SAN LUCAS 15:6 - Lengua Sur (Enxet) Nuevo Testamento

⁶ Kélwákxeyk agkok kélxagkok, keñe kólánchásekxak kélnámokkok, tén han ma'a kélhóxo nak, keñe kóltehek kólának se'e: ‘kalpayhekxak sat egwáxok negyókxoho nak, hakte ekwetákxeyk ko'o nekkések sektóso apxeganakmo axta.’

SAN LUCAS 15:6 ပူးပေါင်းရင်းမြစ်များ

SAN LUCAS 1:58

Apya'aweykxek axta ekhóxo tén han ma'a námokkok ancha'awo' nak, yakwayam kalpayhekxohok apwáxók xamo', cham'a apkelya'ásegwokmo axta ektakmela aptemésesakxa Dios ma'a Isabel.

SAN LUCAS 15:10

Eltennásek ko'o kéxegke m'a apyakmagkasa enxoho apwáxok xama énxet ekmaso nak aptémakxa, kalpayhekxak apwáxók Dios apkelásenneykha m'a néten.”

SAN LUCAS 15:24

Hakte apketsepmeyk axta s'e hatte nak, apxátekhágwokmek eyke kaxwo'; apxegáneykmek axta anhan, negwetákxeyk eyke kaxwo'.’ Apkeláneygkek axta anhan ektámáxche elpayhekxo apwáxók.

SAN LUCAS 15:5

Kélwetákxeyk agkok, kapayhekxak nahan kélwáxok, keñe kólpatmekxa'.

SAN LUCAS 15:7

Eltennásek ko'o kéxegke m'a apyakmagkasa enxoho apwáxok xama énxet ekmaso nak aptémakxa, awanhek katnehek elpayheykekxa apwáxók énxet'ák apheykha nak néten, megkaxók ma'a ekweykenxal'a apkelpeykesáseykekxa apwáxók noventa y nueve énxet'ák eltakmela nak apkeltémakxa, cham'a megkeyméxko nak elyakmagkasek apwáxók.

SAN JUAN 15:14

Kéllanak agkok kéxegke m'a seltémókxa nak kóltehek, kélteme kéxegke enámokkok.

SAN JUAN 3:29

Enxet ekha nak appagkanma apteme appagkanamap yakwayam kalyamhápok; exek nahan kaxwé elyamhopma apteme pók ma'a, eñak nahan aptahakxa enxoho appeywa m'a, awanhek nahan katnehek ekpayheykekxa apwáxok apleg'a enxoho aptahakxa appeywa. Cháxa setnahakxa nak ko'o xa, awanho' agko' kaxwo' ekpayheykekxa ewáxok.

LOS HECHOS 11:23

Xama axta apwokmo Bernabé m'a, apwet'ak axta ektémakxa aksok eltakmela eleñama néten apméso Dios xa énxet'ák nak. Awanhok agko' axta anhan ekpayheykekxa apwáxok. Apkeltennásek axta énxet'ák apkeltamho elenxanmohok apteme melya'áseyam Wese' egegkok.

LOS HECHOS 15:3

Kéláphásek axta Pablo tén han Bernabé. Apchakneykekxexa énxet tegma apwányam Antioquía axta keñamak kéláphaso. Xama axta apkelwokmo m'a yókxexma Fenicia tén han ma'a Samaria, apkeltennáseyha axta énxet'ák ektémakxa apkexeykegko nano' apcháyókxa m'a énxet'ák metnaha nak judíos yakwayam elyetlakxak ma'a Dios. Apyókxoho énxet'ák melya'áseyam Wese' egegkok axta kelpayhekxak apwáxók apkelleg'a xa amya'a nak.

FILIPENSES 1:4

Elmaxnakkek agkok cha'a, almaxnéseshok cha'a kélxámokxoho kéxegke yetlo ekpayheykekxa ewáxok;

FILIPENSES 2:17

Kayegkenaxchek eykhe ko'o éma ahagkok yakwayam kasawhaxkohok ma'a ektémakxa nak kéxegke kélméso aksok Dios eñama m'a megkólya'áseyam nak, kapayhekxak akke aksa ko'o ewáxok, kawakxohok nahan kélyókxoho kéxegke ektahakxa enxoho ekpayheykekxa ewáxok ko'o.

FILIPENSES 4:1

Elyáxeg selásekhayo sekmámenyého ahagko' nak alwetekxa', kéxegke kélteme selásekhayo, kéxegke nahan kélteme kélpeykáseykekxa cha'a ko'o ewáxok, kéxegke nahan kélteme sekxawé naksa ko'o. Kólteme cha'a kélyennaktésamo kélteme megkólya'áseyam Wese' egegkok.

1 TESALONICENSES 2:19

Kéxegke kélteme eñamakxa negko'o nelhaxneykha, kéxegke nahan kélteme eñamakxa negko'o ekpayheykekxa egwáxok, kéxegke nahan kélteme eñamakxa nak negko'o ektakmeleykha egwáxok, kéxegke nahan kélteme sentakmelchesáseykekxa cha'a egwáxok. Kéxegke sat makham kañék negweté negko'o ekyókxoho xa, cham'a apwakto sat Jesucristo Wese' egegkok.

1 SAN PEDRO 2:10

Háwe axta kéxegke Dios énxet'ák apagkok nano' axta, kaxwo' eyke kéltemék kéxegke Dios énxet'ák apagkok; axta kamopyósak apkelányo Dios kéxegke nano' axta, kaxwo' eyke kélyósekak apkelano kéxegke Dios.

1 SAN PEDRO 2:25

Hakte kélxeganeykmek axta kéxegke ektémol'a nekkések apkelxegányam, kaxwo' eyke kélya'aweykxek kéxegke Cristo, aptaha nak apkeltakmelcheso kéxegke ekhawo m'a aptémakxal'a énxet ektaha nak apkeláneykha nekkések, meyenseykmok nahan apkeltakmelcheso kéxegke m'a Cristo.