 ပူးပေါင်းရင်းမြစ်များ

SAN MATEO 16:21

Axta apchénhok nahan apkeltennaso Jesús apkeltámeséyak peya emhagkok ma'a tegma apwányam Jerusalén, tén han apkeltennasa peya eñásesagkohok agko' ma'a énxet'ák apkelámha apmonye'e nak kélakneykekxexa, tén han ma'a apkelámha apmonye'e nak appasmo apkelmaxnéseso Dios énxet'ák apagkok, tén han ma'a apkelxekmóso nak apnámokkok ektémakxa segánamakxa. Apkeltennásek axta anhan peya yakhek xa énxet'ák nak, wánxa agkok, apxénchek axta eyke peya exátekhágwók antanxo ekhem.

SAN MATEO 21:42

Aptahak axta apkeláneya Jesús énxet'ák se'e: —¿Yagkólyetseteyk makham kéxegke eknaktáxésamaxche ektéma nak ekxeyenma s'e? ‘Tamhákxeyk kaxwo' meteymog kélmámenyého kólmaha m'a meteymog apyamasma axta énxet'ák apkeláneyak nak tegma. Cháxa apkelana axta Wese' egegkok xa, payhekxeyk egwáxok negko'o negwet'a.’

SAN MARCOS 10:33

“Kélwet'awók kéxegke nelmeyákxo kaxwo' ma'a tegma apwányam Jerusalén, cham'a yakwánxa sat kólmések aptaha nak Apketche énxet ma'a apkelámha apmonye'e nak appasmo apkelmaxnéseso Dios énxet'ák apagkok, tén han ma'a énxet'ák apkelxekmóso nak apnámokkok ektémakxa segánamakxa. Yának sat nahan emátog, egkések sat nahan ma'a énxet'ák metnaha nak judíos.

SAN MARCOS 12:10

“¿Yagkólyetseteyk kéxegke eknaktáxésamaxche ektéma nak ekpeywa s'e?: ‘Tamhákxeyk kaxwo' meteymog kélmamenyého kólmaha m'a meteymog apyamasma axta énxet'ák apkeláneyak nak tegma.

SAN MARCOS 8:31

Apkeltennáseyha axta Jesús apkeltámeséyak peya eñegkohok agko' ma'a aptaha nak Apketche énxet, tén han peya etaknók ma'a apkelámha apmonye'e nak kélakneykekxexa, tén han ma'a apkelámha apmonye'e nak appasmo apkelmaxnéseso Dios énxet'ák apagkok, tén han ma'a énxet'ák apkelxekmóso nak apnámokkok ektémakxa segánamakxa. Apkeltennásek axta anhan peya yakhek xa énxet'ák nak, apxénchek axta eyke peya exátekhágwók antanxo ekhem.

SAN MARCOS 9:31

hakte apkeltámeséyak axta apkeltennáseyha. Aptahak axta apkeláneya s'e: —Kólának sat emok énxet'ák ma'a ektaha nak Apketche énxet, yakhek sat nahan; wánxa agkok, antanxo ekhem sat eyke exátekhágwók.

SAN LUCAS 18:31

Mók nekha axta apkelya'ásak Jesús doce apkeltámeséyak. Aptahak axta apkeláneya s'e: “Jerusalén kaxwo' nelmeyákxak, cham'a yakwánxa sat kasawhaxkohok katnehek ma'a ektémakxa axta apnaktáxeséyak énxet'ák ektaha axta apkellegaso Dios appeywa apxeyenma m'a aptaha nak Apketche énxet.

SAN LUCAS 18:33

Etekpagmakha sat nahan, yakhek sat nahan; wánxa agkok, antanxo ekhem sat eyke exátekhágwók.”

SAN LUCAS 24:46

Aptahak axta apkeláneya s'e: —Xeyenmék eknaktáxésamaxche ekmáheyo yetsapok Mesías, tén han ekxeyenma ekmáheyo exátekhágwók antanxo ekhem;

SAN LUCAS 9:22

Aptahak axta apkeláneya s'e: —Awanhek sat katnehek aplegeykegkoho ektaha nak Apketche énxet, etaknók sat ma'a apkelámha apmonye'e nak apchakneykekxexa énxet'ák judíos, tén han ma'a apkelámha apmonye'e nak appasmo apkelmaxnéseso Dios énxet'ák apagkok, tén han ma'a énxet'ák apkelxekmóso nak apnámokkok ektémakxa segánamakxa. Yakhek sat nahan, wánxa agkok, antanxo ekhem sat eyke exátekhágwók.

SAN JUAN 1:11

Apwayak axta eykhe apheykegkaxa m'a ektaha nak énxet'ák apagkok, wánxa agkok axta eyke yápeykha m'a ektaha nak énxet'ák apagkok.

SAN JUAN 12:38

hakte máheyok axta kasawhaxkohok katnehek ma'a ektémakxa axta apnaktáxeséyak Isaías, aptaha axta Dios appeywa aplegaso ektéma axta ekpeywa s'e: “Wese', ¿yaksak axta megkay'ásekmo amya'a nenlegaso axta negko'o? ¿Yaksak axta énxet'ák apxekmósa Wese' egegkok ma'a ektémakxa nak apmopwána?”