SAN LUCAS 17:21 - Lengua Sur (Enxet) Nuevo Testamento

²¹ Megkatnehek sat amya'a kólánéxchek se'e: ‘Keso ekyetna s'e’, esenhan katnehek amya'a, ‘Cha'a ekyetna á’; hakte wayak kélnepyeseksa kéxegke aptémakxa nak Wese' apwányam Dios.

SAN LUCAS 17:21 ပူးပေါင်းရင်းမြစ်များ

SAN MATEO 12:28

Elántekkesek agkok ko'o kelyekhama' eñama apmopwána m'a Dios Espíritu apagkok, cháxa magkenatcheso ekwa'a kélnepyeseksa kéxegke m'a aptémakxa nak Wese' apwányam Dios.

SAN MARCOS 13:21

“Temék agkok amya'a kéláneyáxko kéxegke s'e: ‘Kóllano keso Mesías se'e’, esenhan katnehek amya'a s'e: ‘Kóllano, cháxa apha xa’, nágkóleyxho aksa.

SAN LUCAS 17:23

Nápakha énxet sat etnehek apkelpeywa s'e: ‘Keso apha s'e’, esenhan katnehek amya'a s'e, ‘cha'a apha á’; nágkólya'am aksa, nágkólyetlakxa anhan.

SAN LUCAS 21:8

Aptahak axta apchátegmowágko Jesús se'e: “Kólleyxmakha sat, nágkólho aksa kólyexanchesha. Hakte elwak sat énxet apxámokma sexneyásamákpoho ko'o. Sat etnehek apkelpeywa s'e: ‘Ko'o Mesías’. Etnehek sat nahan se'e: ‘Wokmek kaxwo' ekhem.’ Nágkólyetlakxa aksa kéxegke.

SAN JUAN 1:26

Aptahak axta apchátegmowágko Juan se'e: —Yegmen agko' ko'o ekyakpasásegkok kéxegke, wánxa agkok apheyk eyke kélnepyeseksa kéxegke megkólyekpelcha nak,

SAN JUAN 18:36

Aptahak axta apchátegmowágko Jesús se'e: —Háwe ko'o wese' apwányam keso náxop. Ektemék axta agkok ko'o wese' apwányam keso náxop, yetneyk axta katnehek seláneykha yakwayam ennapakpok yakwayam enxoho ko'o mehelmések ma'a énxet'ák judíos. Háwe eyke ko'o wese' apwányam keso náxop.

ROMANOS 14:17

Háwe aptémakxa Wese' apwányam Dios ma'a nento tén han ma'a negya nak mók xama aksok, háwe ektémakxa xa, akke m'a ekpéwomo nentémakxa nak, meyke ektahakxa egwáxok, tén han ma'a ekpayheykekxa nak egwáxok eñama Espíritu Santo.

COLOSENSES 1:27

Apmenyék axta Dios elyekpelchásesók ma'a ektaha nak énxet'ák apagkok, cham'a ekwánxa nak ekxámokma aksok eltakmela apagkok, cham'a ektemésesama axta cha'a ekpowásamáxkoho énxet'ák metnaha nak judíos. Apheyk kélwáxok kéxegke Cristo, cháxa megkólya'áseykegko axta kéxegke xa, aptaha nak han eñamakxa nelhaxneykha m'a negeymáxkoho peya nak anxawak.