SAN LUCAS 17:1 - Lengua Sur (Enxet) Nuevo Testamento

¹ Aptahak axta apkeláneya Jesús apkeltámeséyak se'e: “Keytek sat cha'a aksok elánésamo nak mey'asáxma énxet; ¡kéxegke sat laye ektahakxa enxoho kélláneso mey'asáxma kélmók!

SAN LUCAS 17:1 ပူးပေါင်းရင်းမြစ်များ

SAN MATEO 16:23

Appeynchakpók axta Jesús, aptahak axta apcháneya Pedro s'e: —¡Kamhok mók nekha Satanás! hakte mokók hetegkesek, meteyk xép aksok ekhawo m'a ektémakxa nak apweté Dios, wánxa m'a ektémakxa nak apweté énxet.

SAN MATEO 18:7

¡Asagko agko' keso náxop ekyetnakxa nak ekxámokma aksok eláneso nak cha'a mey'asáxma énxet! Katnehek sat cha'a xa. ¡Kéxegke sat laye ektahakxa enxoho kélláneso mey'asáxma kélmók!

SAN LUCAS 16:31

Wánxa agkok, aptahak axta apchátegmowágko Abraham se'e: ‘Agkok emokók elyahakxohok Moisés apnaktáxeséyak nak, tén han ma'a apnaktáxeséyak axta énxet'ák apkellegaso axta Dios appeywa, étak sat eykhe exátekhágwók ektaha axta apketsapma, elya'asók sat eyke.’ ”

ROMANOS 14:13

Ekeso eñamakxa megkatakmela nak antehek nelyamatcháseykha egnámokkok. Kólhésho sat mók kélwáxok yakwayam megkóllának ma'a aksok elánésamo nak mey'asáxma kélyáxeg.

ROMANOS 16:17

Elyáxeg, eltamhok ko'o kóllanok apkeltémakxa énxet'ák aptekkesamo nak cha'a néxpanchásamáxche, tén han ma'a appalcheseykmohol'a ẽlyáxeg'a nentémo xamo' nak magya'áseyam, apkelmexmék nelxekmowásamáxche kelxaka axta kéxegke xa énxet'ák nak. Nágkólpaxkaha xa énxet'ák nak,

1 CORINTIOS 10:32

Nágkóllanés aksa mey'asáxma kélyáxeg eñama m'a kéltahakxa enxoho; nágkólxekmósho kéltahakxa énxet'ák judíos, tén han ma'a énxet metnaha nak judíos, nágkólxekmósho nahan kéltahakxa m'a Dios énxet'ák apagkok nak.

1 CORINTIOS 11:19

Megkatnehek kexaha megkólexpanchásamáxche kéxegke yakwayam kólya'ásegwomhok ma'a énxet'ák aptaha nak ekmámnaksoho melya'áseyam Cristo.

1 CORINTIOS 8:13

Sekto agkok keñamak selánesa mey'asáxma eyáxeg sektémo xamo' nak may'áseyam Cristo, tásek ko'o matwek ápetek xama enxoho, yakwayam enxoho malanaksek mey'asáxma egyáxeg.

1 TIMOTEO 4:1

Tásek apxeyenma Espíritu peya elwátesagkok aptamheyak melya'áseyam nápakha énxet'ák ektemegwánxa sat néxa ekhem, apkelyetlákxo sat ma'a espíritu sẽlyexancháseykha nak, tén han apkelyetlákxo enxoho m'a nelxekmowásamáxche eñama nak kelyekhama'.

APOCALIPSIS 2:14

Mók xama aksok akke ektaknawasásak xép: cham'a megkólámenyého nak kólyenyekxak kélnapakha kéxegke m'a nelxekmowásamáxche eñama nak Balaam, cham'a apkeltennasama axta Balac apkeltémo elanaksek melya'asáxma énxet'ák Israel, cham'a apkelyáteyeykegkoho axta apkeltémo etawagkok nento kélméso axta kéleykmáseso, tén han apkeltémo elanagkok ma'a ekmaso nak nentémakxa mansexta.

APOCALIPSIS 2:20

Wánxa agkok, yetneyk eyke xama aksok sektaknawásesa exchep; cham'a apcha'awo nak ektahakxa kelán'a ekwesey nak Jezabel, ekxeyenma nak cha'a m'a eltenneykha nak ektaha eñama Dios, kelyexancháseyha eyke selásenneykha eñama m'a ektémakxa nak elxekmóso, kelánésegkek nahan ekmaso nentémakxa mansexta, keltémok nahan etawagkok ma'a nento kélméso nak kéleykmáseso.